Imamat Uram 27
27
Er Imtamnyi biti, “Nai Imtamnyi ukuboka karebkwankin,” en dama deirin deyok
27:1-34
1Ura, Er Iya Erebdobnyi biryi Musa bisi ato ebmou. 2“Sun Israel ninyi asi ato ebdum! ‘Sangkuna Ni Iya Erebdobnyi biti, “Nai Imtamnyi, ukuboka ninyi karebkwan,” en ninyi dama deibkwamaci ura, keil uang perak asi a dengna unuboka dama deibkwandur. 3Ara, sun kwalina 20 aryi kuboka 60 baryi kwaliamingnyi ninyi sal ara dengna weik keil perak 50 baryi boyandoka dama deibkwandur. 4Ba, sun nerabwe ara co bok 30 baryi boyangankwandur. 5Ba, sun sal nang bok asi kwalina amubaryi aryi kuboka kwalina 20 baryi kwalibmarinyi bira dengna weik keil perak 20 baryi boyankwandur. Ba, sun nerabwe ara dengna weik keil perak 20 baryi boyandoka dama deibkwandur. 6Ba, sun wala tentok aryi kuboka kwalina amubaryi kwalibmaci mi ara dengna weik keil perak 5 boyankwandur. Ba, ner ara dengna weik keil perak 3 boyandoka dama deibkwandur. 7Ba, sal kwalina 60 baryi kwaliandinyi bira dengna weik keil perak 15 baryi boyankwandur. Ba, ner ara keil perak 10 boyandoka dama deibkwandur. 8Bok anda, “Ukuboka ninyi dama deirinkwan,” eboka ninyi aryi ato keil uang perak dama deiboka ukubmanto kum kubci ura, anyi kum, a ner kum ara sun imam nang asi bobinkwandur. Ba, er imam aryi, “Ato kuboka dekwandum,” ebkwandur. Tonda, “Kan taruk dam kubmaci to kuboka sun imam nang dam karebkwandum,” ebkwandur. Ba, er imam biryi a dengna asi dama deiboka molobliknibde bankwandur.
9Ura, sangkuna ninyi tentok aryi Er Iya Erebdobnyi biti bisam sapi kum, domba kum dama deibkwamaci ura, a deibde binkwanci dama nirya ara iya lek dama kimkwande. 10Ba, er bisam damnyi biryi, “Ara, teleb bisam ara malyi bisam ebde wimtona mem! Ato kubci ura, teleb bisam babyi, malyi bisam babyi, a bitinyi nirya wibdeibci ura, Er Iya Erebdobnyi dinyi kibkwandur,” ebdum.’ Ara, Er Imtamnyi biryi Musa bisi, ‘Sun Israel ninyi asi ato ebdum,’ ebmou ba, ebkarebmou. 11‘Uca, ninyi tentok aryi a boboka deiriryanmaci bisam dama ara nining ato dama boyanmaci ura, Er Iya Erebdobnyi biti dama deirina mem! Eda, ato dama ara er imam bisi bobinkwandur. 12Ba, er imam biryi anyi teleb dama boyanmaci kum, malyito dama boyanmaci kum ura, imam biryi bisam dibdeboka, “Ato kuboka dekwandum,” eboka kibdeibci to kuboka asi iya kunubde bankwandarur. 13Bok, anyi biryi a boyanmaci nining ato bisam dama, “Tamuboka dobdobkwan,” tenebci ura, a boyanmaci to kuboka 20 persen baryi tubto tabakdongoboka dama deiriryankwandur.
14Ninyi tentok aryi sangkuna er ai asi Er Iya Erebdobnyi biti yuk wibdeiboka karebkwanci ura, er imam biryi diboka teleb ai kum, malyito ai kum eboka lilibci ura, dibdenkwandur. Liliboka dibdeci ura, a dibdenmaci uca malyito kum telebto kum ababyi, “Ato kuboka dekwandum,” eboka kibdeianci to kuboka asi iya kunubde binkwandarur. 15Ato kuboka Er Imtamnyi biti dama deiamuncok asi tamuboka sunbiramnyi dobdobkwanci ura, 20 persen baryi tubto tabakdongobkwandur. Ato kubci ura, tamuboka er ai er baramnyi kibdobkwandur.
16Ba, ninyi tentok aryi Er Iya Erebdobnyi biti er abwe yabwe aryi ibde yiranci wa tukwe ara dama deiboka molobkwamaci ura, a tukwe aryi kouryiranci to kuboka nukoka dama deibkwandur. Ara, ato kuboka deibkwandur, gandum 20 kilogram baryi ara dengna weik keil perak 10 dekwandur. 17Erci a tukwe ara bona boblobdanamingnya ba, tamurkarerdanmangnyi kwalina tum aryi dama deianci ura, a tukwe dengna ara dengna weik keil si perak 10 dekwandur. 18Bok asi, a tukwe ara bona boblobdanamingnya sirya tamubkarebdanmangnyi talak aryi dama deianci ura, er imam biryi, “Er anyi dengna ara ato kuboka dekwandur,” ebkwandur. Ara, anyi er kubde binkwanci kwalina aryi kuboka Yobel kwalina dorbinkwanci to nukdeboka, “Ato kuboka dekdum,” ebkwandur. 19Asi, a tukwe damnyi biryi, “Diba ati tamuboka dekdobkwan,” tenebci ura, a tukwe dengna ara 20 persen baryi tabakdongobkwandur. Ba, a tukwe ara iya er dinyi kibkwandur. 20Bok asi, er tukwe ara tamuboka kum dekandiryok yuk nang asi dekdobci ura, erci tubto tamuboka dorona kum kubkwandur. 21Ba, a wa tukwe asi bona boblobdanamingnya asi tamurkarerdan uki tum berekci ura, sun imam nang asi karebkwandur. Karebci ba, a tukwe ara Er Iya Erebdobnyi tukwe iya kibkwandur.
22Ba, anyi biryi Er Iya Erebdobnyi biti karebkwamaci tukwe ara er abwe yabwe aryi ibde yiramnyi wa tukwe ara karena mem! Eda, erci yuk nang aryi dekamunyi tukwe asi Er Iya Erebdobnyi biti ur karebkwandur. 23Ba, sun a tukwe dekamingnyi nang asi er imam biryi a tukwe dekwamingnyi to nukwandur. Ara, kwalina kwalibde binkwamingnyi tok aryi kuboka sun bona boblobdanamingnya ati tamurkarerdan tum li dobci tum sirya dengbinkwandur. A dekmamunyi dinyi ara Er Iya Erebdobnyi biti karebkwandur. 24Sun bona boblobdanamunya karerdan uki berekmaci tum ara sun a wa tukwe dekamunyi nang aryi sun tukwe deyok nang asi tamubkarebkwandur.
25Ba, ukutotoa dengna nirya ara, “Keil uang perak ukubaryi dekwandum,” ebkwamaci ara Er Iya Erebdobnyi ai dam keil uang perak kikliramingnyi to kuboka dekde binkwandur. 26Bok, bisam winibde binkwandumci mi yaldakde binkwandum. Ba, yuma deibci bisam mi ara Er Iya Erebdobnyi dinyi iya kimkwande. Akiryi erci, “Er Imtamnyi biti a yuma bisam mi dama karebkwankin,” eamunyi dama ara deirina mem! Ara, bisam sapi yim kum, bisam domba kum, bisam kambing kum nirya ara sunci Er Imtamnyi biti yuk wiboka deirina mem! 27Bok, erci ur yina kum bisam aryi mi deibmaci ba, yuma mi Imtamnyi biti dama wibdeibmaci ura, Imtamnyi molon ai aryi kiklibdeboka dengnamingnyi to kuboka yuk bisam kum, yuk bona kum unubkwandur. Bok, tabangdongon dinyi ara 20 persen baryi tabakdongobkwandur. Bok, a bisam asi ununa kum kubci ura, Imtamnyi ai aryi kiklibdeboka dengnamingnyi to kiklibdeboka yuk nang aryi dekwanung.
28Bok asi, er taleranci dinyi aryi Er Iya Erebdobnyi biti sirya yuk wibdeiandur. Ara, sun ninyi babyi, bisam babyi, wa tukwe babyi nirya ara yuk nang asi tubto tamuboka dengna mem! Er Imtamnyi biti sirya yuk wiboka deianci dinyi ara sirya lek dinyi kiandur ati tamuboka dengna mem! 29Ani, Er Imtamnyi biryi, “Anyi obdarur,” tenen yuk wiboka kareamunyi nang ara tubto dekmunci tamuboka dorona mem! Eda, sunci ersi obmunyi ba, dibkwandinyi biti sirya yuk wiboka kareamunyi ba, kubkwandur.
30Ani, tonda er wa iryiranci dinyi aryi meici kukoka olong takubaryi kiboka olong tentok asi deirin dama nirya ababyi Er Iya Erebdobnyi dinyi kibkwandur. 31Bok, ninyi tentok aryi Er Iya Erebdobnyi biti sirya yuk wiboka deianci dama tubto tamuboka dekwamaci ura, minob uca, “Ato kuboka dekwandum,” eamingnyi to kuboka dekwandur. Ani, 20 persen baryi tabakdongoboka dekwandur. 32Ba, unanyi biryi bisam mi ara yuma bisam mi aryi nukde banmaci asi takubaryi ebci bisam nirya ara Er Iya Erebdobnyi dinyi kibdeibkwandur. Ara, bisam sapi babyi, bisam kambing babyi nirya ara ato kuboka Er Iya Erebdobnyi biti karenkwandur ba, Er dinyi kimkwandur. 33Ba, er bisam damnyi biryi ato eboka wimtona mem! Ara, teleb bisam ba, ara malyi bisam ebde wimtona mem! Ato kubci ura, teleb bisam babyi malyi bisam babyi nirya ara lek dama kiboka deirbinkwandur. Ba, Er Iya Erebdobnyi lek dama kimnikwandur,’ ebdum,” ebmou.
34“A, ‘Ukubdarur,’ en uram ara Er Iya Erebdobnyi biryi Musa bisi Sinai mutuk kon dam aryi sun Israel nang asi ato ebdeibkwandum,” ebdeibmou to kuboka ebmou.
Currently Selected:
Imamat Uram 27: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 27
27
Er Imtamnyi biti, “Nai Imtamnyi ukuboka karebkwankin,” en dama deirin deyok
27:1-34
1Ura, Er Iya Erebdobnyi biryi Musa bisi ato ebmou. 2“Sun Israel ninyi asi ato ebdum! ‘Sangkuna Ni Iya Erebdobnyi biti, “Nai Imtamnyi, ukuboka ninyi karebkwan,” en ninyi dama deibkwamaci ura, keil uang perak asi a dengna unuboka dama deibkwandur. 3Ara, sun kwalina 20 aryi kuboka 60 baryi kwaliamingnyi ninyi sal ara dengna weik keil perak 50 baryi boyandoka dama deibkwandur. 4Ba, sun nerabwe ara co bok 30 baryi boyangankwandur. 5Ba, sun sal nang bok asi kwalina amubaryi aryi kuboka kwalina 20 baryi kwalibmarinyi bira dengna weik keil perak 20 baryi boyankwandur. Ba, sun nerabwe ara dengna weik keil perak 20 baryi boyandoka dama deibkwandur. 6Ba, sun wala tentok aryi kuboka kwalina amubaryi kwalibmaci mi ara dengna weik keil perak 5 boyankwandur. Ba, ner ara dengna weik keil perak 3 boyandoka dama deibkwandur. 7Ba, sal kwalina 60 baryi kwaliandinyi bira dengna weik keil perak 15 baryi boyankwandur. Ba, ner ara keil perak 10 boyandoka dama deibkwandur. 8Bok anda, “Ukuboka ninyi dama deirinkwan,” eboka ninyi aryi ato keil uang perak dama deiboka ukubmanto kum kubci ura, anyi kum, a ner kum ara sun imam nang asi bobinkwandur. Ba, er imam aryi, “Ato kuboka dekwandum,” ebkwandur. Tonda, “Kan taruk dam kubmaci to kuboka sun imam nang dam karebkwandum,” ebkwandur. Ba, er imam biryi a dengna asi dama deiboka molobliknibde bankwandur.
9Ura, sangkuna ninyi tentok aryi Er Iya Erebdobnyi biti bisam sapi kum, domba kum dama deibkwamaci ura, a deibde binkwanci dama nirya ara iya lek dama kimkwande. 10Ba, er bisam damnyi biryi, “Ara, teleb bisam ara malyi bisam ebde wimtona mem! Ato kubci ura, teleb bisam babyi, malyi bisam babyi, a bitinyi nirya wibdeibci ura, Er Iya Erebdobnyi dinyi kibkwandur,” ebdum.’ Ara, Er Imtamnyi biryi Musa bisi, ‘Sun Israel ninyi asi ato ebdum,’ ebmou ba, ebkarebmou. 11‘Uca, ninyi tentok aryi a boboka deiriryanmaci bisam dama ara nining ato dama boyanmaci ura, Er Iya Erebdobnyi biti dama deirina mem! Eda, ato dama ara er imam bisi bobinkwandur. 12Ba, er imam biryi anyi teleb dama boyanmaci kum, malyito dama boyanmaci kum ura, imam biryi bisam dibdeboka, “Ato kuboka dekwandum,” eboka kibdeibci to kuboka asi iya kunubde bankwandarur. 13Bok, anyi biryi a boyanmaci nining ato bisam dama, “Tamuboka dobdobkwan,” tenebci ura, a boyanmaci to kuboka 20 persen baryi tubto tabakdongoboka dama deiriryankwandur.
14Ninyi tentok aryi sangkuna er ai asi Er Iya Erebdobnyi biti yuk wibdeiboka karebkwanci ura, er imam biryi diboka teleb ai kum, malyito ai kum eboka lilibci ura, dibdenkwandur. Liliboka dibdeci ura, a dibdenmaci uca malyito kum telebto kum ababyi, “Ato kuboka dekwandum,” eboka kibdeianci to kuboka asi iya kunubde binkwandarur. 15Ato kuboka Er Imtamnyi biti dama deiamuncok asi tamuboka sunbiramnyi dobdobkwanci ura, 20 persen baryi tubto tabakdongobkwandur. Ato kubci ura, tamuboka er ai er baramnyi kibdobkwandur.
16Ba, ninyi tentok aryi Er Iya Erebdobnyi biti er abwe yabwe aryi ibde yiranci wa tukwe ara dama deiboka molobkwamaci ura, a tukwe aryi kouryiranci to kuboka nukoka dama deibkwandur. Ara, ato kuboka deibkwandur, gandum 20 kilogram baryi ara dengna weik keil perak 10 dekwandur. 17Erci a tukwe ara bona boblobdanamingnya ba, tamurkarerdanmangnyi kwalina tum aryi dama deianci ura, a tukwe dengna ara dengna weik keil si perak 10 dekwandur. 18Bok asi, a tukwe ara bona boblobdanamingnya sirya tamubkarebdanmangnyi talak aryi dama deianci ura, er imam biryi, “Er anyi dengna ara ato kuboka dekwandur,” ebkwandur. Ara, anyi er kubde binkwanci kwalina aryi kuboka Yobel kwalina dorbinkwanci to nukdeboka, “Ato kuboka dekdum,” ebkwandur. 19Asi, a tukwe damnyi biryi, “Diba ati tamuboka dekdobkwan,” tenebci ura, a tukwe dengna ara 20 persen baryi tabakdongobkwandur. Ba, a tukwe ara iya er dinyi kibkwandur. 20Bok asi, er tukwe ara tamuboka kum dekandiryok yuk nang asi dekdobci ura, erci tubto tamuboka dorona kum kubkwandur. 21Ba, a wa tukwe asi bona boblobdanamingnya asi tamurkarerdan uki tum berekci ura, sun imam nang asi karebkwandur. Karebci ba, a tukwe ara Er Iya Erebdobnyi tukwe iya kibkwandur.
22Ba, anyi biryi Er Iya Erebdobnyi biti karebkwamaci tukwe ara er abwe yabwe aryi ibde yiramnyi wa tukwe ara karena mem! Eda, erci yuk nang aryi dekamunyi tukwe asi Er Iya Erebdobnyi biti ur karebkwandur. 23Ba, sun a tukwe dekamingnyi nang asi er imam biryi a tukwe dekwamingnyi to nukwandur. Ara, kwalina kwalibde binkwamingnyi tok aryi kuboka sun bona boblobdanamingnya ati tamurkarerdan tum li dobci tum sirya dengbinkwandur. A dekmamunyi dinyi ara Er Iya Erebdobnyi biti karebkwandur. 24Sun bona boblobdanamunya karerdan uki berekmaci tum ara sun a wa tukwe dekamunyi nang aryi sun tukwe deyok nang asi tamubkarebkwandur.
25Ba, ukutotoa dengna nirya ara, “Keil uang perak ukubaryi dekwandum,” ebkwamaci ara Er Iya Erebdobnyi ai dam keil uang perak kikliramingnyi to kuboka dekde binkwandur. 26Bok, bisam winibde binkwandumci mi yaldakde binkwandum. Ba, yuma deibci bisam mi ara Er Iya Erebdobnyi dinyi iya kimkwande. Akiryi erci, “Er Imtamnyi biti a yuma bisam mi dama karebkwankin,” eamunyi dama ara deirina mem! Ara, bisam sapi yim kum, bisam domba kum, bisam kambing kum nirya ara sunci Er Imtamnyi biti yuk wiboka deirina mem! 27Bok, erci ur yina kum bisam aryi mi deibmaci ba, yuma mi Imtamnyi biti dama wibdeibmaci ura, Imtamnyi molon ai aryi kiklibdeboka dengnamingnyi to kuboka yuk bisam kum, yuk bona kum unubkwandur. Bok, tabangdongon dinyi ara 20 persen baryi tabakdongobkwandur. Bok, a bisam asi ununa kum kubci ura, Imtamnyi ai aryi kiklibdeboka dengnamingnyi to kiklibdeboka yuk nang aryi dekwanung.
28Bok asi, er taleranci dinyi aryi Er Iya Erebdobnyi biti sirya yuk wibdeiandur. Ara, sun ninyi babyi, bisam babyi, wa tukwe babyi nirya ara yuk nang asi tubto tamuboka dengna mem! Er Imtamnyi biti sirya yuk wiboka deianci dinyi ara sirya lek dinyi kiandur ati tamuboka dengna mem! 29Ani, Er Imtamnyi biryi, “Anyi obdarur,” tenen yuk wiboka kareamunyi nang ara tubto dekmunci tamuboka dorona mem! Eda, sunci ersi obmunyi ba, dibkwandinyi biti sirya yuk wiboka kareamunyi ba, kubkwandur.
30Ani, tonda er wa iryiranci dinyi aryi meici kukoka olong takubaryi kiboka olong tentok asi deirin dama nirya ababyi Er Iya Erebdobnyi dinyi kibkwandur. 31Bok, ninyi tentok aryi Er Iya Erebdobnyi biti sirya yuk wiboka deianci dama tubto tamuboka dekwamaci ura, minob uca, “Ato kuboka dekwandum,” eamingnyi to kuboka dekwandur. Ani, 20 persen baryi tabakdongoboka dekwandur. 32Ba, unanyi biryi bisam mi ara yuma bisam mi aryi nukde banmaci asi takubaryi ebci bisam nirya ara Er Iya Erebdobnyi dinyi kibdeibkwandur. Ara, bisam sapi babyi, bisam kambing babyi nirya ara ato kuboka Er Iya Erebdobnyi biti karenkwandur ba, Er dinyi kimkwandur. 33Ba, er bisam damnyi biryi ato eboka wimtona mem! Ara, teleb bisam ba, ara malyi bisam ebde wimtona mem! Ato kubci ura, teleb bisam babyi malyi bisam babyi nirya ara lek dama kiboka deirbinkwandur. Ba, Er Iya Erebdobnyi lek dama kimnikwandur,’ ebdum,” ebmou.
34“A, ‘Ukubdarur,’ en uram ara Er Iya Erebdobnyi biryi Musa bisi Sinai mutuk kon dam aryi sun Israel nang asi ato ebdeibkwandum,” ebdeibmou to kuboka ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)