Imamat Uram 1
1
Er Imtamnyi biti bisam domba oboka nong nirya uk dan dinyi si Korban Bakaran deyok
1:1-17
1Ura, Er Iya Erebdobnyi biryi ninyi ab Er Imtamnyi ab erdana ai Kemah Suci ai umbura aryi Musa bisi nabmouci, “Sun Israel ninyi asi ato ebdum,” ebmou. 2“Sun Israel ninyi aryi Er Iya Erebdobnyi biti dama deiboka molobde bankwandum ara ato-ato bisam asi dama deiboka obmunci, molobde bankwandum. Ara, bisam sapi kum, bisam kambing kum, bisam domba kum asi dama deiboka obmunci, molobde bankwandum.
3Ba, Ni sun Israel ninyi molonanyi biti ukutotoa dama deiboka uk dabde bankwandum. Ara, yim bisam lembu nong bol tungdena kum bisam asi oboka dama deibkwanindarur. Ara, Ni ai Kemah Suci ai bisik bublan wengbana dam asi boyandoka deibkwandarur. Ba, Ni Iya Erebdobnyi biryi a dama deibmarinyi bisi kanyi deibkwan. 4Ura, anyi biryi a bisam kisok deici asi er taruk deibkwandur. Ba, Niryi a bisam dama deibmaci asi kanyi deibnyi ura, er ab Ni ab antanibkwanim. 5Ura, a bisam lembu asi Ni Iya Erebdobnyi urasin dam bobinmarinyi biryi obkwandur. Ba, a bisam lembu ara Niti dama deirin nang, sun imam nang Harun deibdoba yala nang aryi, a bisam ining kwebtaleboka Niti dama dein keil lamna deyok dam asi dikoka boboka kinkanikwanung. Ara, Ni ai Kemah Suci ai wengban bisik bublan dam baitam kuboka keil dungna amwetam asi dikdongobde yibinkwanung. 6Ani, anyi biryi dama deibmaci bisam asi kala lokoka alya yuk-yuk sekwandur. 7Ura, Niti dama deirin nang, sun Harun deibdoba yala nang aryi, Niti dama deirin keil lamna dub asi co dongoboka uk dabkwanung. 8Ba, sunci a toubminikmangnyi bisam tub ab, kisok ab, minta ab ara Niti dama deirin keil lamna dub asi lilibdeibingnyi ura, uk dabkwanung. 9Bok, anyi biryi a bisam deisu babyi, yan biryok babyi nirya ara me ilikoka sun imam nang asi karebkwandur ba, uk dabkwanung. Ara, Niti dama deirin nang aryi, keil dungna dub deirirbingnyi ura, a nirya uk dabkwanung ba, sici kibkwandur. Ba, Ni Iya Erebdobnyi biryi a deiboka uk dabmangnyi dama teleb siltong yubnyi ura, Ni kanya teleb kuboka kanya deibkwanun.
10Ba, bisam domba kum bisam kambing kum asi, Er Imtamnyi biti oboka nong nirya dama deiboka uk dabkwamamunyi ura, yim bisam nong bol tungdena kum kubmaci bisam asi dama deiboka molobkwandarur. 11A bisam ara Er Iya Erebdobnyi biti dama deirina keil dungna dam bok, me utam kuboka kubkub tam asi deiboka a bisam ngang sekwandarur. Ura, Harun mabwe sun imam nang aryi a dama deirin keil lamna dumbaryi kubkub nirya asi a bisam ining diknin yibinkwanung. 12Ura, sunci a bisam nong nirya toubminikwandarur. Ura, a toubminikmamunyi bisam tub ab, kisok ab mita ab nirya ara dama deirin keil lamna dub uk sekmangnyi ba, angmaca dub asi sun imam nang aryi dama deiboka uk dabkwanung. 13Ba, a bisam deisu ab, yan biryok ab ara me ilikoka sun imam nang asi karebkwanung. Karebingnyi ura, sun imam nang aryi Er Iya Erebdobnyi biti dama deiboka uk dabkwanung. Ba, a dama teleb siltong aryi, Er Iya Erebdobnyi kanya deibkwandur.
14Ba, sunci Er Iya Erebdobnyi biti maka asi nong nirya dama deiboka molobkwamamunyi ura, maka si tekukur kum, maka emnanyi kubul kum asi dama deibkwandarur. 15Ba, sun imam nang aryi a keil dungna dam bobindokabingiryi, a maka ngang bubatikoka kisok dangkwanung. Ba, a maka ining ara a keil dungna kubkub-kubkub asi uruboka dikdongobnin yibinkwanung. Sun imam nang aryi ato kuboka ining sirya dikingnyi ura, a maka nong nirya ara a dama deirin keil lamna dub dama deiboka uk dabkwanung. 16Ba, a maka er mundu ai borande dinyi nirya ab, er otong ab ara a keil dungna kitingbantam kuboka asi malyi dinyi donongni dikum yuk minob sirya wibdeibyi dikum asi donongbinkwandarur. 17Ura, a maka er ol ara kwilik-kwilik ebkwandarur. Bok, er ol a nirya sengkana mem! Ato sirya kubmunyi ura, sun imam nang aryi dama deirin keil lamna dub dama deiboka uk dabkwanung. Ba, a dabmangnyi teleb siltong aryi Er Iya Erebdobnyi kanya deibkwandur,” Er Iya Erebdobnyi biryi Musa bisi ebmou.
Currently Selected:
Imamat Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 1
1
Er Imtamnyi biti bisam domba oboka nong nirya uk dan dinyi si Korban Bakaran deyok
1:1-17
1Ura, Er Iya Erebdobnyi biryi ninyi ab Er Imtamnyi ab erdana ai Kemah Suci ai umbura aryi Musa bisi nabmouci, “Sun Israel ninyi asi ato ebdum,” ebmou. 2“Sun Israel ninyi aryi Er Iya Erebdobnyi biti dama deiboka molobde bankwandum ara ato-ato bisam asi dama deiboka obmunci, molobde bankwandum. Ara, bisam sapi kum, bisam kambing kum, bisam domba kum asi dama deiboka obmunci, molobde bankwandum.
3Ba, Ni sun Israel ninyi molonanyi biti ukutotoa dama deiboka uk dabde bankwandum. Ara, yim bisam lembu nong bol tungdena kum bisam asi oboka dama deibkwanindarur. Ara, Ni ai Kemah Suci ai bisik bublan wengbana dam asi boyandoka deibkwandarur. Ba, Ni Iya Erebdobnyi biryi a dama deibmarinyi bisi kanyi deibkwan. 4Ura, anyi biryi a bisam kisok deici asi er taruk deibkwandur. Ba, Niryi a bisam dama deibmaci asi kanyi deibnyi ura, er ab Ni ab antanibkwanim. 5Ura, a bisam lembu asi Ni Iya Erebdobnyi urasin dam bobinmarinyi biryi obkwandur. Ba, a bisam lembu ara Niti dama deirin nang, sun imam nang Harun deibdoba yala nang aryi, a bisam ining kwebtaleboka Niti dama dein keil lamna deyok dam asi dikoka boboka kinkanikwanung. Ara, Ni ai Kemah Suci ai wengban bisik bublan dam baitam kuboka keil dungna amwetam asi dikdongobde yibinkwanung. 6Ani, anyi biryi dama deibmaci bisam asi kala lokoka alya yuk-yuk sekwandur. 7Ura, Niti dama deirin nang, sun Harun deibdoba yala nang aryi, Niti dama deirin keil lamna dub asi co dongoboka uk dabkwanung. 8Ba, sunci a toubminikmangnyi bisam tub ab, kisok ab, minta ab ara Niti dama deirin keil lamna dub asi lilibdeibingnyi ura, uk dabkwanung. 9Bok, anyi biryi a bisam deisu babyi, yan biryok babyi nirya ara me ilikoka sun imam nang asi karebkwandur ba, uk dabkwanung. Ara, Niti dama deirin nang aryi, keil dungna dub deirirbingnyi ura, a nirya uk dabkwanung ba, sici kibkwandur. Ba, Ni Iya Erebdobnyi biryi a deiboka uk dabmangnyi dama teleb siltong yubnyi ura, Ni kanya teleb kuboka kanya deibkwanun.
10Ba, bisam domba kum bisam kambing kum asi, Er Imtamnyi biti oboka nong nirya dama deiboka uk dabkwamamunyi ura, yim bisam nong bol tungdena kum kubmaci bisam asi dama deiboka molobkwandarur. 11A bisam ara Er Iya Erebdobnyi biti dama deirina keil dungna dam bok, me utam kuboka kubkub tam asi deiboka a bisam ngang sekwandarur. Ura, Harun mabwe sun imam nang aryi a dama deirin keil lamna dumbaryi kubkub nirya asi a bisam ining diknin yibinkwanung. 12Ura, sunci a bisam nong nirya toubminikwandarur. Ura, a toubminikmamunyi bisam tub ab, kisok ab mita ab nirya ara dama deirin keil lamna dub uk sekmangnyi ba, angmaca dub asi sun imam nang aryi dama deiboka uk dabkwanung. 13Ba, a bisam deisu ab, yan biryok ab ara me ilikoka sun imam nang asi karebkwanung. Karebingnyi ura, sun imam nang aryi Er Iya Erebdobnyi biti dama deiboka uk dabkwanung. Ba, a dama teleb siltong aryi, Er Iya Erebdobnyi kanya deibkwandur.
14Ba, sunci Er Iya Erebdobnyi biti maka asi nong nirya dama deiboka molobkwamamunyi ura, maka si tekukur kum, maka emnanyi kubul kum asi dama deibkwandarur. 15Ba, sun imam nang aryi a keil dungna dam bobindokabingiryi, a maka ngang bubatikoka kisok dangkwanung. Ba, a maka ining ara a keil dungna kubkub-kubkub asi uruboka dikdongobnin yibinkwanung. Sun imam nang aryi ato kuboka ining sirya dikingnyi ura, a maka nong nirya ara a dama deirin keil lamna dub dama deiboka uk dabkwanung. 16Ba, a maka er mundu ai borande dinyi nirya ab, er otong ab ara a keil dungna kitingbantam kuboka asi malyi dinyi donongni dikum yuk minob sirya wibdeibyi dikum asi donongbinkwandarur. 17Ura, a maka er ol ara kwilik-kwilik ebkwandarur. Bok, er ol a nirya sengkana mem! Ato sirya kubmunyi ura, sun imam nang aryi dama deirin keil lamna dub dama deiboka uk dabkwanung. Ba, a dabmangnyi teleb siltong aryi Er Iya Erebdobnyi kanya deibkwandur,” Er Iya Erebdobnyi biryi Musa bisi ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)