Bilangan Uram 7
7
Musa biryi Er Iya Erebdobnyi ai dobmou ba, Er Erebdobnyi biti dama deiboka uk dabmai uram deyok
7:1-89
1Musa biryi Er Iya Erebdobnyi ai Kemah Suci ai sirya dobmou. Ura, erci akai to teleb co yung likdeiboka Er Iya Erebdobnyi molona ai kikiman kibdeibmou. Tonda, akai deirin bona-bona nirya ab, Er Imtamnyi biti bisam dama deiboka uk dan keil lamna ab, dama deirin keil lamna wa ina dinyi nirya ab to teleb co yung aryi likdeibnin yibinmou. Ato kuboka a nirya ara Er Iya Erebdobnyi biti molona kikiman kibdeibmou. 2Ba, Israel nang yala yuk-yuk sien nang ab, sun ai ninyi kalingna nang ab aryi ukutotoa nirya dama deibmai. A nang ara sun Israel yala nang yuk-yuk kerek sekmai ninyi kalingnamnyi. 3A sien nang aryi dama deibmai dinyi ara kongkong eboka ninyi bon dinyi si kereta nabaryi ab, bisam sapi yim amolbaryi ab dama deibmai. Ara, sien nang bitinyi-bitinyi aryi kereta dama deibmai. Ba, ninyi tentok-tentok aryi bisam sapi yim dama deibmai. Ura, a bulubmai kereta ab, bisam ab nirya ara Kemah Suci ai dam bobinmai. 4Ura, Er Iya Erebdobnyi biryi Musa bisi ato ebmou, 5“A boyanmang dinyi nirya dobdum. A dobmaminyi dinyi ara sun Kemah Suci ai, ‘A wa ibkwayeb,’ ebmangnyi to deibdum. Ba, a dinyi nirya ara Lewi yala nang ati karebkwandum,” ebmou. 6Ura, Musa biryi sun a boyanmai ninyi bon dinyi si kereta ab, bisam sapi yim ab ara doboka Lewi yala nang ati karebmou. 7Ba, kereta bitinyi ab, sapi yim dumbaryi ab ara Gerson yala nang sun wa iramnyi to ati dobkarebmou. 8Tonda, ninyi bon dinyi si kereta dumbaryi ab, bisam sapi inbaryi ab ara Merari yala nang ati dobkarebmou. Ara, Harun mi si Itamar, sun Merari yala nang sienyi kiamuryi, wa ibde baramwe to ati karebmou. 9Bok, Kehat yala nang ara a bobinmai kereta ab, bisam sapi yim ab ton kum karebmou. Ara, sun wa ara Kemah Suci ai deiriramingnyi bona-bona asi sun takonya deici deiboka bon nang ati ton kum karebmou.
10Ura, yala yuk-yuk weik sien nang kibde bei nang nirya ara dama deirin keil lamna likdeibnin yibinkwanung. Sirya bulubdeibingnyi ura, sunci, “A dama deibkwamab,” tenebmangnyi dinyi nirya boboka keil lamna dam boyankwanung. 11Er Iya Erebdobnyi biryi Musa bisi ato ebmou, “Yala yuk-yuk weik sien nang kibyi tok ara dama deirin keil lamna dub likdeibnin yibana ati uki berekci tok tuba-tuba yuk-yuk boyankwanung,” ebmou.
12Yuma uki tum dama deiryankwandanyi bira Aminadab mi si Nahason Yehuda yala nang sienyi deiryankwande. 13A dama deiryankwaming dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 14Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 15Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 16Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 17Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Aminadab mi Nahason biryi boyankwandur.
18Ura, uki bitinyi tum ara Zuar mi Netaneel Dama deirbinkwandur. Netaneel bira Isakhar yala nang weik sienyi kiboka taleamwe. 19A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 20Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 21Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangni ati boyankwandur. 22Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangni ati boyankwandur. 23Ba, lemdaron dinyi uk dabkwamangni ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. Ara, Zuar mi Netaneel biryi boyankwande.
24Ura, uki winiryi tum ara Helon mi Eliab Zebulon yala nang sienyi biryi dama deiryankwandur. 25A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 26Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 27Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 28Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 29Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. Ara, Helon mi Eliab biryi dama deiryankwandur. Eliab bira Zebulon yala nang weik sienyi kiamwe.
30Uki dumbaryi tum ara Ruben yala sienyi Syedeur mi si Elizur biryi dama deiryankwandur. 31A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 32Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 33Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 34Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 35Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Syedeur mi Elizur biryi boyankwandur.
36Ura, uki amubaryi tum ara Simeon yala nang sienyi Zurisyadai mi si Selumiel biryi dama deiryankwandur. 37A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 38Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 39Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 40Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 41Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Zurisyadai mi Selumiel biryi boyankwandur.
42Ba, uki nabaryi tum ara Gad yala nang sienyi Rehuel mi si Elyasaf biryi dama deiryankwandur. 43A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 44Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 45Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 46Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 47Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Rehuel mi Elyasaf biryi boyankwandur.
48Ba, uki tabaryi tum ara Efraim yala nang sienyi Amihud mi si Elisama biryi dama deiryankwandur. 49A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 50Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 51Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 52Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 53Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Amihud mi Elisama biryi boyankwandur.
54Ba, uki inbaryi tum ara Manasye yala nang sienyi Pedazur mi si Gamaliel biryi dama deiryankwandur. 55A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 56Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 57Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 58Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 59Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Pedazur mi Gamaliel biryi boyankwandur.
60Ba, uki toubnibaryi tum ara Benyamin yala nang sienyi Gideoni mi si Abidan biryi dama deiryankwandur. 61A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 62Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 63Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 64Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 65Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Gideoni mi Abidan biryi boyankwandur.
66Ba, uki takubaryi tum ara Dan yala nang sienyi Amisyadai mi si Ahiezer biryi dama deiryankwandur. 67A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 68Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 69Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 70Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 71Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Amisyadai mi si Ahiezer biryi boyankwandur.
72Ba, uki koklombaryi tum ara Asyer yala nang sienyi Okhran mi si Pagiel biryi dama deiryankwandur. 73A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 74Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 75Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 76Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 77Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Okhran mi Pagiel biryi boyankwandur.
78Ba, uki amolbaryi tum ara Naftali yala nang sienyi Enan mi si Ahira biryi dama deiryankwandur. 79A dama deiryankwande dinyi ara perak yangardeirin suwa ikin 1.500 gram tentok ab, perak me kwen meyok tentok er ikin ara 800 gram ab boyankwandur. A bitinyi keica ara Er Imtamnyi biti yina-yina dama deirina ati tepung tong teleb en minyak lubmangnyi dinyi ab boyankwandur. 80Ani, emas yin meyok er ikin 110 gram ab uk kalum kirdongon bisik kibdongoboka boyankwandur. 81Tonda, bisam sapi yim tentok ab, bisam domba yim tentok ab, bisam domba kwalina tentok kubmaci bisam ab ara nong nirya uk dabkwamangnyi ati boyankwandur. 82Ba, bisam kambing yim tentok boyankwandur. A bisam kambing ara malyi kuramingyi dinyi kilin dinyi uk dabkwamangnyi ati boyankwandur. 83Ba, lemdaron dinyi uk dabkwamangnyi ati, bisam sapi yim bitinyi ab, bisam domba yim amubaryi ab, kambing yim amubaryi ab, domba bisam kwalina tentok kubmaci bisam amubaryi ab boyankwandur. A boyankwamarinyi bira Enan mi Ahira biryi boyankwandur.
84Ara, dama deirin keil lamna dub me akdeibnin yiban uki dobci ura, Israel yala nang weik sien nang aryi, perak yangardeirin suwa amolbaryi ab, perak aryi kikniamingnyi waskom amolbaryi baryi ab boyankwanung. A dinyi nirya ikin nungna ara 27,6 kilogram. Ba, emas aryi kikniamingnyi me kwen meyok amolbaryi nirya ikin 1,32 kilogram. A dobmangnyi yangamna nirya ara uk kalum kibdongobkwanung. 85A dobmangnyi emas yangamna ikin ara 1.500 gram ab, me kwen meyok ikin ara 800 gram boyankwanung. Ba, a boyankwamangnyi perak dinyi yangamna ikin nirya ara 27,6 kilogram baryi kuramnyi. 86Ani, emas aryi kikniamingnyi dinyi ikin dua belas baryi ab, a yangman deici asi uk kalum kibdongoboka boyankwanung. Ba, a emas yangman er ikin nungna ara 1,32 kilogram kuramnyi. 87Ba, a dama deiboka uk dabkwamangnyi bisam ara sapi yim amolbaryi obkwanung. Ani, bisam domba yim amolbaryi ab, kwalina tentok kibmaci bisam domba amolbaryi ab, kouryina ab dama deibkwanung. Tonda bisam kambing yim amolbaryi betebdongobdanamingnyi dinyi kilina ati dama deibkwanung. 88Ba, lemdaron dinyi ati dama deibkwamangnyi ura, bisam sapi yim 20 baryi ab, bisam domba yim 60 baryi ab, bisa kambing yim 60 baryi ab, domba bisam kwalina tentok kubmaci domba 20 baryi ab dama deibkwanung. A dinyi ara dama keil lamna sirya tong teleb en dinyi lubdeibingnyi ura, dama deibkwanung.
89Ba, Musa biryi Er Iya Erebdobnyi ab uram sisikwamaringnyi ura, Er Iya Erebdobnyi ai Kemah Suci umbura wengbarur. Ura, Musa biryi Er Imtamnyi uram enmaci kekerur ara, “Ukubdarur-ukuna mem,” en uram deirin co sangkol bublan tiringna dub aryi erur asi kekerur. Ba, a alib bublan tiringna deici ara dina-dina asi malaikat atoanun si kerub kikniboka deibyi dam aryi uram erur asi kekerur.
Currently Selected:
Bilangan Uram 7: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
