2 Ekuruhungi 5
5
1 #
2Sam 8:11; 1Eku 18:11 Ombara Salomo tja mana oviungura avihe vyondjuwo ya Ndjambi, otja twa mo oviṋa avihe ihe David mbya yapuririre Muhona momatuwo wovihuze vyayo, okutja osilveri nongoldo noviungurise vyarwe.
Otjipwikiro tjOmerikutiropamwe matji etwa mondjuwo ya Muhona
(1Ozo 8:1-9)
2 #
2Sam 6:12-15; 1Eku 15:25-28 Ombara Salomo wa woronganisira ovanane avehe vOvaisrael, na imbi oviuru vyomihoko novyomaṱunḓu wOvaisrael mOjerusalem kutja ve kaete Otjipwikiro tjOmerikutiropamwe wa Muhona kOsion, Otjihuro tja David, nu ve tji ete kondjuwo ya Muhona. 3Avehe va woronganena pOmukandi wOviranda vyOmaso, momueze outjahambombari. 4Ovanene avehe tji va worongana, Ovalevi arire tji va toora Otjipwikiro tjOmerikutiropamwe 5nave tji twara kondjuwo ya Muhona. Ovapristeri nOvalevi wina va twara Ondanda yOmahakaeneno noviungurise vyayo avihe kondjuwo ya Muhona. 6Ombara Salomo nOvaisrael avehe va woronganena momurungu wOtjipwikiro tjOmerikutiropamwe nave punguha ozonyanda nozongombe ozengi tjinene nḓe hi notjivaro. 7Tjazumba ovapristeri otji va toora Otjipwikiro tjOmerikutiropamwe nave ketjitwa metuwo romokwara rondjuwo ya Muhona, okutja omOtjouyapukeyapuke, kehi yovivava vyovakerubi. 8Ovivava vyawo vya nyaturukira kombanda yOtjipwikiro tjOmerikutiropamwe nave tji kutjire pamwe noviti vyatjo ovitjindiro. 9Oviti ovitjindiro, mbi ri mbo nga ku ndinondi, vya ri ovire nai, nga ovikoro vyavyo tjaavi munikire metuwo nda ri komurungu wOtjouyapukeyapuke; nungwari kaavi sora okumunikira pendje. 10#Deu 10:5Kamwa ri otjiṋa tjarwe mOtjipwikiro tjOmerikutiropamwe posi yovitjangero imbi vivari vyomawe, Moses mbya twire mu tjo kondundu Sinai, Muhona ka tjitire omerikutiropamwe nOvaisrael, indu tji va zire kOengipte.
Ongeṋangeṋeno ya Muhona
11 #
1Eku 16:34; 2Eku 7:3; Esra 3:11; Psa 100:5; 106:1; 107:1; 118:1; 136:1; Jer 33:11 #
Eks 40:34, 35 Ovapristeri avehe mba ri mbo, ve riyapura oveni, nokuhinokurikenda novimbumba mu va ri. 12Ovaimbure vOvalevi, okutja ooAsaf na Heman na Jedutun novazandu wozonganda zawo, va zarere ozombanda ozoheze. Owo va kuramene nozongoma zovitenda noviharpe komukuma wokomuhuka wotjipunguhiro, nu puna wo pa ri ovapristeri esere nomirongo vivari mbaa ve nyanda ozohiva. 13Ovaimbure novanyande vovinangoma va tanga Muhona nozohiva, nozongoma zovitenda, novinangoma vyarwe nombosiro imwe. Owo va imbura nai:
“Muhona nga tangwe, eye tjinga e ri omuwa.
Norusuvero rwe ru karerera nga aruhe!”
Novapristeri tji va pita mondjuwo, kamanga oyo otji ye urisiwa notjikamba tjaa tjikeṋakeṋa nongeṋangeṋeno youkarepo wa Muhona. 14Nowo kave sorere okuyaruka mu yo okutjita oviungura vyawo motjimbe tjotjikamba; ongeṋangeṋeno ya Muhona tjinga aye urisa ondjuwo ya Ndjambi.
Currently Selected:
2 Ekuruhungi 5: HRR-UNI
Highlight
Copy
Compare
Share
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
