Oviungura 28

Paulus mokakoverwa ka Malta

1Nu tji twa vazere komukuro nokuhinatjipo arire tji twa raerwa kutja ena rokakoverwa nga oMalta. 2Ovature vako ve tu sekirisa nawa moyawo. Ombura ya uta okuroka nu kwa ri ombepera, nowo opu va yakisira omuriro nave tu yakura nawa atuhe. 3Paulus wa nyanga omukuta woukuṋe, nu ngunda ame u twa komuriro onyoka arire tji ya pitisiwa i oupyu nai rimanga meke re. 4Ovature tji va munine onyoka aye rimanga meke ra Paulus verihungirire oveni ave tja: “Omurumendu ngwi ma sokurira omuzepe ngwi, nungwari oumba kamaau mu tarere nomuinyo, nangarire kutja imwi mooma wokuvare eye wa hupu.” 5Nungwari Paulus wa pukumunina indji onyoka momuriro nokuhina indu wa rumatwa oparukaze. 6Owo ve mu tarera kutja ma suru, nokutja ma u a koka tjimanga. Nu tji va za nokutarera orure nave ha munu otjiṋa kaaṋi tji tja tjitwa ku ye, arire tji va rundurura omeripura wawo ave tja: “Eye omukuru!”

7Nu popezu notjirongo hi pa ri omahi womakunino wa Publius, omunane omunene wokakoverwa. Eye we tu yakura nawa, noure womayuva yetatu e tu sekirisa moye. 8Ihe ya Publius wa ri momara e notjipyu pehuri. Paulus wa hita metuwo re, a kumbu, a yambeke omake ku ye ne mu verukisa. 9Kombunda yomaverukisiro nga ovavere avehe varwe mokakoverwa arire tji ve ya nave verukisiwa. 10Nowo ve tu pa oviyandjewa ovingi, neṱe tji twa ri pokuyenda mondjuwoyomomeva ave turike oviṋa, mbi matu hepere ouyenda wetu.

Paulus ma zu mo mOmalta a i kOroma

11Kombunda yomieze vitatu eṱe twa ronda mondjuwoyomomeva ya Aleksandrie ndji ku za “Dioskuri”, nu ndja ri mokakoverwa nga mokupepera. 12Twa kavaza kotjihuro Sirakuse natu kakara ngo oure womayuva yetatu. 13Okuzambo twa ya atu kavaza kotjihuro Regium. Nu kombunda yeyuva rimwe ombepo ya uta okuhinga okuza keyuva kokumuho, nu moure womayuva yetatu atu ya motjirongo Puteoli. 14MOputeoli twa vazere mo ovakambure, nowo ve tu ningira kutja tu kare puna wo oure wotjivike. Tjazumba atu kavaza kOroma. 15Ovakambure mOroma ve tu zuva notji ve ya nga kotjirongo tjOmarandasaneno tja Apius notjOzondjuwo ndatu zOvayenda okuyekututjakanena. Paulus tje ve muna arire tja tja okuhepa ku Ndjambi, nu a yanḓipara tjinene.

Paulus mOroma

16Tji twa vaza mOroma, Paulus wa yandjerwa okutura erike puna omurwe wovita okumutjevera.

17Kombunda yomayuva yetatu Paulus wa isana ovanane vOvajuda va Roma kombongarero. Nowo tji va wongara a tja ku wo: “Vaisrael ovakwetu, nangarire kutja hi na tji mba tjita kotjiwaṋa tjetu na kotuzo twootate mukururume, ami mba rira omupandekwa mOjerusalem ne yandjewa kOvaroma. 18Nu Ovaroma tji va za nokundjipura, va vanga okundjikutura tjinga ava muna kutja hi tjitire otjiṋa pu mba pwire okuṱa. 19#Oviu 25:11Nungwari Ovajuda tji va kuramena otjiṋa hi momurungu, ami mba ṋiṋikiziwa okukurama komurungu wombara ya Roma, nu nao e he ri kutja me vanga okurondora otjiwaṋa tjetu oveni. 20Opu mba ningirira okumumuna nokuhungira na eṋe. Ami nai mba pandekwa motjimbe tja ingwi Ovaisrael mu ve nomaundjiro, nouketanga mbwi.”

21Owo va tjere ku ye: “Eṱe katuya muna otutuu okuza kehi ra Judea tu matu hungire ove, nu wina kape nomundu umwe wetu ngwa zira ngo nombuze poo notjiṋa otjivi okuhungira ove. 22Nungwari eṱe matu vanga okuzuva ouripura woye, tjinga amatu tjiwa kutja ovandu akuhe ve temangura otjira hi ove mu u ri.”

23Owo opu va zikamisira eyuva puna Paulus, nu meyuva ndo otjimbumba otjinene tjovandu atji ya ngwi Paulus ka ri. Okuza komuhuka nga kongurova eye we ve handjaurira ombuze youhona wa Ndjambi na roro okuvetanaurira ku Jesus ama tamuna omambo mOmatwako wa Moses na momatjangwa wovaprofete. 24Tjiva vawo va kambura momambo we, nungwari tjiva kave kamburire ko. 25Nowo arire tji va i ave hi nokuzuvasana oveni, indu Paulus tja za nokuhungira embo rimwe ndi: “Tjiri, Ombepo Ondjapuke ya hungira nawa notjinyo tjomuprofete Jesaja kooiho mukururume, 26#Jes 6:9, 10indu tja tjere:

‘Twende u katje nai kotjiwaṋa hi:

Eṋe mamu puratene amwa puratenene,

nungwari kamaamu zuu,

nu mamu tara amwa tarere,

nungwari kamaamu munu,

27mena rokutja omitima vyeṋu

tjinga avi ri omikukutu,

nomatwi weṋu aya woropara,

nomeho weṋu aya poṱupara,

tjarwe omeho weṋu itjaye muna,

nu atja mu zuva nomatwi

nomitima vyeṋu.

Nu Ndjambi ma tja eṋe atja mu ritanaurira ku ami

nami e mu verukisa.’ ”

28Nu Paulus wa yandisa omambo we ama tja: “Nambano mamu sokutjiwa kutja ombuze ya Ndjambi yondjamo ya hindwa ku imba mbe he ri Ovajuda, nowo mave i puratene!”#28:28 Omatjangwa omakwao ya weza po ezeva ndi: 29 Paulus tja za nokuhungira omambo nga, Ovajuda arire tji va i amave patasana oveni.

30Oure wozombura mbari Paulus wa turire poṋa pa yazemene, nu wina poṋa mbo opuya yakurire ovandu avehe mbaa ve ya okumuvarura. 31Eye wa zuvarisire ouhona wa Ndjambi na hongo avihe mbya tjamene na Muhona Jesus Kristus ama hungire nouvanḓe nouyara auhe.

Currently Selected:

Oviungura 28: HRR-UNI

Highlight

Copy