Bilangan Uram 3
3
Lewi yala nang uram deyok
3:1-51
1Ara, Harun yala ab, Musa yala ab ati Er Iya Erebdobnyi biryi Musa bisi Sinai mutuk kon dam aryi uram ebdeibmou.
2Harun mabwe yuma mi si ara Nadab, a dam mi ara Abihu, a dam mi ara Eleazar, sirya kelenyi bira Itamar. 3A nang ara Er Imtamnyi ai wa in nang si imam wa tikeibnin yibinmou. Sirya imam wa ina ati tikeibmou ura, tong teleb me kisok dikdongobmou. 4Bok, Nadab ab, Abihu ab ara Er Iya Erebdobnyi ai umbura dam aryi uk talya dikum aryi doboka sekmarei deyok aryi yini mutuk Sinai dam dibmarei. Ba, a nang bitinyi ara sun mabwe ton kum deiandei. Akiryi sun nai Harun kam kuramuryi, imam wa iramwe dinyi ara er mabwe Eleazar ab, Itamar ab dobdandei.
5Er Iya Erebdobnyi biryi Musa bisi ato ebmou, 6“Lewi yala nang asi nabmimba, yangnyi ura, ‘Imam Harun dam bindarur,’ ebdum. Ba, sunci Harun bisi wa ibmilibkwaming. 7Sunda Ni Imtamnyi ai wa in nang kibingiryi, Harun inmaci wa ibmilibkwaming. Ani, Israel ninyi ab ati wa ibmilibkwaming. Ani, Ni ai Kemah Suci ai umbura ibkwaming. 8Sun Lewi yala nang aryi Kemah Suci ai umbura telebto kuna ati deibnin yibinamingnyi dinyi kalikwanung. Ato kuramingnyi dinyi ara Israel nang ati ibmilibkwaming. 9Ba, Israel ninyi bok, Lewi yala nang ara Harun ab Harun mabwe ab ati karebkwandum. 10Bok, Harun ab, er mabwe ab ara Musa kanci sunsi, imam wa kareboka tikeibkwandum. Bok, yuk nang aryi imam nang kiboka kunmangnyi ura, dibkwaming,” ebmou.
11Er Iya Erebdobnyi biryi Musa bisi ato ebmou, 12“Kekerum, Nira Iya Erebdobnyi, sun molorandumnyi kunun. Ati, Ni Imtamnyi biryi Israel nang kankan dam aryi sun Lewi yala nang asi wibse. Ara, Niryi Israel nang dam aryi yuma mabwe deiraming to kuboka wibsiryi unuboka Ni dinyi kibse. 13Ara, Ni Imtamnyi biryi Mesir mutuk aryi yuma mabwe nirya obkirianse. Akiryi ninyi yuma mabwe babyi, bisam yabwe yuma mabwe babyi Ni dinyi akwe kibwe. Ati, Ni Imtamnyi biryi Israel ninyi kankan dam aryi, Lewi yala nang asi, yuma mabwe deiraming to wibsiryi unuboka Ni dinyi kibse,” ebmou.
14Yini mutuk Sinai dam aryi Er Iya Erebdobnyi biryi Musa bisi ato ebmou, 15“Lewi yala nang si yuk-yuk seknin yibirum. Ara, wala tentok kubmaci mi aryi kuboka eitam nirya si sekwandum,” ebmou. 16Ura, Musa biryi Er Iya Erebdobnyi ebmou to kuboka si yuk-yuk seknin yibinmou. 17Lewi mabwe ara Gerson ab, Kehat ab Merari ab deiamwe. 18Ba, Gerson biryi deibwe ura, Libni ab, Simei ab deibmou. 19Kehat mabwe ara Amram ab, Yizhar ab, Hebron ab, Uziel ab deiamwe. 20Ba, Merari mabwe ara Mahli ab, Musi ab deiamwe. Anda ninyi si ara Lewi yaldangna nang si sekmou.
21Gerson yala ninyi ara Libni ai ninyi ab, Simei ai ninyi ab sekmou. 22Gerson yala nang wala tentok aryi kuboka eitam nirya sekmou nungna ara 7.500 baryi kuramnyi. 23Gerson yala nang ara Er Iya Erebdobnyi ai Kemah Suci ai dongtam kitingbantam atei doamnyi. 24Gerson yala nang sienyi kiamunyi bira Lael mi si Elyasaf kiamwe. 25Gerson yala nang aryi Er Iya Erebdobnyi ai wa iramnyi dinyi ara Kemah Suci ab, akai aruma ab, akai bisik bublan tiringnamnyi kaluna ab kalingnamnyi. 26Tonda, Gerson yala nang aryi Kemah Suci keta aknabdongoamnyi abilinga ab, abilinga siklin namin kaluna ab, keta abilinga bublan tiringna ati kalurdeiramnyi kaluna ab, Er Imtamnyi biti bisam sapi kum, domba kum oboka dama deirin keil lamna ab, tabwe ab nirya kalingnamnyi.
27Kehat yala nang ara Amram ai ninyi ab, Yizhar ai ninyi ab, Hebron ai ninyi ab, Uziel ai ninyi ab ukuboka si sekmou. 28Kehat yala nang wala tentok aryi kuboka eitam nirya sekmou nungna ara 8.600 baryi kuramnyi. A yala nang aryi Er Imtamnyi ai Kemah Suci ai umbura kuamwe dinyi kalingnamnyi. 29Kehat yala nang ara Kemah Suci ai dinatam kuboka me utam ai doamnyi. 30Kehat yala nang ab, er ai ninyi ab sun boboka menengnamunyi bira Uziel mi Elisafan biryi boboka menengnamwe. 31Kehat yala nang aryi kalingnamnyi dinyi ara, “Ukubdarur-ukuna mem,” en uram deiamnyi co sangkol ab, roti kwaning deirin co lamna ab, uk ardeirin dinyi er yan ab kalingnamnyi. Ani, Er Imtamnyi biti dama deirin keil lamna ab, imam nang kubkwamangnyi keica ab, iya beterdongona mem ai limna kain ab kalingnamnyi. Kehat yala nang aryi a si sibyi dinyi nirya kalikoka dirliliramnyi. 32Lewi yala nang aryi beterdongona mem bona kalingnamnyi. Ba, sun weik kalingnanyi bira imam Harun mi Eleazar kiamwe.
33Merari yala ninyi ara Mahli ai ninyi ab, Musi ai ninyi ab, ara Merari yala ninyi si sekmou. 34Ba, sal mabwe wala tentok aryi kuboka eitam nungna nirya ara 6.200 baryi kuramnyi. 35Ba, Merari yala ninyi weik sienyi bira Abihail mi Zuriel biryi weik sienyi kiboka taleamwe. Ba, sun atei ara Kemah Suci ai dinatam bok me utam kuboka asi doramnyi. 36Ba, Merari yala nang aryi kalikoka boramnyi dinyi ara ai kurkurungna co ab, abyokomna ab, ai tongna amsuna ab, ai don co ab nirya kalikoka boramnyi. 37Ani, ai wilimna abyokomna ab, tabwe ab, tabwe kitibkwamana ati ingnamnyi keica si logam ab nirya kalikoka boramnyi.
38Ba, Er Iya Erebdobnyi ai Kemah Suci ai dam bok me youkwetam kuboka ara Musa ab, Harun ab, sun mabwe ab ai doramnyi. Sunda beterdongona mem ai Kemah Suci ai Israel yala ninyi ati kalingnamnyi. Bok, yuk yala nang aryi sun kalingnamnyi dinyi kununa ara orkaramnyi.
39Lewi yala nang wala tentok kuboka eitam mabwe Musa ab Harun ab aryi, Er Iya Erebdobnyi ebdeibmou to kuboka kerek sekmarei. A kerek sekmarei nungna nirya ara 22.000 baryi sekmarei.
40Ura, Er Iya Erebdobnyi biryi Musa bisi ato ebmou, “Israel nang aryi yuma deiamingnyi mabwe wala tentok aryi kuboka eitam kunmangnyi mabwe nirya nukoka kerek sekdum. 41Ba, Lewi yala nang ara doboka Niti karebnurum. Nira Iya Erebdobnyi! Ba, sun Lewi yala nang aryi Israel yala nang yuma deibdob mabwe kiboka unubkwaming. Ara, ninyi akwe kum, erda sun Lewi yala nang deinung bisam yabwe ababyi Israel nang yuma deinung bisam yabwe unubkwaming,” ebmou. 42Ura, Musa biryi Er Iya Erebdobnyi ebdeibmou to kuboka yuma deirin mabwe kerek sekalibmou. 43Ura, Israel nang mabwe yuma mabwe, uki kuna wala tentok kimbinmou mabwe nukoka kerek sekmou nirya nungna ara 22.273 baryi sekmou.
44Ura, Er Iya Erebdobnyi biryi Musa bisi ato ebmou. 45“Lewi yala nang ara Ni Iya Erebdobnyi dinyi. Akiryi Israel nang mabwe yuma mabwe ara Lewi yala nang kiboka unubmang. Ani, Lewi yala nang wininung bisam yabwe ababyi Israel nang bisam unubmang. 46Ba, Lewi yala nang nungna mitik kibmarci, Israel yala nang mabwe weik kibmar. A mabwe nungna ara 273 baryi kibmar. 47Ati, a 273 baryi mabwe ara perak ikin nungna 57 gram baryi mabwe yuk-yuk dekwandum. 48A perak keil uang ara Musa kanci Harun ab, er mabwe ab asi karebkwandum,” ebmou. 49Ura, Musa biryi Er Iya Erebdobnyi ebdeibmou to kuboka unubmou. 50Ura, Musa biryi 273 baryi mabwe nukdeboka perak keil ikin nungna 15,5 kilogram baryi dobmou. 51Ura, Er Iya Erebdobnyi ebdeibmou to kuboka Harun ab. Harun mabwe ab asi karebmou.
Currently Selected:
Bilangan Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 3
3
Lewi yala nang uram deyok
3:1-51
1Ara, Harun yala ab, Musa yala ab ati Er Iya Erebdobnyi biryi Musa bisi Sinai mutuk kon dam aryi uram ebdeibmou.
2Harun mabwe yuma mi si ara Nadab, a dam mi ara Abihu, a dam mi ara Eleazar, sirya kelenyi bira Itamar. 3A nang ara Er Imtamnyi ai wa in nang si imam wa tikeibnin yibinmou. Sirya imam wa ina ati tikeibmou ura, tong teleb me kisok dikdongobmou. 4Bok, Nadab ab, Abihu ab ara Er Iya Erebdobnyi ai umbura dam aryi uk talya dikum aryi doboka sekmarei deyok aryi yini mutuk Sinai dam dibmarei. Ba, a nang bitinyi ara sun mabwe ton kum deiandei. Akiryi sun nai Harun kam kuramuryi, imam wa iramwe dinyi ara er mabwe Eleazar ab, Itamar ab dobdandei.
5Er Iya Erebdobnyi biryi Musa bisi ato ebmou, 6“Lewi yala nang asi nabmimba, yangnyi ura, ‘Imam Harun dam bindarur,’ ebdum. Ba, sunci Harun bisi wa ibmilibkwaming. 7Sunda Ni Imtamnyi ai wa in nang kibingiryi, Harun inmaci wa ibmilibkwaming. Ani, Israel ninyi ab ati wa ibmilibkwaming. Ani, Ni ai Kemah Suci ai umbura ibkwaming. 8Sun Lewi yala nang aryi Kemah Suci ai umbura telebto kuna ati deibnin yibinamingnyi dinyi kalikwanung. Ato kuramingnyi dinyi ara Israel nang ati ibmilibkwaming. 9Ba, Israel ninyi bok, Lewi yala nang ara Harun ab Harun mabwe ab ati karebkwandum. 10Bok, Harun ab, er mabwe ab ara Musa kanci sunsi, imam wa kareboka tikeibkwandum. Bok, yuk nang aryi imam nang kiboka kunmangnyi ura, dibkwaming,” ebmou.
11Er Iya Erebdobnyi biryi Musa bisi ato ebmou, 12“Kekerum, Nira Iya Erebdobnyi, sun molorandumnyi kunun. Ati, Ni Imtamnyi biryi Israel nang kankan dam aryi sun Lewi yala nang asi wibse. Ara, Niryi Israel nang dam aryi yuma mabwe deiraming to kuboka wibsiryi unuboka Ni dinyi kibse. 13Ara, Ni Imtamnyi biryi Mesir mutuk aryi yuma mabwe nirya obkirianse. Akiryi ninyi yuma mabwe babyi, bisam yabwe yuma mabwe babyi Ni dinyi akwe kibwe. Ati, Ni Imtamnyi biryi Israel ninyi kankan dam aryi, Lewi yala nang asi, yuma mabwe deiraming to wibsiryi unuboka Ni dinyi kibse,” ebmou.
14Yini mutuk Sinai dam aryi Er Iya Erebdobnyi biryi Musa bisi ato ebmou, 15“Lewi yala nang si yuk-yuk seknin yibirum. Ara, wala tentok kubmaci mi aryi kuboka eitam nirya si sekwandum,” ebmou. 16Ura, Musa biryi Er Iya Erebdobnyi ebmou to kuboka si yuk-yuk seknin yibinmou. 17Lewi mabwe ara Gerson ab, Kehat ab Merari ab deiamwe. 18Ba, Gerson biryi deibwe ura, Libni ab, Simei ab deibmou. 19Kehat mabwe ara Amram ab, Yizhar ab, Hebron ab, Uziel ab deiamwe. 20Ba, Merari mabwe ara Mahli ab, Musi ab deiamwe. Anda ninyi si ara Lewi yaldangna nang si sekmou.
21Gerson yala ninyi ara Libni ai ninyi ab, Simei ai ninyi ab sekmou. 22Gerson yala nang wala tentok aryi kuboka eitam nirya sekmou nungna ara 7.500 baryi kuramnyi. 23Gerson yala nang ara Er Iya Erebdobnyi ai Kemah Suci ai dongtam kitingbantam atei doamnyi. 24Gerson yala nang sienyi kiamunyi bira Lael mi si Elyasaf kiamwe. 25Gerson yala nang aryi Er Iya Erebdobnyi ai wa iramnyi dinyi ara Kemah Suci ab, akai aruma ab, akai bisik bublan tiringnamnyi kaluna ab kalingnamnyi. 26Tonda, Gerson yala nang aryi Kemah Suci keta aknabdongoamnyi abilinga ab, abilinga siklin namin kaluna ab, keta abilinga bublan tiringna ati kalurdeiramnyi kaluna ab, Er Imtamnyi biti bisam sapi kum, domba kum oboka dama deirin keil lamna ab, tabwe ab nirya kalingnamnyi.
27Kehat yala nang ara Amram ai ninyi ab, Yizhar ai ninyi ab, Hebron ai ninyi ab, Uziel ai ninyi ab ukuboka si sekmou. 28Kehat yala nang wala tentok aryi kuboka eitam nirya sekmou nungna ara 8.600 baryi kuramnyi. A yala nang aryi Er Imtamnyi ai Kemah Suci ai umbura kuamwe dinyi kalingnamnyi. 29Kehat yala nang ara Kemah Suci ai dinatam kuboka me utam ai doamnyi. 30Kehat yala nang ab, er ai ninyi ab sun boboka menengnamunyi bira Uziel mi Elisafan biryi boboka menengnamwe. 31Kehat yala nang aryi kalingnamnyi dinyi ara, “Ukubdarur-ukuna mem,” en uram deiamnyi co sangkol ab, roti kwaning deirin co lamna ab, uk ardeirin dinyi er yan ab kalingnamnyi. Ani, Er Imtamnyi biti dama deirin keil lamna ab, imam nang kubkwamangnyi keica ab, iya beterdongona mem ai limna kain ab kalingnamnyi. Kehat yala nang aryi a si sibyi dinyi nirya kalikoka dirliliramnyi. 32Lewi yala nang aryi beterdongona mem bona kalingnamnyi. Ba, sun weik kalingnanyi bira imam Harun mi Eleazar kiamwe.
33Merari yala ninyi ara Mahli ai ninyi ab, Musi ai ninyi ab, ara Merari yala ninyi si sekmou. 34Ba, sal mabwe wala tentok aryi kuboka eitam nungna nirya ara 6.200 baryi kuramnyi. 35Ba, Merari yala ninyi weik sienyi bira Abihail mi Zuriel biryi weik sienyi kiboka taleamwe. Ba, sun atei ara Kemah Suci ai dinatam bok me utam kuboka asi doramnyi. 36Ba, Merari yala nang aryi kalikoka boramnyi dinyi ara ai kurkurungna co ab, abyokomna ab, ai tongna amsuna ab, ai don co ab nirya kalikoka boramnyi. 37Ani, ai wilimna abyokomna ab, tabwe ab, tabwe kitibkwamana ati ingnamnyi keica si logam ab nirya kalikoka boramnyi.
38Ba, Er Iya Erebdobnyi ai Kemah Suci ai dam bok me youkwetam kuboka ara Musa ab, Harun ab, sun mabwe ab ai doramnyi. Sunda beterdongona mem ai Kemah Suci ai Israel yala ninyi ati kalingnamnyi. Bok, yuk yala nang aryi sun kalingnamnyi dinyi kununa ara orkaramnyi.
39Lewi yala nang wala tentok kuboka eitam mabwe Musa ab Harun ab aryi, Er Iya Erebdobnyi ebdeibmou to kuboka kerek sekmarei. A kerek sekmarei nungna nirya ara 22.000 baryi sekmarei.
40Ura, Er Iya Erebdobnyi biryi Musa bisi ato ebmou, “Israel nang aryi yuma deiamingnyi mabwe wala tentok aryi kuboka eitam kunmangnyi mabwe nirya nukoka kerek sekdum. 41Ba, Lewi yala nang ara doboka Niti karebnurum. Nira Iya Erebdobnyi! Ba, sun Lewi yala nang aryi Israel yala nang yuma deibdob mabwe kiboka unubkwaming. Ara, ninyi akwe kum, erda sun Lewi yala nang deinung bisam yabwe ababyi Israel nang yuma deinung bisam yabwe unubkwaming,” ebmou. 42Ura, Musa biryi Er Iya Erebdobnyi ebdeibmou to kuboka yuma deirin mabwe kerek sekalibmou. 43Ura, Israel nang mabwe yuma mabwe, uki kuna wala tentok kimbinmou mabwe nukoka kerek sekmou nirya nungna ara 22.273 baryi sekmou.
44Ura, Er Iya Erebdobnyi biryi Musa bisi ato ebmou. 45“Lewi yala nang ara Ni Iya Erebdobnyi dinyi. Akiryi Israel nang mabwe yuma mabwe ara Lewi yala nang kiboka unubmang. Ani, Lewi yala nang wininung bisam yabwe ababyi Israel nang bisam unubmang. 46Ba, Lewi yala nang nungna mitik kibmarci, Israel yala nang mabwe weik kibmar. A mabwe nungna ara 273 baryi kibmar. 47Ati, a 273 baryi mabwe ara perak ikin nungna 57 gram baryi mabwe yuk-yuk dekwandum. 48A perak keil uang ara Musa kanci Harun ab, er mabwe ab asi karebkwandum,” ebmou. 49Ura, Musa biryi Er Iya Erebdobnyi ebdeibmou to kuboka unubmou. 50Ura, Musa biryi 273 baryi mabwe nukdeboka perak keil ikin nungna 15,5 kilogram baryi dobmou. 51Ura, Er Iya Erebdobnyi ebdeibmou to kuboka Harun ab. Harun mabwe ab asi karebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)