Bilangan Uram 4
4
Lewi yala nang bok, sun Kehat ai ninyi wa deyok
4:1-49
1Er Iya Erebdobnyi biryi Musa ab, Harun ab asi ato kuboka arukmou. 2“Lewi yala nang kankan dam aryi, Kehat yala nang ab, sun yaldangna ab nirya nukoka kerek sekdurum. 3Ani, sal nang nirya kwalina 30 baryi kuboka 50 baryi nirya nukoka kerek sekwandurum. Ara, wa ibmanto nang nirya Ni Er Iya Erebdobnyi ai wa inkwaming. 4Sun Kehat ai nang Kemah Suci ai inkwaming wa ara sunci beterdongona mem dinyi kalingkwaming. 5Ani, anabdobkumunyi ura, Harun ab er mabwe ab aryi ai Ni Imtamnyi ai wengbindoka, ‘Ukubdarur-ukuna mem,’ en uram deirin co sangkol bisik bublan limdongon kaluna lobkwanung. Ba, a lobmangnyi kaluna aryi, ‘Ukubdarur-ukuna mem,’ en uram deirin co sangkol kalubdeibkwanung. 6Sirya ukubingnyi ura, alib siklibkwamangnyi kaluna ara namin teleb kaluna aryi siklibkwanung. Ani, alib siklibkwamangnyi kaluna ara im bila bol kaluna aryi siklibkwanung. Sirya ukubingnyi ura, a bobkwamingnyi ati co malouwa dakwanung. 7Ba, Er Iya Erebdobnyi biti roti kwaning deirin co lamna ara im bila bol aling kalubdeibkwanung. Ani, a kalubdeibmangnyi deici asi sabya ongoninto kuanci yangamna sua ab, meyok ab deibkwanung. Ba, ‘Malyi kun dinyi kilibsute,’ tenen anggur me dingdongon meyok ababyi a co lamna deici a deibkwanung. Ani, Roti kwaning ababyi anda deibmangnyi alib deibkwanung. 8Anda deibmangnyi dinyi nirya alib siklina ara ining bol kaluna aryi siklibkwanung. Ani, a dam siklibkwamangnyi dinyi ara namin kaluna aryi siklibkwanung. Sirya ukubingnyi ura, malouwa camna co labkwanung. 9Ani, sunci im bila bol kaluna doboka uk dan dinyi er yan ab, berengna uk du nong ab, uk ilingna kaluna ab, uk kalum deirin dinyi ab siklibkwanung. Ani, zaitun deirin meyok ab deibdongoboka siklibkwanung. 10Ba, sunci berengna uk ab, Imtamnyi ai deiramingnyi dinyi nirya ab ara namin kaluna aryi singibingnyi ura, co malouwa labmangnyi deici deibkwanung. 11Sirya ukubingnyi ura, emas keil aryi Imtamnyi biti tong teleb co yung dama deirin keil lamna ara im bila kaluna aryi siklibkwanung. Ura, namin kaluna aryi alibtam kuboka siklibingnyi ura, co malouwa labkwanung. 12Beterdongona mem ai umbura wa ina ati deiramingnyi dinyi nirya ara doboka im bila kaluna aryi kitibkwanung. Ani, namin kaluna aryi alib siklibdeiboka co malouwa labmangnyi deici deibkwanung. 13Ba, Er Imtamnyi biti tong teleb co yung dama deirina emas keil lamna deici ara uk kalum aryi lubdeiboka kuruta bol kaluna aryi alib kalubdeibkwanung. 14Sirya ukubingnyi ura, a kaluna alib deici asi uk kalum kirdongon yangamna ab, suwa ab, waskom ab deibkwanung. Ba, Er Imtamnyi ai deiramingnyi dinyi nirya a deici deibkwanung. Ura, anda keica deibmangnyi alib ara ikan lumba-lumba kala aryi kikniamingnyi kaluna aryi siklibkwanung. Sirya ura, co malouwa cabkwanung.
15Sirya Harun ab, er mabwe ab aryi beterdongona mem ai deirin dinyi sirya kalubdeibingnyi ura, anabdobkwamangnyi talak ara Kehat yala nang aryi ai wengbingnyi ura, bobkwanung. Bok, sun dibingnyob ati beterdongona mem ai deiramingnyi bona ara bolirdena mem! Eda sun Kehat yala nang ara Kemah Suci ai deiramingnyi dinyi bon nang kibkwanung. 16Bok, imam Harun mi Eleazar bira Er Iya Erebdobnyi ai deiramingnyi keica lurdein dinyi tong teleb en me yung ab, berengna uk tabaryi ardeirin dinyi ab, yina kibmangnyi yina ati dama deibkwamangiryi lurdeiraming tong teleb en dinyi ab, imam eboka tikeibkwamangnyi ba, lurdeiraming tong teleb en me ab kalikwandur. Ani, Kemah Suci ai deiramingnyi dinyi nirya kalikandur,” ebmou.
17Er Iya Erebdobnyi biryi Musa ab, Harun ab asi ato ebmou, 18“Kehat yala nang ab, sun ai ninyi ab ara Lewi yala nang dam aryi nirya kum dangnyob ati diboka kalikwandurum. 19Ato kuboka kalikdurumnyi ba, beterdongona mem bona-bona dam binmangnyi ababyi sun diboka kubingiryi, dina kum kubkwaming. Ba, Harun ab er mabwe ab aryi sunsi lilibdeiboka wa karebkwandurum. Ani, Er Iya Erebdobnyi ai deinung bona-bona bobkwanung. 20Bok, Kehat yala nang ara Kemah Suci ai talyitam wengbindoka beterdongona mem bona-bona asi asing mem! Anda bona asing eibmangnyi ura, uki kum aryok dibkwaming,” ebmou.
21Er Iya Erebdobnyi biryi Musa bisi ato ebmou, 22“Gerson yala nang ab, er ai ninyi ab nirya nukdum. 23Nukminyi ura, kwalina 30 baryi kuboka 50 baryi kurbinmangnyi nang ara kerek sekminyi ura, Kemah Suci ai wa in nang eboka wa karebkwandum. 24Ato kuboka Gerson yala nang asi wa karebmimba, sunda anda dinyi bobkwaming, 25Ara, Er Imtamnyi ai Kemah Suci ai don aruma ab, alibtam siklin aruma ab, amwetam siklin kaluna ab, namin kaluna weik me kwan umbura kurur kamyoa si, lumba-lumba kala aryi kikniboka alibtam ab arwe tam ab kalurdeiramingyi dinyi ab bobkwanung. Ani, Kemah Suci ai bisik bublan lilin kaluna ab bobkwanung. 26Ani, Kemah Suci ai keta dam lika kuna doamingnyi kaluna ab, Kemah Suci ai lika dam ai bisik bublan tiringna kaluna ab bobkwanung. Tonda, lika kuna doamingnyi kaluna kitin tabwe ab, bisik bublan wilimna kaluna kitiramingnyi tabwe ab ara sun Gerson yala nang wa ati sun bobkwanung. 27Ani, Gerson yala nang asi Harun ab, er mabwe ab aryi kalikwandarur. Ba, sun wa kareamunyi to kuboka ibde binkwanung. Ani, sunci a wa kareamunyi dinyi nirya kalikoka bonkwanung. 28A wa ara Gerson yala nang aryi Kemah Suci ai ati ato kuboka ibde binkwaming. Bok, sun kalikwandanyi bira Harun mi si Itamar biryi weik sienyi kibkwandur.
29Merari yala nang ab, sun ai ninyi nirya ab asi kerek sekdum. 30A kerek sekwamaminyi nang ara kwalina 30 baryi kurbinmangnyi nang ab, 30 baryi bisiboka 50 baryi kianci nang ab asi kerek sekwandum. Ba, sunci Kemah Suci ai wa ibkwaming. 31Sunci ibkwaming wa ara Kemah Suci ai doamingnyi co ab, ai dumwe donongna co ab, abyokomna ab bobkwaming. 32Ani, ai kitin tabwe ab, ai wilin abyokomna ab, anda doamingyi dinyi nirya ara sunsi wa karebminyi ba, bobkwaming. 33A ai bon wa ara Merari yala nang asi karebkwandum. Ba, sun sienyi bira imam Harun mi si Itamar kibkwandur,” ebmou.
34Ura, Er Imtamnyi ebdeibmou to kuboka Musa ab, Harun ab aryi, sun Israel weik nang ab, Kehat yala nang ab, sun ai ninyi nirya ab kerek sekmai. 35Ara, kwalina 30 baryi aryi kuboka 50 baryi kurbinan nang ara kerek sekmai. Ara, Er Imtamnyi ai Kemah Suci ai wa in nang ati wa karebkwandei deyok aryi kerek sekdongobmai. 36Kehat yala nang a kerek sekmarei to kuboka nirya nungna ara 2.750 baryi kerek sekdongobmai. 37Ara, Kehat yala nang nirya kerek sekdongobmai. A kerek sekmai to nirya ara Kemah Suci ai umbura wa in nang ati sekmai. Musa ab Harun ab aryi Kehat yala nang kerek sekmarei ara Er Iya Erebdobnyi biryi Musa dam ebdeibmou to kuboka sekmai.
38Tonda, Gerson yala nang ab sun ai ninyi ab nirya kerek sekmai. 39Ara, kwalina 30 baryi kuboka 50 baryi kurbinan nang ara kerek sekdongobmai. A kerek sekmai nang nirya ara Kemah Suci ai wa in nang ati sekmai. 40Gerson yala nang ab, sun ai nang ab kerek sekdongobmai nirya nungna ara 2.630 baryi kerek sekdongobmai. 41Gerson yala nang a nirya kerek sekmai ara Kemah Suci ai wa ibkwamnyi ati sekmai. Ara, Er Iya Erebdobnyi biryi Musa dam ebdeiamwe to kuboka Musa ab, Harun ab aryi kerek sekmai.
42Tonda, Merari yala nang ab, sun ai nang ab nirya kerek sekmai. 43Ara, kwalina 30 baryi kuboka 50 baryi kuamwe nang asi si sekmai. A si sekmai nang nirya ara Kemah Suci ai wa in nang ati kerek sekmai. 44Merari yala nang nirya kerek sekmai nirya nungna ara 3.200 baryi kerek sekmai. 45Musa ab, Harun ab aryi Merari yala nang nirya kerek sekmai ara Er Iya Erebdobnyi biryi Musa dam ebdeibmou to kuboka kerek sekmai.
46Lewi yala nang ab, sun ai nang ab nirya asi Musa ab, Harun ab, Israel nang yala yuk-yuk sien nang ab aryi kerek sekmai. 47Ara, kwalina 30 kuan nang aryi kuboka 50 baryi kurbinan nang nirya kerek sekmai. Ara, Kemah Suci ai wa in nang ab, Kemah Suci ai deiramingnyi bona-bona bon nang ab ati kerek sekmai. 48A kerek sekmai nirya antaniboka nungna ara 8.580 baryi kerek sekmai. 49A kerek sekde binmai to nirya ara Er Iya Erebdobnyi biryi Musa dam ebdeibmou to kuboka sekmai. A kerek sekmai to wa ababyi yuk-yuk karebde binmai. Ara, Er Imtamnyi ai umbura wa in nang ab, akai bon nang ab ati wa karebmai. Ato kubok Imtamnyi biryi Musa dam ebdeibmou to kuboka yala yuk-yuk kerek sekmai.
Currently Selected:
Bilangan Uram 4: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 4
4
Lewi yala nang bok, sun Kehat ai ninyi wa deyok
4:1-49
1Er Iya Erebdobnyi biryi Musa ab, Harun ab asi ato kuboka arukmou. 2“Lewi yala nang kankan dam aryi, Kehat yala nang ab, sun yaldangna ab nirya nukoka kerek sekdurum. 3Ani, sal nang nirya kwalina 30 baryi kuboka 50 baryi nirya nukoka kerek sekwandurum. Ara, wa ibmanto nang nirya Ni Er Iya Erebdobnyi ai wa inkwaming. 4Sun Kehat ai nang Kemah Suci ai inkwaming wa ara sunci beterdongona mem dinyi kalingkwaming. 5Ani, anabdobkumunyi ura, Harun ab er mabwe ab aryi ai Ni Imtamnyi ai wengbindoka, ‘Ukubdarur-ukuna mem,’ en uram deirin co sangkol bisik bublan limdongon kaluna lobkwanung. Ba, a lobmangnyi kaluna aryi, ‘Ukubdarur-ukuna mem,’ en uram deirin co sangkol kalubdeibkwanung. 6Sirya ukubingnyi ura, alib siklibkwamangnyi kaluna ara namin teleb kaluna aryi siklibkwanung. Ani, alib siklibkwamangnyi kaluna ara im bila bol kaluna aryi siklibkwanung. Sirya ukubingnyi ura, a bobkwamingnyi ati co malouwa dakwanung. 7Ba, Er Iya Erebdobnyi biti roti kwaning deirin co lamna ara im bila bol aling kalubdeibkwanung. Ani, a kalubdeibmangnyi deici asi sabya ongoninto kuanci yangamna sua ab, meyok ab deibkwanung. Ba, ‘Malyi kun dinyi kilibsute,’ tenen anggur me dingdongon meyok ababyi a co lamna deici a deibkwanung. Ani, Roti kwaning ababyi anda deibmangnyi alib deibkwanung. 8Anda deibmangnyi dinyi nirya alib siklina ara ining bol kaluna aryi siklibkwanung. Ani, a dam siklibkwamangnyi dinyi ara namin kaluna aryi siklibkwanung. Sirya ukubingnyi ura, malouwa camna co labkwanung. 9Ani, sunci im bila bol kaluna doboka uk dan dinyi er yan ab, berengna uk du nong ab, uk ilingna kaluna ab, uk kalum deirin dinyi ab siklibkwanung. Ani, zaitun deirin meyok ab deibdongoboka siklibkwanung. 10Ba, sunci berengna uk ab, Imtamnyi ai deiramingnyi dinyi nirya ab ara namin kaluna aryi singibingnyi ura, co malouwa labmangnyi deici deibkwanung. 11Sirya ukubingnyi ura, emas keil aryi Imtamnyi biti tong teleb co yung dama deirin keil lamna ara im bila kaluna aryi siklibkwanung. Ura, namin kaluna aryi alibtam kuboka siklibingnyi ura, co malouwa labkwanung. 12Beterdongona mem ai umbura wa ina ati deiramingnyi dinyi nirya ara doboka im bila kaluna aryi kitibkwanung. Ani, namin kaluna aryi alib siklibdeiboka co malouwa labmangnyi deici deibkwanung. 13Ba, Er Imtamnyi biti tong teleb co yung dama deirina emas keil lamna deici ara uk kalum aryi lubdeiboka kuruta bol kaluna aryi alib kalubdeibkwanung. 14Sirya ukubingnyi ura, a kaluna alib deici asi uk kalum kirdongon yangamna ab, suwa ab, waskom ab deibkwanung. Ba, Er Imtamnyi ai deiramingnyi dinyi nirya a deici deibkwanung. Ura, anda keica deibmangnyi alib ara ikan lumba-lumba kala aryi kikniamingnyi kaluna aryi siklibkwanung. Sirya ura, co malouwa cabkwanung.
15Sirya Harun ab, er mabwe ab aryi beterdongona mem ai deirin dinyi sirya kalubdeibingnyi ura, anabdobkwamangnyi talak ara Kehat yala nang aryi ai wengbingnyi ura, bobkwanung. Bok, sun dibingnyob ati beterdongona mem ai deiramingnyi bona ara bolirdena mem! Eda sun Kehat yala nang ara Kemah Suci ai deiramingnyi dinyi bon nang kibkwanung. 16Bok, imam Harun mi Eleazar bira Er Iya Erebdobnyi ai deiramingnyi keica lurdein dinyi tong teleb en me yung ab, berengna uk tabaryi ardeirin dinyi ab, yina kibmangnyi yina ati dama deibkwamangiryi lurdeiraming tong teleb en dinyi ab, imam eboka tikeibkwamangnyi ba, lurdeiraming tong teleb en me ab kalikwandur. Ani, Kemah Suci ai deiramingnyi dinyi nirya kalikandur,” ebmou.
17Er Iya Erebdobnyi biryi Musa ab, Harun ab asi ato ebmou, 18“Kehat yala nang ab, sun ai ninyi ab ara Lewi yala nang dam aryi nirya kum dangnyob ati diboka kalikwandurum. 19Ato kuboka kalikdurumnyi ba, beterdongona mem bona-bona dam binmangnyi ababyi sun diboka kubingiryi, dina kum kubkwaming. Ba, Harun ab er mabwe ab aryi sunsi lilibdeiboka wa karebkwandurum. Ani, Er Iya Erebdobnyi ai deinung bona-bona bobkwanung. 20Bok, Kehat yala nang ara Kemah Suci ai talyitam wengbindoka beterdongona mem bona-bona asi asing mem! Anda bona asing eibmangnyi ura, uki kum aryok dibkwaming,” ebmou.
21Er Iya Erebdobnyi biryi Musa bisi ato ebmou, 22“Gerson yala nang ab, er ai ninyi ab nirya nukdum. 23Nukminyi ura, kwalina 30 baryi kuboka 50 baryi kurbinmangnyi nang ara kerek sekminyi ura, Kemah Suci ai wa in nang eboka wa karebkwandum. 24Ato kuboka Gerson yala nang asi wa karebmimba, sunda anda dinyi bobkwaming, 25Ara, Er Imtamnyi ai Kemah Suci ai don aruma ab, alibtam siklin aruma ab, amwetam siklin kaluna ab, namin kaluna weik me kwan umbura kurur kamyoa si, lumba-lumba kala aryi kikniboka alibtam ab arwe tam ab kalurdeiramingyi dinyi ab bobkwanung. Ani, Kemah Suci ai bisik bublan lilin kaluna ab bobkwanung. 26Ani, Kemah Suci ai keta dam lika kuna doamingnyi kaluna ab, Kemah Suci ai lika dam ai bisik bublan tiringna kaluna ab bobkwanung. Tonda, lika kuna doamingnyi kaluna kitin tabwe ab, bisik bublan wilimna kaluna kitiramingnyi tabwe ab ara sun Gerson yala nang wa ati sun bobkwanung. 27Ani, Gerson yala nang asi Harun ab, er mabwe ab aryi kalikwandarur. Ba, sun wa kareamunyi to kuboka ibde binkwanung. Ani, sunci a wa kareamunyi dinyi nirya kalikoka bonkwanung. 28A wa ara Gerson yala nang aryi Kemah Suci ai ati ato kuboka ibde binkwaming. Bok, sun kalikwandanyi bira Harun mi si Itamar biryi weik sienyi kibkwandur.
29Merari yala nang ab, sun ai ninyi nirya ab asi kerek sekdum. 30A kerek sekwamaminyi nang ara kwalina 30 baryi kurbinmangnyi nang ab, 30 baryi bisiboka 50 baryi kianci nang ab asi kerek sekwandum. Ba, sunci Kemah Suci ai wa ibkwaming. 31Sunci ibkwaming wa ara Kemah Suci ai doamingnyi co ab, ai dumwe donongna co ab, abyokomna ab bobkwaming. 32Ani, ai kitin tabwe ab, ai wilin abyokomna ab, anda doamingyi dinyi nirya ara sunsi wa karebminyi ba, bobkwaming. 33A ai bon wa ara Merari yala nang asi karebkwandum. Ba, sun sienyi bira imam Harun mi si Itamar kibkwandur,” ebmou.
34Ura, Er Imtamnyi ebdeibmou to kuboka Musa ab, Harun ab aryi, sun Israel weik nang ab, Kehat yala nang ab, sun ai ninyi nirya ab kerek sekmai. 35Ara, kwalina 30 baryi aryi kuboka 50 baryi kurbinan nang ara kerek sekmai. Ara, Er Imtamnyi ai Kemah Suci ai wa in nang ati wa karebkwandei deyok aryi kerek sekdongobmai. 36Kehat yala nang a kerek sekmarei to kuboka nirya nungna ara 2.750 baryi kerek sekdongobmai. 37Ara, Kehat yala nang nirya kerek sekdongobmai. A kerek sekmai to nirya ara Kemah Suci ai umbura wa in nang ati sekmai. Musa ab Harun ab aryi Kehat yala nang kerek sekmarei ara Er Iya Erebdobnyi biryi Musa dam ebdeibmou to kuboka sekmai.
38Tonda, Gerson yala nang ab sun ai ninyi ab nirya kerek sekmai. 39Ara, kwalina 30 baryi kuboka 50 baryi kurbinan nang ara kerek sekdongobmai. A kerek sekmai nang nirya ara Kemah Suci ai wa in nang ati sekmai. 40Gerson yala nang ab, sun ai nang ab kerek sekdongobmai nirya nungna ara 2.630 baryi kerek sekdongobmai. 41Gerson yala nang a nirya kerek sekmai ara Kemah Suci ai wa ibkwamnyi ati sekmai. Ara, Er Iya Erebdobnyi biryi Musa dam ebdeiamwe to kuboka Musa ab, Harun ab aryi kerek sekmai.
42Tonda, Merari yala nang ab, sun ai nang ab nirya kerek sekmai. 43Ara, kwalina 30 baryi kuboka 50 baryi kuamwe nang asi si sekmai. A si sekmai nang nirya ara Kemah Suci ai wa in nang ati kerek sekmai. 44Merari yala nang nirya kerek sekmai nirya nungna ara 3.200 baryi kerek sekmai. 45Musa ab, Harun ab aryi Merari yala nang nirya kerek sekmai ara Er Iya Erebdobnyi biryi Musa dam ebdeibmou to kuboka kerek sekmai.
46Lewi yala nang ab, sun ai nang ab nirya asi Musa ab, Harun ab, Israel nang yala yuk-yuk sien nang ab aryi kerek sekmai. 47Ara, kwalina 30 kuan nang aryi kuboka 50 baryi kurbinan nang nirya kerek sekmai. Ara, Kemah Suci ai wa in nang ab, Kemah Suci ai deiramingnyi bona-bona bon nang ab ati kerek sekmai. 48A kerek sekmai nirya antaniboka nungna ara 8.580 baryi kerek sekmai. 49A kerek sekde binmai to nirya ara Er Iya Erebdobnyi biryi Musa dam ebdeibmou to kuboka sekmai. A kerek sekmai to wa ababyi yuk-yuk karebde binmai. Ara, Er Imtamnyi ai umbura wa in nang ab, akai bon nang ab ati wa karebmai. Ato kubok Imtamnyi biryi Musa dam ebdeibmou to kuboka yala yuk-yuk kerek sekmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)