Bilangan Uram 1
1
Israel yala nang nirya yuma kobdob nukmai uram deyok
1:1-54
(Bil. 26:1-51)
1Israel nang Mesir mutuk aryi anaboka baramnyi ani, kwalina bitinyi kwalibmaici, wala bitinyi dinyi wengbinmai. Ba, tanggal satu kubmou ura, Er Iya Erebdobnyi biryi Musa bisi yini mutuk Sinai kon dam Er Imtamnyi ai Kemah Suci ai umbura aryi ato ebmou, 2“Musa kan ab, Harun ab aryi sun Israel nang yala yuk-yuk kerek sekdurum. Ani, sal nang nirya sun si kerek sekdurum. 3Ara, kwalina uki 20 baryi bisiboka eitam kunmang nang ara nirya kerek sekdongobkwandurum. Ara, ninyi mar bobmanto nang ara sekdongobkwandurum. Ani, yala yuk-yuk kuboka sun si yuk-yuk sekwandurum. 4Ba, Israel ninyi yala yuk-yuk kalingna nang wibumwe nang ara, ‘Ni milibnindarur,’ eboka arukwandum,” ebmou. 5Ara, Israel nang yala yuk-yuk sien nang asi Musa ab, Harun ab dam tingni nang kibmai. Ara, Ruben yala nang sienyi bira Syedeur mi Elizur. 6Simeon yala nang sienyi bira Zurisyadai mi Selumiel kuramwe. 7Yehuda yala nang sienyi bira Aminadab mi Nahason kuramwe. 8Isakhar yala nang sienyi bira Zuar mi Netaneel kuramwe. 9Zebulon yala nang sienyi bira Helon mi Eliab kuramwe. 10Yusuf yala nang sienyi bira Amihud mi Elisama Efraim yalanyi biryi sienyi kuramwe. Ba, Manasye yala nang sienyi bira Pedazur mi Gamaliel kuramwe. 11Benyamin yala nang sienyi bira Gideoni mi Abidan kuramwe. 12Dan yala nang sienyi bira Amisyadai mi Ahiezer kuramwe. 13Asyer yala nang sienyi bira Okhran mi Pagiel sienyi kuramwe. 14Gad yala nang sienyi bira Rehuel mi Elyasaf kuramwe. 15Naftali yala nang sienyi bira Enan mi Ahira kuramwe. 16A Israel nang ara yala yuk-yuk weik sien nang kiamiryi boboka menengnamnyi.
17Ura, Musa ab, Harun ab aryi a amolbaryi weik sien nang nabmarei. 18Ura, bitinyi wala wengbinmaici, yuma uki dobmou tum ara Musa ab, Harun ab aryi, “Israel ninyi nirya bulubdarur,” eboka nabmarei ba, buluryanmai ura, yala yuk-yuk asi sun ai ninyi si yuk-yuk kerek sekmarei. Ara, sun deirin kwalina 20 baryi kibmou nang ab, sun kwalina 20 baryi bisibmou nang ninyi si yuk-yuk kerek sekmarei. 19Ara, Er Iya Erebdobnyi biryi Musa bisi ebdeibmou to kuboka Musa biryi Sinai mutuk dam aryi ninyi si kerek sekmou.
20Ba, Ruben yala nang ara Israel du yala nang. A yala ai ninyi aryi kuboka Israel yala yuk-yuk nirya sal nang kwalina 20 baryi kurbinmou nang aryi kuboka eitam nirya kerek sekmou. A kerek sekdongobmou nang ara ninyi mar bobmanto nang ati kerek sekmou. 21Ruben yala nang nungna ara 46.500 baryi.
22Ba, Simeon ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 23Simeon yala kerek sekdongobmou nang nungna ara 59.300 baryi.
24Ba, Gad ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 25Gad yala nang nungna ara 45.650 baryi.
26Ba, Yehuda ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 27Yehuda yala nang nirya nungna ara 74.600 baryi.
28Ba, Isakhar ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 29Isakhar yala nang nirya nungna ara 54.400 baryi.
30Ba, Zebulon ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 31Zebulon yala nang nirya nungna ara 57.400 baryi.
32Ba, Yusuf yaldangna Efraim ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 33Efraim yala nang nirya nungna ara 40.500 baryi. 34Ba, Manasye yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 35Manasye yala nang nirya nungna ara 32.200 baryi.
36Ba, Benyamin yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 37Benyamin yala nang nirya nungna ara 35.400 baryi.
38Ba, Dan yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 39Dan yala nang nirya nungna ara 62.700 baryi.
40Ba, Asyer yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 41Asyer yala nang nirya nungna ara 41.500 baryi.
42Ba, Naftali yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 43Naftali yala nang nirya nungna ara 53.400 baryi.
44Ara, Musa ab, Harun ab, Israel yala yuk-yuk koklombaryi kalingna nang ab aryi kerek sekmai. 45Israel yala nang yuk-yuk kerek sekmai nang ara kwalina 20 baryi aryi kuboka eitam nirya sekmai. Ani, ninyi mar bobmanto nang ati sekmai. 46Israel yala nang kerek sekmai nungna nirya ara 603.550 baryi.
47Bok, sun Lewi yala nang ara kerek sengdongona kum kubmai. 48Ara, Er Iya Erebdobnyi biryi Musa bisi ato eamwe, 49“Lewi yala nang ara Israel nang ab tonkwa nukoka kerek sengdongona mem! 50Eda, sun Lewi yala nang ara Ni Imtamnyi ai Kemah Suci ai ab, Ni ai kurur bona nirya kalikwanung. Ani, sun wa ara Ni ai Kemah Suci ai dakoka bobkwanung. Ani, sunci Kemah Suci ai sun Israel nang kankan dam dobkwanung. Ba, sun Lewi yala nang kun atei ara Ni ai doamingnyi dam aknaboka dobkwanung. 51Ba, anabdobkumunyi ura, sun Lewi yala nang aryi dakwanung. Ani, Kemah Suci ai dobkwamangnyi ura, Lewi yala nang aryi dobkwanung. Bok, yuk nang aryi beterdongona mem ai dam binmangnyi ura, anyi bira obingnyi ba, dibkwandur. 52Ba, Israel nang ara sun aling kwilila dobwelebmangnyi to kuboka yala yuk-yuk sun kun ai dobkwanung. 53Bok, Lewi yala nang sun kun atei ara Ni Imtamnyi ai beterdongona mem ai dam dobkwanung. Ba, Lewi yala nang aryi beterdongona mem ai dam diboka kalikwanung. Ara, yuk yala nang aryi a ai dam bingnyi ura, Ni Imtamnyi biryi yu wekoka Ni Israel nang obkwan,” ebmou. 54Ura, sun Israel ninyi aryi Er Iya Erebdobnyi biryi Musa dam ebdeibmou to kuboka kunubmai.
Currently Selected:
Bilangan Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 1
1
Israel yala nang nirya yuma kobdob nukmai uram deyok
1:1-54
(Bil. 26:1-51)
1Israel nang Mesir mutuk aryi anaboka baramnyi ani, kwalina bitinyi kwalibmaici, wala bitinyi dinyi wengbinmai. Ba, tanggal satu kubmou ura, Er Iya Erebdobnyi biryi Musa bisi yini mutuk Sinai kon dam Er Imtamnyi ai Kemah Suci ai umbura aryi ato ebmou, 2“Musa kan ab, Harun ab aryi sun Israel nang yala yuk-yuk kerek sekdurum. Ani, sal nang nirya sun si kerek sekdurum. 3Ara, kwalina uki 20 baryi bisiboka eitam kunmang nang ara nirya kerek sekdongobkwandurum. Ara, ninyi mar bobmanto nang ara sekdongobkwandurum. Ani, yala yuk-yuk kuboka sun si yuk-yuk sekwandurum. 4Ba, Israel ninyi yala yuk-yuk kalingna nang wibumwe nang ara, ‘Ni milibnindarur,’ eboka arukwandum,” ebmou. 5Ara, Israel nang yala yuk-yuk sien nang asi Musa ab, Harun ab dam tingni nang kibmai. Ara, Ruben yala nang sienyi bira Syedeur mi Elizur. 6Simeon yala nang sienyi bira Zurisyadai mi Selumiel kuramwe. 7Yehuda yala nang sienyi bira Aminadab mi Nahason kuramwe. 8Isakhar yala nang sienyi bira Zuar mi Netaneel kuramwe. 9Zebulon yala nang sienyi bira Helon mi Eliab kuramwe. 10Yusuf yala nang sienyi bira Amihud mi Elisama Efraim yalanyi biryi sienyi kuramwe. Ba, Manasye yala nang sienyi bira Pedazur mi Gamaliel kuramwe. 11Benyamin yala nang sienyi bira Gideoni mi Abidan kuramwe. 12Dan yala nang sienyi bira Amisyadai mi Ahiezer kuramwe. 13Asyer yala nang sienyi bira Okhran mi Pagiel sienyi kuramwe. 14Gad yala nang sienyi bira Rehuel mi Elyasaf kuramwe. 15Naftali yala nang sienyi bira Enan mi Ahira kuramwe. 16A Israel nang ara yala yuk-yuk weik sien nang kiamiryi boboka menengnamnyi.
17Ura, Musa ab, Harun ab aryi a amolbaryi weik sien nang nabmarei. 18Ura, bitinyi wala wengbinmaici, yuma uki dobmou tum ara Musa ab, Harun ab aryi, “Israel ninyi nirya bulubdarur,” eboka nabmarei ba, buluryanmai ura, yala yuk-yuk asi sun ai ninyi si yuk-yuk kerek sekmarei. Ara, sun deirin kwalina 20 baryi kibmou nang ab, sun kwalina 20 baryi bisibmou nang ninyi si yuk-yuk kerek sekmarei. 19Ara, Er Iya Erebdobnyi biryi Musa bisi ebdeibmou to kuboka Musa biryi Sinai mutuk dam aryi ninyi si kerek sekmou.
20Ba, Ruben yala nang ara Israel du yala nang. A yala ai ninyi aryi kuboka Israel yala yuk-yuk nirya sal nang kwalina 20 baryi kurbinmou nang aryi kuboka eitam nirya kerek sekmou. A kerek sekdongobmou nang ara ninyi mar bobmanto nang ati kerek sekmou. 21Ruben yala nang nungna ara 46.500 baryi.
22Ba, Simeon ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 23Simeon yala kerek sekdongobmou nang nungna ara 59.300 baryi.
24Ba, Gad ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 25Gad yala nang nungna ara 45.650 baryi.
26Ba, Yehuda ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 27Yehuda yala nang nirya nungna ara 74.600 baryi.
28Ba, Isakhar ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 29Isakhar yala nang nirya nungna ara 54.400 baryi.
30Ba, Zebulon ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 31Zebulon yala nang nirya nungna ara 57.400 baryi.
32Ba, Yusuf yaldangna Efraim ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 33Efraim yala nang nirya nungna ara 40.500 baryi. 34Ba, Manasye yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 35Manasye yala nang nirya nungna ara 32.200 baryi.
36Ba, Benyamin yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 37Benyamin yala nang nirya nungna ara 35.400 baryi.
38Ba, Dan yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 39Dan yala nang nirya nungna ara 62.700 baryi.
40Ba, Asyer yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 41Asyer yala nang nirya nungna ara 41.500 baryi.
42Ba, Naftali yala ai ninyi aryi kuboka sun yala sal nang nirya kerek sekmou. Ara, sun kwalina 20 baryi kurbinmai nang aryi kuboka eitam ninyi mar bobmanto nang nirya kerek sekmou. 43Naftali yala nang nirya nungna ara 53.400 baryi.
44Ara, Musa ab, Harun ab, Israel yala yuk-yuk koklombaryi kalingna nang ab aryi kerek sekmai. 45Israel yala nang yuk-yuk kerek sekmai nang ara kwalina 20 baryi aryi kuboka eitam nirya sekmai. Ani, ninyi mar bobmanto nang ati sekmai. 46Israel yala nang kerek sekmai nungna nirya ara 603.550 baryi.
47Bok, sun Lewi yala nang ara kerek sengdongona kum kubmai. 48Ara, Er Iya Erebdobnyi biryi Musa bisi ato eamwe, 49“Lewi yala nang ara Israel nang ab tonkwa nukoka kerek sengdongona mem! 50Eda, sun Lewi yala nang ara Ni Imtamnyi ai Kemah Suci ai ab, Ni ai kurur bona nirya kalikwanung. Ani, sun wa ara Ni ai Kemah Suci ai dakoka bobkwanung. Ani, sunci Kemah Suci ai sun Israel nang kankan dam dobkwanung. Ba, sun Lewi yala nang kun atei ara Ni ai doamingnyi dam aknaboka dobkwanung. 51Ba, anabdobkumunyi ura, sun Lewi yala nang aryi dakwanung. Ani, Kemah Suci ai dobkwamangnyi ura, Lewi yala nang aryi dobkwanung. Bok, yuk nang aryi beterdongona mem ai dam binmangnyi ura, anyi bira obingnyi ba, dibkwandur. 52Ba, Israel nang ara sun aling kwilila dobwelebmangnyi to kuboka yala yuk-yuk sun kun ai dobkwanung. 53Bok, Lewi yala nang sun kun atei ara Ni Imtamnyi ai beterdongona mem ai dam dobkwanung. Ba, Lewi yala nang aryi beterdongona mem ai dam diboka kalikwanung. Ara, yuk yala nang aryi a ai dam bingnyi ura, Ni Imtamnyi biryi yu wekoka Ni Israel nang obkwan,” ebmou. 54Ura, sun Israel ninyi aryi Er Iya Erebdobnyi biryi Musa dam ebdeibmou to kuboka kunubmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)