Yosua Uram 9
9
Yosua bisi Gibeon nang aryi tola ebmai deyok
9:1-27
1-2Sun Israel nang aryi ninyi obkiriboka atei araroramnyi deyok asi Kanaan sien nang nirya kekebmai. Ara, Yordan kouboka kitingbantam sien nang ab, mutuk konkon sien nang ab, ilila me kwan dingiamwa dinatam kuramnyi sien nang ab, Libanon mutuk kon diniboka dinatam kuramnyi sien nang ab aryi nirya kekebmai. Anda atei sien nang ara Het sien nang ab, Amori sien nang ab, Kanaan sien nang ab, Feris sien nang ab, Hewi sien nang ab, Yebus sien nang ab aryi nirya kekebmaici, Yosua ab Israel nang ab asi mar bobkwamnyi ati uram sisikmai.
3Sisikmai bok, sun Gibeon atei nang ababyi Yosua biryi Yerikho atei nang ab, Ai atei nang ab obkiriboka atei arabdobmou uram nirya kekebmai. 4Kekebmai ura, sun kanya kerket mak aryi ato kubkub tenebmai, “Nun yina buluboka malyito aling kwilingdarur aling aryi kibokabibiryi, nun keledai deici deibkwayeb. Ani, anggur du me kin aling bisam kala aryi kiknin aling kwilikdoba aryi deneboka anggur me kibdobkwayeb. 5Ani, nun yan karuk ababyi kwilikdoba asi dukdandoka ongobdobkwayeb. Ba, nun ongon aling ababyi tarbarangsangdanci aling asi ongobdobkwayeb. Ba, roti ara ilim biriboka itom deianci roti asi kibdobkwayeb,” tenebmai. 6Ato kuboka Gibeon atei nang aryi Yosua bisi Gilgal mutuk ai doboka kuramwe asi binmai. Binmai ura, Yosua ab Israel nang ab asi ato ebmai, “Nunda yana mutuk aryi, ‘Sun ab tonkwa kuboka sun tam nang kibkwansib,’ ati yanmab,” ebmai. 7Ebmai uca, Israel nang aryi Gibeon atei nang Hewi yala nang a yanmai nang asi ato ebmai, “Dam a kurandaturyok, enmandate ati, dib era aryi yanmanga tenebtibyi do?” ebmai. 8Uca, Yosua bisi ato ebmai, “Nunda kan wa irmilin nang yanmaba,” ebmai. Uca, Yosua biryi sunsi ato ebmou, “Sunda una yala nang da? Dantam aryi yanmarum do?” ebmou. 9Ato eboka asibmou asi Gibeon nang aryi ato ebmai, “Kan molorumnyi Er Iya Erebdobnyi si deyok aryi iya ilil tenen dinyi Mesir dam kikniramwe ena kekenub. Ato ena kekenub deyok aryi iya era mutuk aryi kan wa irmilikin nang yanmab. 10Ani, Amori yala sien nang bitinyi Yordan kouboka otam yaletam kurandei. A sien nang ara Hesybon atei sienyi si Sihon ab, Asytarot mutuk Basan atei sienyi si Og ab asi Imtamnyi biryi obwe ena kekenubci, yanmab. 11Nun mutuk weik nang ab, nun atei nang yuk nang ab aryi arukmasingci, ‘Bisik kona yina kibdobmunyi ura, Israel nang ab ebdandoka uram sisikmunci, “Nunda sun wa irmilin nang ati iya tonkwa kuronkwayeb,” ebdarur,’ ebmasing ati yanmab. 12Nun roti ara a dibdendarur. Nun atei yuma anaroubwe tum ara tin tuba kuabwe ba, kibmoubwe asi kiboka yanganub uca, ilim serebdoburyi, itom irur ara a dibdendarur! 13Ani, nun anggur du yung kiron aling ukuryok bok asi kwilikdobwe a dibdendarur. Ani, nun ongon aling ab, nun yan karuk ab ababyi asi era mutuk yanganub deyok aryi a kwiliksekdobsou a dibdesindarur!” ebmai. 14Ato ebmai ura, Er Iya Erebdobnyi bisi asirdena kumkum sun Israel nang aryi Gibeon nang uram, “Diba,” tenen sun bobmai yina asi mitikanun dobdobmai. 15Dobdobmai ura, Yosua biryi, “Sun ab tonkwa kuronkwayeb,” ebwe ura, Israel sien nang aryi Gibeon nang asi dib en uram aryi, “Nunci sunsi kum obkwansib,” ebmai.
16Sirya ato ebmaici, “Nunci kum obkwansib,” ebmai ura, kekenmai uca, a mutuk nang ara Israel nang mutuk dam a kunung ena kekebmai. 17Ara, Israel nang binmai ani, uki winiryi tum ara Gibeon atei ab, Kefira atei ab, Beerot atei ab, Kiryat-Yearim atei ab bindoka diramnyi uca, era mutuk nang yanamnya kuma, erda dam anda atei nang yanamnya sirya bikmai. 18Bikmai ura, sun Israel nang ur nang aryi, “Nun Nai Iya Erebdobnyi si deici aryi kum obkwansib,” eamnyi deyok akiryi Gibeon nang asi kum obmai. Ba, sun Israel ur nang ab, sien nang ab aryi tonkwa sisikmai. Ara, “Minob, ‘Kum obwansib,’ eamnyi ara talyi eramnyi,” eboka sisikmai. 19Ba, Israel nang weik nang aryi sunsi ato ebmai, “Nunci minob, ‘Nun Nai Er Iya Erebdobnyi si deici aryi kum obkwansib,’ eboubwe deyok aryi nunci sunsi kum obkwayeb,” ebmai. 20Ura, “Ato kubwayeb,” ebmai. “A nang kum obkwayeb dib en uram sirya eboubwe. Er Imtamnyi biryi obsicei ati takamibyi ba, nun kankan ur kuronkwaming,” ebmai. 21Ani, tonda weik sien nang aryi ato ebmai, “A nang nun kankan dam ur kuranung. Kuramingiryi, nun co tousin nang ab, nun me kwerkiringsin nang ab kibdeibdobkwayeb. Ba, co toubkirikoka, me kwebkirikoka kimkwansing,” eboka a sisikmaici, sekwetebmai to kuboka kunubmai. 22Ura, Yosua biryi sun Gibeon nang asi nabmouci, ato ebmou. “Unatoa ati sunci nunsi tola ati ato ebsindau do? Nun mutuk dam a kundarurcok, ‘Nunda era mutuk aryi yanmab,’ ebsindau do? 23Tola ati ebdau deyok aryi Imtamnyi biryi wenen dinyi wenebkwansir ati subsir. Ba, sunda iya nun wa irmilin nang kibkwandum. Ara, ni Nai Imtamnyi ai wa dinyi ati co toubkirikoka me kwebkirikoka kimkwandum,” ebmou. 24Ba, sunci Yosua bisi ato ebmai. “Dib sirik, nunsi eransei, ‘Israel nang molonung Iya Erebdobnyi biryi er wa irmilinanyi Musa biriman aryi a mutuk nirya kanti eterebkou ani, a mutuk kuramnyi nang nirya sun Israel nang deici aryi kum dandeibwe,’ eramnyi. A deyok aryi nunsi orkirisina ilil mitik kum kusurur deyok aryi ato kubmoubwe. 25Akiryi ukura nunda sun taruk dam kubib ati, kanci, ‘Ukubkuna ara teleb,’ tenebminyi to ukusina teleb,” ebmai. 26Ebmai ura, Yosua biryi sunsi ato wa in nang kibdeibmou. Sun Israel nang kankan dam aryi lebdeibmou ba, sunci Gibeon nang asi kum obmai. 27Ba, a talak aryi ato kuboka Yosua biryi sun Israel nang ati co touna ab, me kwerkiringna ab, Imtamnyi biti sun dama obde yalin keil dungna ati co touboka, me kwekiroka kimna nang kibdeibmou. Ba, Gibeon nang ara ukubabyi tuba Er Iya Erebdobnyi biryi wiboka etereamwe mutuk dam kunung.
Currently Selected:
Yosua Uram 9: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 9
9
Yosua bisi Gibeon nang aryi tola ebmai deyok
9:1-27
1-2Sun Israel nang aryi ninyi obkiriboka atei araroramnyi deyok asi Kanaan sien nang nirya kekebmai. Ara, Yordan kouboka kitingbantam sien nang ab, mutuk konkon sien nang ab, ilila me kwan dingiamwa dinatam kuramnyi sien nang ab, Libanon mutuk kon diniboka dinatam kuramnyi sien nang ab aryi nirya kekebmai. Anda atei sien nang ara Het sien nang ab, Amori sien nang ab, Kanaan sien nang ab, Feris sien nang ab, Hewi sien nang ab, Yebus sien nang ab aryi nirya kekebmaici, Yosua ab Israel nang ab asi mar bobkwamnyi ati uram sisikmai.
3Sisikmai bok, sun Gibeon atei nang ababyi Yosua biryi Yerikho atei nang ab, Ai atei nang ab obkiriboka atei arabdobmou uram nirya kekebmai. 4Kekebmai ura, sun kanya kerket mak aryi ato kubkub tenebmai, “Nun yina buluboka malyito aling kwilingdarur aling aryi kibokabibiryi, nun keledai deici deibkwayeb. Ani, anggur du me kin aling bisam kala aryi kiknin aling kwilikdoba aryi deneboka anggur me kibdobkwayeb. 5Ani, nun yan karuk ababyi kwilikdoba asi dukdandoka ongobdobkwayeb. Ba, nun ongon aling ababyi tarbarangsangdanci aling asi ongobdobkwayeb. Ba, roti ara ilim biriboka itom deianci roti asi kibdobkwayeb,” tenebmai. 6Ato kuboka Gibeon atei nang aryi Yosua bisi Gilgal mutuk ai doboka kuramwe asi binmai. Binmai ura, Yosua ab Israel nang ab asi ato ebmai, “Nunda yana mutuk aryi, ‘Sun ab tonkwa kuboka sun tam nang kibkwansib,’ ati yanmab,” ebmai. 7Ebmai uca, Israel nang aryi Gibeon atei nang Hewi yala nang a yanmai nang asi ato ebmai, “Dam a kurandaturyok, enmandate ati, dib era aryi yanmanga tenebtibyi do?” ebmai. 8Uca, Yosua bisi ato ebmai, “Nunda kan wa irmilin nang yanmaba,” ebmai. Uca, Yosua biryi sunsi ato ebmou, “Sunda una yala nang da? Dantam aryi yanmarum do?” ebmou. 9Ato eboka asibmou asi Gibeon nang aryi ato ebmai, “Kan molorumnyi Er Iya Erebdobnyi si deyok aryi iya ilil tenen dinyi Mesir dam kikniramwe ena kekenub. Ato ena kekenub deyok aryi iya era mutuk aryi kan wa irmilikin nang yanmab. 10Ani, Amori yala sien nang bitinyi Yordan kouboka otam yaletam kurandei. A sien nang ara Hesybon atei sienyi si Sihon ab, Asytarot mutuk Basan atei sienyi si Og ab asi Imtamnyi biryi obwe ena kekenubci, yanmab. 11Nun mutuk weik nang ab, nun atei nang yuk nang ab aryi arukmasingci, ‘Bisik kona yina kibdobmunyi ura, Israel nang ab ebdandoka uram sisikmunci, “Nunda sun wa irmilin nang ati iya tonkwa kuronkwayeb,” ebdarur,’ ebmasing ati yanmab. 12Nun roti ara a dibdendarur. Nun atei yuma anaroubwe tum ara tin tuba kuabwe ba, kibmoubwe asi kiboka yanganub uca, ilim serebdoburyi, itom irur ara a dibdendarur! 13Ani, nun anggur du yung kiron aling ukuryok bok asi kwilikdobwe a dibdendarur. Ani, nun ongon aling ab, nun yan karuk ab ababyi asi era mutuk yanganub deyok aryi a kwiliksekdobsou a dibdesindarur!” ebmai. 14Ato ebmai ura, Er Iya Erebdobnyi bisi asirdena kumkum sun Israel nang aryi Gibeon nang uram, “Diba,” tenen sun bobmai yina asi mitikanun dobdobmai. 15Dobdobmai ura, Yosua biryi, “Sun ab tonkwa kuronkwayeb,” ebwe ura, Israel sien nang aryi Gibeon nang asi dib en uram aryi, “Nunci sunsi kum obkwansib,” ebmai.
16Sirya ato ebmaici, “Nunci kum obkwansib,” ebmai ura, kekenmai uca, a mutuk nang ara Israel nang mutuk dam a kunung ena kekebmai. 17Ara, Israel nang binmai ani, uki winiryi tum ara Gibeon atei ab, Kefira atei ab, Beerot atei ab, Kiryat-Yearim atei ab bindoka diramnyi uca, era mutuk nang yanamnya kuma, erda dam anda atei nang yanamnya sirya bikmai. 18Bikmai ura, sun Israel nang ur nang aryi, “Nun Nai Iya Erebdobnyi si deici aryi kum obkwansib,” eamnyi deyok akiryi Gibeon nang asi kum obmai. Ba, sun Israel ur nang ab, sien nang ab aryi tonkwa sisikmai. Ara, “Minob, ‘Kum obwansib,’ eamnyi ara talyi eramnyi,” eboka sisikmai. 19Ba, Israel nang weik nang aryi sunsi ato ebmai, “Nunci minob, ‘Nun Nai Er Iya Erebdobnyi si deici aryi kum obkwansib,’ eboubwe deyok aryi nunci sunsi kum obkwayeb,” ebmai. 20Ura, “Ato kubwayeb,” ebmai. “A nang kum obkwayeb dib en uram sirya eboubwe. Er Imtamnyi biryi obsicei ati takamibyi ba, nun kankan ur kuronkwaming,” ebmai. 21Ani, tonda weik sien nang aryi ato ebmai, “A nang nun kankan dam ur kuranung. Kuramingiryi, nun co tousin nang ab, nun me kwerkiringsin nang ab kibdeibdobkwayeb. Ba, co toubkirikoka, me kwebkirikoka kimkwansing,” eboka a sisikmaici, sekwetebmai to kuboka kunubmai. 22Ura, Yosua biryi sun Gibeon nang asi nabmouci, ato ebmou. “Unatoa ati sunci nunsi tola ati ato ebsindau do? Nun mutuk dam a kundarurcok, ‘Nunda era mutuk aryi yanmab,’ ebsindau do? 23Tola ati ebdau deyok aryi Imtamnyi biryi wenen dinyi wenebkwansir ati subsir. Ba, sunda iya nun wa irmilin nang kibkwandum. Ara, ni Nai Imtamnyi ai wa dinyi ati co toubkirikoka me kwebkirikoka kimkwandum,” ebmou. 24Ba, sunci Yosua bisi ato ebmai. “Dib sirik, nunsi eransei, ‘Israel nang molonung Iya Erebdobnyi biryi er wa irmilinanyi Musa biriman aryi a mutuk nirya kanti eterebkou ani, a mutuk kuramnyi nang nirya sun Israel nang deici aryi kum dandeibwe,’ eramnyi. A deyok aryi nunsi orkirisina ilil mitik kum kusurur deyok aryi ato kubmoubwe. 25Akiryi ukura nunda sun taruk dam kubib ati, kanci, ‘Ukubkuna ara teleb,’ tenebminyi to ukusina teleb,” ebmai. 26Ebmai ura, Yosua biryi sunsi ato wa in nang kibdeibmou. Sun Israel nang kankan dam aryi lebdeibmou ba, sunci Gibeon nang asi kum obmai. 27Ba, a talak aryi ato kuboka Yosua biryi sun Israel nang ati co touna ab, me kwerkiringna ab, Imtamnyi biti sun dama obde yalin keil dungna ati co touboka, me kwekiroka kimna nang kibdeibmou. Ba, Gibeon nang ara ukubabyi tuba Er Iya Erebdobnyi biryi wiboka etereamwe mutuk dam kunung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)