Keluaran Uram 40
40
Musa biryi Er Imtamnyi molon ai si Kemah Suci ai dobmou deyok
40:1-33
1Er Iya Erebdobnyi biryi Musa bisi ato ebmou, 2“Yuma wala asi yuma uki tum berekci ura, Ni ai Kemah Suci ai sun ab Ni ab erdankwamibyi ai dobdum. 3Dobminyi ura, Niryi, ‘Ukubdarur-ukuna mem,’ eboka sekeibsise uram deirin co sangkol akai umbura deibkwandum. Deibminyi ura, a co sangkol deiaminyi ai dikum wengbantam kuboka ara kaluna aryi libdongobkwandum. 4Ani, co lamna asi akai umbura bindoka deibminyi ura, a co lamna deici deirin dinyi nirya lilibdeibkwandum. Ani, tonda uk ubna kiknin keica yabla si kandil bobindoka, kandil yabla dub asi uk ubna abdeibnin yibinkwandum. 5Ukubminyi ura, Niti dama deirin lamna emas aryi kiknibdau dinyi ara, ‘Ukubdarur-ukuna mem,’ ebdeibsise uram deirin co sangkol dam asi deibkwandum. Ara, dumdam tam kuboka, siltong en dinyi uk dankwamunyi to bindoka deibkwandum. Deibminyi ura, Ni ai kobdob ara malyi dinyi iya beterdongona mem ai bublan wilimna dam asi aling dolobkweteboka wilibkwandum. 6Ba, tonda Niti dama deiboka molon ai bublan dam baitam kuboka asi Niti sun dama deiboka uk dankwanumunyi co lamna deibkwandum. 7Ura, Ni ai Kemah Suci kan, Niti dama deirin keil dungna kan baitam kuboka noutam ara yan me ilingna moyok sangkol deibkwandum. Deibminyi ura, me dikdongobkwandum. 8Ani, Ni dama deiboka molonin ai dam baitam lika doboka antanabminyi ura, lika bublan kiknibkwandum. Bublan kiknibminyi ura, kaluna aryi dolobkwetebkwandum. 9Ato kubminyi ura, tong teleb me, lingdeirin me aryi Niti dama deiboka molonin ai ab, ukutotoa akai umbura deirin keica nirya asi me likeibnin yibinkwandum. Ato kubkwandim ara akai dinyi nirya malyi dinyi beterdongona mem dinyi kibdeibkwandim. Ba, anda dinyi nirya ara beterdongona mem dinyi akwe kibkwande. 10Ani, tonda Niti dama deiboka uk dan keil lamna ab, yuk-yuk dinyi ab asi me likeibnin yibinkwandum. Ato kubminyi ba, a co lamna ara malyi dinyi iya beterdongona mem dinyi kibkwande. 11Ba, tonda yan me ilingna moyok sangkol ab, a meyok lulu ab asi me likeibkwandum. Ba, a me ilingna moyok ara malyi dinyi beterdongona mem dinyi kibkwande.
12Ukubminyi ura, Harun ab, er mabwe ab asi nabminyi ba, Ni ai Kemah Suci ai bublan dam tingyangnyi ura, sunsi me likeibkwandum. 13Ura, Harun bisi beterdongona mem me likeibminyi ura, ongon aling ongobdeibminyi ba, erda Ni dama deiboka molonin ai Ni wa inanyi kibkwande. 14Ani, er mabwe ababyi nabminyi ba, kan dam yangnyi ura, tebumni ongon aling ongobdeibkwandum. 15Ani, sun nai me likeibmaminyi to akwe er mabwe ababyi me likeibminyi ba, sunbabyi Ni wa in nang kiboka Ni wa in nang kibkwaming. Ukuboka me likeiaminyi aryi Ni ai in wa inkwaming. Ani, sun deibdoba ababyi odei-odei iya ibde bankwaming,” ebmou. 16Ato ebmou ura, Er Iya Erebdobnyi biryi Musa bisi ebmou ba, Imtamnyi biryi ebmou to nirya kunuboka wa ibde binmou.
17Ani, kwalina bitinyi dinyi, yuma wala asi yuma tum aryi Er Iya Erebdobnyi ai Kemah Suci ai sirya dobmai. 18Er Musa biryi akai dobmou to ara yangamna ab, abilinga ab, noutam kolongna co ab, abyokomna ab ikoka dobmou. 19Er Iya Erebdobnyi dama deiboka si weik en ai aruma ab alib kalurdongona ab ara Er Iya Erebdobnyi biryi Musa bisi ebdeibmou to kuboka dobmai.
20Sirya dobmai ura, Er Iya Erebdobnyi biryi, “Ukubdarur-ukuna mem,” ebmou uram deyok takubaryi keil deici kerek sekamwa doboka co sangkol umbura deibmai. Ura, a co sangkol bublan tirikdongobmaici, toubna dama bisik ato kubdeiamnyi aryi maloua co kolokdongoboka deibmai. 21A co sangkol asi boboka Kemah Suci ai umbura deirirbinmai. Ura, kaluna aryi Er Iya Erebdobnyi biryi, “Ukubdarur-ukuna mem,” ebdeibmou uram deirin co sangkol deibmai ai wilimna dolobkwetebmai. Ara, Er Iya Erebdobnyi biryi Musa bisi, “Ukubkwandum,” ebdeibmou to kunuboka ato kubmai.
22Ani, Er Imtamnyi ai Kemah Suci ai bublan dam baitam kuboka asi dama deirin co lamna bobindoka deibmai. A co lamna deibmai dikum ara siriktam lumun eitam kuboka, kaluna dolobkweteboka wilibmaia tam kuboka asi deibmai. 23Ura, a co lamna deici asi Iya Erebdobnyi biti dama deirin roti liliboka deibmai. Ara, Er Iya Erebdobnyi biryi Musa bisi, “Ukubkwandarur,” ebdeiamwe to kunuboka deibmai.
24Ani, Kemah Suci ai umbura asi uk ubna yabla ara outam kalimna asi deibmai. 25Ura, Er Iya Erebdobnyi biryi Musa bisi, “Ukubkwandum,” ebdeiamwe to kuboka, Er Iya Erebdobnyi urasin dam aryi uk ubna buk abdeibnin yibinmai.
26Ura, Er Imtamnyi ai Kemah Suci ai umbura ara Er Iya Erebdobnyi dama deirin keil dungna emas aryi kikniamnyi. Ara, Imtamnyi ai kobdob wengban bisik noutam wilimna kaluna dolobkwetebmaia dam tam kuboka deibmai. 27Ura, a co lamna deici asi siltong teleb co yung uk dabmai. Ara, Er Iya Erebdobnyi biryi Musa bisi ebdeiamwe to kuboka kunubmai.
28Ura, Kemah Suci ai bisik bublan wilimna kaluna diriboka dolobkwetebmai. 29Ura, Iya Erebdobnyi biti dama deiboka uk dan keil lamna ara lika umbura bok, ai aryi kuboka sangkwetena dam tikeibmai. Ba, a keil lamna deici asi Er Iya Erebdobnyi biti bisam domba kum, sapi kum oboka dama deiboka uk dan dinyi ab, dama deiboka yin dinyi ab deibmai. Ara, Er Iya Erebdobnyi biryi Musa bisi ebdeibmou to kunuboka deibmai.
30Ura, sun me ilingna meyok sangkol ara Kemah Suci ai kan, dama deirin keil lamna kan, noutam asi deibmai. Ura, sun me ilingkwamnyi ati, a meyok umbura me dikdongoboka deibmai. 31Ura, Musa ab, Harun ab, Harun mabwe ab sun yan taruk me ilingnamnyi. 32Ba, aminda Er Iya Erebdobnyi ai wengbinkuna ab, Er Imtamnyi ai kobdob malyi dinyi beterdongona mem ai wengbinkuna talak ab ara a me ilingnamnyi. Ani, dama deiboka uk dan keil lamna dam yangkungnyi ura, sun taruk ab, sun yan ab me ilingkwamnyi ati, a meyok sangkol me kweboka deibmai. Ara, Er Iya Erebdobnyi biryi ebdeiamwe to kuboka me kwebdeibmai.
33Ura, Kemah Suci ai ab, dama deiboka uk dan keil lamna ab ati, lika dobkwamnyi abyokomna ikoka antanabmai. Ura, sirya ara lika bisik bublan ara kaluna aryi diriboka dolobkwetebmai. Ato kuboka Musa biryi a wa sirya ibmou.
Er Iya Erebdobnyi mikib weik milil aryi Kemah Suci ai asi milil arabmou deyok
40:34-38
34Kemah Suci ai sirya dobmai ura, Er Iya Erebdobnyi biryi duwa deici aryi akai dub yuryanmouci, siklibmou. Ba, Er Iya Erebdobnyi ibarya akai umbura asi milil arabmou. 35A deyok aryi Musa bira Kemah Suci ai umbura wengbinman kumto kubmou. 36Sun bisik baramnyi talak nirya ara Er Imtamnyi ai keis ol ai dam aryi a duwa lakoka welebaroci ura, sunbabyi anaboka baramnyi. Ara, sun Israel nang sun a dikum atei doboka binkunmangnyi dikum takloboka, akai daluboka bobingnyi ura, bobanmangnyi ani, yuk mutuk bindoka doramnyi. 37Uca, Er Imtamnyi ai dam aryi a duwa asi langdona kum kubmaci talak ara Israel nang ababyi tuba a kuramnyi. 38Ba, Israel nang sun bisik noutam yangaramnyi talak nirya ara kitingtam ara Er Iya Erebdobnyi biryi duwa deici aryi Er ai Kemah Suci ai dub yandoka kuramwe. Ba, lukunda ara uk buk deici aryi Er Iya Erebdobnyi biryi Er ai Kemah Suci ai dub yandoka kuramwe.
Currently Selected:
Keluaran Uram 40: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 40
40
Musa biryi Er Imtamnyi molon ai si Kemah Suci ai dobmou deyok
40:1-33
1Er Iya Erebdobnyi biryi Musa bisi ato ebmou, 2“Yuma wala asi yuma uki tum berekci ura, Ni ai Kemah Suci ai sun ab Ni ab erdankwamibyi ai dobdum. 3Dobminyi ura, Niryi, ‘Ukubdarur-ukuna mem,’ eboka sekeibsise uram deirin co sangkol akai umbura deibkwandum. Deibminyi ura, a co sangkol deiaminyi ai dikum wengbantam kuboka ara kaluna aryi libdongobkwandum. 4Ani, co lamna asi akai umbura bindoka deibminyi ura, a co lamna deici deirin dinyi nirya lilibdeibkwandum. Ani, tonda uk ubna kiknin keica yabla si kandil bobindoka, kandil yabla dub asi uk ubna abdeibnin yibinkwandum. 5Ukubminyi ura, Niti dama deirin lamna emas aryi kiknibdau dinyi ara, ‘Ukubdarur-ukuna mem,’ ebdeibsise uram deirin co sangkol dam asi deibkwandum. Ara, dumdam tam kuboka, siltong en dinyi uk dankwamunyi to bindoka deibkwandum. Deibminyi ura, Ni ai kobdob ara malyi dinyi iya beterdongona mem ai bublan wilimna dam asi aling dolobkweteboka wilibkwandum. 6Ba, tonda Niti dama deiboka molon ai bublan dam baitam kuboka asi Niti sun dama deiboka uk dankwanumunyi co lamna deibkwandum. 7Ura, Ni ai Kemah Suci kan, Niti dama deirin keil dungna kan baitam kuboka noutam ara yan me ilingna moyok sangkol deibkwandum. Deibminyi ura, me dikdongobkwandum. 8Ani, Ni dama deiboka molonin ai dam baitam lika doboka antanabminyi ura, lika bublan kiknibkwandum. Bublan kiknibminyi ura, kaluna aryi dolobkwetebkwandum. 9Ato kubminyi ura, tong teleb me, lingdeirin me aryi Niti dama deiboka molonin ai ab, ukutotoa akai umbura deirin keica nirya asi me likeibnin yibinkwandum. Ato kubkwandim ara akai dinyi nirya malyi dinyi beterdongona mem dinyi kibdeibkwandim. Ba, anda dinyi nirya ara beterdongona mem dinyi akwe kibkwande. 10Ani, tonda Niti dama deiboka uk dan keil lamna ab, yuk-yuk dinyi ab asi me likeibnin yibinkwandum. Ato kubminyi ba, a co lamna ara malyi dinyi iya beterdongona mem dinyi kibkwande. 11Ba, tonda yan me ilingna moyok sangkol ab, a meyok lulu ab asi me likeibkwandum. Ba, a me ilingna moyok ara malyi dinyi beterdongona mem dinyi kibkwande.
12Ukubminyi ura, Harun ab, er mabwe ab asi nabminyi ba, Ni ai Kemah Suci ai bublan dam tingyangnyi ura, sunsi me likeibkwandum. 13Ura, Harun bisi beterdongona mem me likeibminyi ura, ongon aling ongobdeibminyi ba, erda Ni dama deiboka molonin ai Ni wa inanyi kibkwande. 14Ani, er mabwe ababyi nabminyi ba, kan dam yangnyi ura, tebumni ongon aling ongobdeibkwandum. 15Ani, sun nai me likeibmaminyi to akwe er mabwe ababyi me likeibminyi ba, sunbabyi Ni wa in nang kiboka Ni wa in nang kibkwaming. Ukuboka me likeiaminyi aryi Ni ai in wa inkwaming. Ani, sun deibdoba ababyi odei-odei iya ibde bankwaming,” ebmou. 16Ato ebmou ura, Er Iya Erebdobnyi biryi Musa bisi ebmou ba, Imtamnyi biryi ebmou to nirya kunuboka wa ibde binmou.
17Ani, kwalina bitinyi dinyi, yuma wala asi yuma tum aryi Er Iya Erebdobnyi ai Kemah Suci ai sirya dobmai. 18Er Musa biryi akai dobmou to ara yangamna ab, abilinga ab, noutam kolongna co ab, abyokomna ab ikoka dobmou. 19Er Iya Erebdobnyi dama deiboka si weik en ai aruma ab alib kalurdongona ab ara Er Iya Erebdobnyi biryi Musa bisi ebdeibmou to kuboka dobmai.
20Sirya dobmai ura, Er Iya Erebdobnyi biryi, “Ukubdarur-ukuna mem,” ebmou uram deyok takubaryi keil deici kerek sekamwa doboka co sangkol umbura deibmai. Ura, a co sangkol bublan tirikdongobmaici, toubna dama bisik ato kubdeiamnyi aryi maloua co kolokdongoboka deibmai. 21A co sangkol asi boboka Kemah Suci ai umbura deirirbinmai. Ura, kaluna aryi Er Iya Erebdobnyi biryi, “Ukubdarur-ukuna mem,” ebdeibmou uram deirin co sangkol deibmai ai wilimna dolobkwetebmai. Ara, Er Iya Erebdobnyi biryi Musa bisi, “Ukubkwandum,” ebdeibmou to kunuboka ato kubmai.
22Ani, Er Imtamnyi ai Kemah Suci ai bublan dam baitam kuboka asi dama deirin co lamna bobindoka deibmai. A co lamna deibmai dikum ara siriktam lumun eitam kuboka, kaluna dolobkweteboka wilibmaia tam kuboka asi deibmai. 23Ura, a co lamna deici asi Iya Erebdobnyi biti dama deirin roti liliboka deibmai. Ara, Er Iya Erebdobnyi biryi Musa bisi, “Ukubkwandarur,” ebdeiamwe to kunuboka deibmai.
24Ani, Kemah Suci ai umbura asi uk ubna yabla ara outam kalimna asi deibmai. 25Ura, Er Iya Erebdobnyi biryi Musa bisi, “Ukubkwandum,” ebdeiamwe to kuboka, Er Iya Erebdobnyi urasin dam aryi uk ubna buk abdeibnin yibinmai.
26Ura, Er Imtamnyi ai Kemah Suci ai umbura ara Er Iya Erebdobnyi dama deirin keil dungna emas aryi kikniamnyi. Ara, Imtamnyi ai kobdob wengban bisik noutam wilimna kaluna dolobkwetebmaia dam tam kuboka deibmai. 27Ura, a co lamna deici asi siltong teleb co yung uk dabmai. Ara, Er Iya Erebdobnyi biryi Musa bisi ebdeiamwe to kuboka kunubmai.
28Ura, Kemah Suci ai bisik bublan wilimna kaluna diriboka dolobkwetebmai. 29Ura, Iya Erebdobnyi biti dama deiboka uk dan keil lamna ara lika umbura bok, ai aryi kuboka sangkwetena dam tikeibmai. Ba, a keil lamna deici asi Er Iya Erebdobnyi biti bisam domba kum, sapi kum oboka dama deiboka uk dan dinyi ab, dama deiboka yin dinyi ab deibmai. Ara, Er Iya Erebdobnyi biryi Musa bisi ebdeibmou to kunuboka deibmai.
30Ura, sun me ilingna meyok sangkol ara Kemah Suci ai kan, dama deirin keil lamna kan, noutam asi deibmai. Ura, sun me ilingkwamnyi ati, a meyok umbura me dikdongoboka deibmai. 31Ura, Musa ab, Harun ab, Harun mabwe ab sun yan taruk me ilingnamnyi. 32Ba, aminda Er Iya Erebdobnyi ai wengbinkuna ab, Er Imtamnyi ai kobdob malyi dinyi beterdongona mem ai wengbinkuna talak ab ara a me ilingnamnyi. Ani, dama deiboka uk dan keil lamna dam yangkungnyi ura, sun taruk ab, sun yan ab me ilingkwamnyi ati, a meyok sangkol me kweboka deibmai. Ara, Er Iya Erebdobnyi biryi ebdeiamwe to kuboka me kwebdeibmai.
33Ura, Kemah Suci ai ab, dama deiboka uk dan keil lamna ab ati, lika dobkwamnyi abyokomna ikoka antanabmai. Ura, sirya ara lika bisik bublan ara kaluna aryi diriboka dolobkwetebmai. Ato kuboka Musa biryi a wa sirya ibmou.
Er Iya Erebdobnyi mikib weik milil aryi Kemah Suci ai asi milil arabmou deyok
40:34-38
34Kemah Suci ai sirya dobmai ura, Er Iya Erebdobnyi biryi duwa deici aryi akai dub yuryanmouci, siklibmou. Ba, Er Iya Erebdobnyi ibarya akai umbura asi milil arabmou. 35A deyok aryi Musa bira Kemah Suci ai umbura wengbinman kumto kubmou. 36Sun bisik baramnyi talak nirya ara Er Imtamnyi ai keis ol ai dam aryi a duwa lakoka welebaroci ura, sunbabyi anaboka baramnyi. Ara, sun Israel nang sun a dikum atei doboka binkunmangnyi dikum takloboka, akai daluboka bobingnyi ura, bobanmangnyi ani, yuk mutuk bindoka doramnyi. 37Uca, Er Imtamnyi ai dam aryi a duwa asi langdona kum kubmaci talak ara Israel nang ababyi tuba a kuramnyi. 38Ba, Israel nang sun bisik noutam yangaramnyi talak nirya ara kitingtam ara Er Iya Erebdobnyi biryi duwa deici aryi Er ai Kemah Suci ai dub yandoka kuramwe. Ba, lukunda ara uk buk deici aryi Er Iya Erebdobnyi biryi Er ai Kemah Suci ai dub yandoka kuramwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)