2 Ekuruhungi 7
7
Omayapuriro wondjuwo ya Muhona.
(1Ozo 8:62-66)
1 #
Lev 9:23-24
Salomo tja mana okukumba, omuriro arire tji wa rauka keyuru nau ningiririsa ozombunguhiro nḓa punguhwa, nongeṋangeṋeno ya Muhona ye urisa ondjuwo ya Muhona. 2Novapristeri kaave sora okuhita mu yo tjinga aye urisiwa nongeṋangeṋeno ya Muhona. 3#1Eku 16:34; 2Eku 5:13; Esra 3:11; Psa 100:5; 106:1; 107:1; 118:1; 136:1; Jer 33:11Ovaisrael tji va munu omuriro amau zu meyuru, nongeṋangeṋeno ya Muhona aye urisa ondjuwo ya Muhona, otji va wa onḓurumika korupare amave rikotamene ku Ndjambi namave mu hivirikire ouwa norusuvero rwe orukarerere. 4Ombara Salomo notjiwaṋa va punguhira Muhona ozombunguhiro. 5Eye wa punguha ozongombe 22,000, nozonyanda 120,000 ze rire ozombunguhiro zohange. Komuhingo mbwi ombara nOvaisrael otji va yapurira Ndjambi ondjuwo ndji. 6Ovapristeri va kuramene potuveze tu va pewa, nOvalevi wina va kuramene amave tara ku wo namave tanga Muhona novinangoma ombara David mbya ungurisire. Owo va imbura eimburiro nda tjangwa i David nu ndi mari tja: “Orusuvero rwe ru karerera!” Ovapristeri aave tono ozohiva, otjiwaṋa atjihe ngunda atja kurama.
7Salomo wa yapura orupanda rwomokati korumbo ndwa ri komurungu wondjuwo ya Muhona; neye wa punguhira po ozombunguhiro ozoningiririsiwa nozovikurya, nozonḓura zovinamuinyo vyozombunguhiro zohange. Eye wa tjita nai, ihi otjipunguhiro tjongoporo tja ungurire tjinga atja ri otjiṱiṱi tjinene kozombunguhiro azehe nḓa.
8Salomo nOvaisrael avehe va tjita Omukandi wOviranda vyOmaso oure womayuva hambombari. Pa wongara otjimbumba otjinene tjovandu okuza kokure pomakapitiro wondundu Hamat keyuva kokunene, nga komukuro wa Engipte keyuva kokumuho. 9Meyuva oritjahambondatu va tjita ombongarero onene yomapatero. Owo va tjitire omayuva hambombari okuyapura otjipunguhiro, nomayuva omakwao hambombari womukandi. 10Meyuva oritjamirongo vivari na yetatu romueze outjahambombari Salomo otja yarura ovandu kozoyawo. Owo va kara nenyando nave yoroka kozondaya azehe Muhona nḓa yandja kotjiwaṋa tja Israel na ku David na ku Salomo.
Ndjambi me rimunikisa rukwao ku Salomo
(1Ozo 9:1-9)
11Ombara Salomo tja mana okutunga ondjuwo ya Muhona nondjuwo youhona, nu tja za nokuyenenisa omeripuriro we aehe wokutunga, 12Muhona otje rimunikisa ku ye mouṱuku na tja: “Ami mba zuva ongumbiro yoye, nu mba yakura ondjuwo ndji i rire poṋa pu mape punguhirwa Ami ozombunguhiro. 13Aruhe ami tji mbi hi nakurokisa ombura poo tji me hindi ozombahu okurya ovikunwa poo tji me hindi omutjise omuzeu kovandu 14mbe ri ovandje omuini, nowo tji mave risusuparisa nave kumbu ku ami, nave ritanaura nave isa omauvi ngu va tjita, ami meve zuvire meyuru, e ve isire ourunde wawo ne ṋingaparisa ehi rawo. 15Ami me tjevere ondjuwo ndji, nu me kara nombango okupuratena kozongumbiro azehe nḓu maze kumbirwa mba. 16Ami mba toorora ondjuwo ndji, nu mbe i yapura okurira moṋa mu me rikotamenenwa nga aruhe. Ami me i tjevere nu me i ṱakamisa aruhe. 17Tji mo ndji karere nouṱakame otja iho David tja tjitire, no kara nonḓuviro komatwako wandje, no tjiti avihe mbi mbe ku rakiza, 18#1Ozo 2:4Ami otji me yenenisa omakwizikiro wandje ngu mba tjita ku iho David, indu tji mbe mu raera kutja Israel matji honaparerwa i ozondekurona ze aruhe. 19Nungwari ove notjiwaṋa tjoye tji mu hi nokukara nonḓuviro komatwako na komazikamisiro ngu mbe mu pa namu rikotamene koomukuru varwe, 20Ami otji me mu isa mo mehi ndi ndi mbe mu pa; nu me zu mo mondjuwo ndji ndji mba yapura kutja i rire moṋa mu me rikotamenenwa. Ovandu koṋa akuhe mave i nyekerere nave i nyengura.
21“Ondjuwo ndji nambano ya yozikwa, nungwari auhe ngu ma kapita ma himwa na pura a tja: ‘Okutjavi Muhona tja tjita nai kehi na kondjuwo ndji?’ 22Novandu mave ziri ave tja: ‘Orondu otjiwaṋa tjinga atja poka ku Muhona, Ndjambi watjo, ngwa pitisire ooihe mukururume mOengipte. Owo va hondja koomukuru vovisenginina, ave rikotamene ku wo nave ve karere. Muhona opa etera oviwonga mbi avihe ku wo!’ ”
Currently Selected:
2 Ekuruhungi 7: HRR-UNI
Highlight
Copy
Compare
Share
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
