Yosua Uram 8
8
Ai atei nang asi obkiribmai deyok
8:1-29
1Er Iya Erebdobnyi biryi Yosua bisi ato ebmou, “Kan ilil aryi sulbalyi kanya bona mem. Yin doun nang bobuluboka kiknibminikminyi ura, Ai atei nang asi tubto ibindarur! Ai atei sienyi ab, akatei nang ab, akatei ab, a mutuk ab asi kan taruk dam karebkinyi ba, obkiribkwandim ati bikandum. 2Ani, Yerikho atei ab, a sienyi ab asi ukuamoumwe to, Ai atei ababyi ukubkwandim. Ukubkwandim bok, bona ab bisam ab ara ur dalubdobkwandarur! Ninyi ton arukmimba, minob Ai atei dongtam iniboka marbinung,” ebmou. 3Ato ebmou ura, Yosua ab, yin doun nang nirya ab Ai atei ibinkwamai ati kiknibminikmai. Sirya kiknibminikmai ura, yin doun nang mar ordana bikdob nang yubwa 30.000 baryi nang minob lukunda bokdonokmou. 4Bokdonokmou ura, ato ebmou, “Binmamunyi ani, atei deici tam dam kobdob bindoka iniboka kiknibdobmunyi ura, mar bobkwandarur! 5Ba, ni ab, ni milibmaningnyi nang ab ara atei dam kobdob binabibyi ba, Ai atei aryi iyangasingnyi ura, cungdoryankwayeb. Ba, ‘Minob kubmoubwe to kubkuba,’ tenen domyankwansing. 6Domyangasingnyi ura, nunda neneboka sunsi era boyankwayeb. Nunci teneboka cungdoryabyi ura, sunci ato ebkwansing, ‘Minob yuma tum aryi kwarakoka banmai to kwarakoka banmang,’ Ai atei nang aryi ebkwansing. 7Ba, sunda Er Iya Erebdobnyi nun molonubnyi sunti karebsici ura, sun inibmamunyi nang aryi anaboka Ai atei arabdobkwandarur. 8Minob bindoka arabdobmunyi ura, Er Iya Erebdobnyi ebwe to nirya kuboka akatei uk dabkwandarur. Ara, niryi sunsi arukmasin,” Yosua biryi ato ebmou. 9Yosua biryi ato eboka sunsi bokdonokmou ba, Betel atei kan, Ai atei kan kitingbantam iniboka binmabmai. A lukunda ara Yosua bira taklobinmai nang ab sun atei Gilgal tonkwa mabmai.
10Mabmai berekwe ura, Yosua belekuna bukoka a taklobinmai Israel nang yin doun nang asi buluboka lilibdeibmou. Sirya lilibdeibmou ura, Yosua ab, sun Israel nang sien nang ab aryi yin doun nang boboka Ai atei dam ibinmai. 11Yosua ab, a yin doun nang ab tonkwa anaboka Ai atei dumdam bublan tam kuboka ibinmai. Ibinmai ura, sun kuramnyi tam eitam bindoka ai dobmai. Ba, a dobmai ai kan Ai atei kan ara noutam bakan lo kubmou bok, dobmai. 12Min talak ara Yosua biryi ninyi yubwa 5.000 baryi dikum wibmouci, minob, “Betel kan Ai atei kan kiting ban bisik tam irbindarur,” eboka bokdonokmou. 13Yosua biryi Israel yin doun nang asi ato lilibdeibmou. Ara, yin doun nang ilinto ara eitam kuboka kalikmai ba, ton nang ara kitingbantam iniboka kalikmai. Ba, lukunda ara Yosua biryi a mutuk bakan bisik binmou. 14Belekuna kobdob ara Ai sienyi biryi eitam kalikmai Israel yin doun nang asi sirya eibmou ura, Ai ninyi nirya yin doboka anabmaici, sun Israel nang asi a mutuk bakan aryi dobde binmai ani, mutuk as welena binmai. Ba, Ai sienyi bira ninyi iniboka kalikmai ara kum bikmou. 15Ba, Yosua ab, Israel nang ab ara kwarakoka baroninto kuboka yini mutuk tam baronmai. 16Sun Israel nang ab, Yosua ab aryi teneboka nenebmaici, baronmai ba, Ai ninyi a kuramnyi tok nirya anaboka dombinmai. Uca, sun atei takloboka mutuk lulubmai. 17Betel atei ab, Ai atei ab ara ninyi tentok ababyi tanglona kum uca lika bublan kuklobokabiryi, atei yok dem takloboka Israel nang dombinmai.
18Dombinmai ura, Er Iya Erebdobnyi biryi Yosua bisi ato ebmou. “Akatei kansi karebkwinkin ati, kan doubmarim balang ara Ai atei tam asi uklobdum,” ebmou. Ura, Yosua biryi a doubmou balang asi Ai atei tam uklobmou. 19Yosua kunuboka er doubmou balang uklobmou talak aryi akatei dam inibmai nang ara ola anabmai. Anabokabiryi, Ai atei wengbindoka arabdobmaici, minob uk dongobmai. 20Uk dongobmai ba, Ai atei nang dirtamurdenmai uca, sun atei uk dongobmaia tulum ara im sukunmou asi asing eibmai. Sun dombanmai nang Israel nang aryi tamuboka iyanganmai deyok aryi, sun yuk bisik bindoka lebdandobman kum kubmou. 21Ura, Yosua ab, er atei Israel nang nirya ab a tulum asing eibmai ura, tamuboka sun dombanmai nang Ai atei nang asi obkiribmai. 22Ura, Ai atei uk danmai nang ababyi, aminda tam domyanmai. Ba, Ai atei nang ara noutam dongobmaici, nirya obkiribmai. Ninyi tentok ababyi ton kum bindobmou. 23Bok, Ai atei sienyi bira kam kibmaning boboka Yosua bisi bobinmai.
24Sun Israel nang aryi mutuk bakan dam ninyi on ya aryi Ai atei yin doun nang asi nirya obkiribmai. Ura, tamuboka Ai atei bindoka ninyi on ya taici aryi atei keta bindoka akatei kuramnyi nerabwe, mabwe nirya obukmai. 25Ai atei nang obukmaia yubwa ara 12.000 baryi. Ara, nerabwe babyi, sal babyi, mabwe babyi, nermabwe babyi nirya obmai. 26Yosua biryi Ai atei asi balang iya ukdabokmou akiryok Ai atei ninyi nirya obsekmou ura, taruk murukdobmou. 27Ura, Er Iya Erebdobnyi biryi Yosua bisi ato ebmou, “Bona talena ab, bisam ab ara ur dalubdobkwandarur,” ebmou. Ba, ebdeibmou to kunuboka dalubdobmai. 28Dalubdobmai ura, Yosua biryi Ai atei nirya uk dabmou ba, tukwe yok dem uk kwamingca dem kubmou. A uk kwamingca kubmou ara ukubabyi tuba kubwe. 29Ba, Ai atei sienyi bira tabwe deboka co ikamnya dub biribkwetebmai ba, dibmou. Ba, sintam danmou ura, kiting wekmou. Ani, Yosua biryi, “Lobkwetebdarur,” ebmou. Ebmou ba, anyi tukwi asi lobkweteboka Ai atei bisik bublan dam kiliboka takmaici, ilila keil aryi tabde welebmai. A keil tabmai keil ara ukubabyi tuba kubwe.
Mutuk kon si Ebal aryi Imtamnyi biti dama obde yalin keil dungna kiknibmouci, “Ukubdarur-ukuna mem,” en uram nukmou deyok
8:30-35
30A talak aryi Yosua biryi Ebal mutuk kon dam aryi Israel nang sun Nai Er Iya Erebdobnyi bisi dama obde yalin keil dungna kiknibmou. 31Ura, Er Iya Erebdobnyi wa irmilinanyi si Musa biryi Israel nang asi, “Ukubdarur-ukuna mem,” en uram aryi ato eboka kerek sekamwe. “Er Iya Erebdobnyi biti dama obde yalin keil dungna ara kat dinyi aryi teleamingnyi keil aryi kiknina mem, erda ukubmaning keil akwe kiknibkwandarur,” eamwe to kunuboka kiknibmai. Kiknibmai ura, sunci ninyi dama deirina ati bisam kambing domba oboka nong nirya uk dan dinyi ab, Er Iya Erebdobnyi biti kanya teleb kimdeirin dinyi ati bisam kambing domba dama deirin dinyi ab oboka yalibmai. 32Yalibmai ura, Yosua biryi, “Ukubdarur-ukuna mem,” en uram Musa biryi sekamwe to dibdeboka keil kerek sun Israel nang dinmai bok, sekmou. 33Sun Israel nang yoka ab, tingyangana nang ab, sun sien nang ab, sun yin doun nang sien nang ab, sun lilirdein nang ab nirya, “Ukubdarur-ukuna mem,” en uram deirin co sangkol dina-dina tikmai. Ba, sunci nirya Er Imtamnyi biti ninyi dama deirin ai wa in nang imam nang ab, imam irmilin nang Lewi yala nang a co sangkol bon nang ab ara sun urasin ara wanwanubdandoka tikmai. Ba, ton nang ara Ebal mutuk kon kubkub dong deibmai. Ba, ton nang ara Gerizim mutuk kon kubkub dong deibmai. Er Iya Erebdobnyi Er wa irmilinanyi Musa bisi Israel nang kisal dangna ati, “Ato kubkwandarur,” ebdeiamwe to kuboka imam nang aryi sunsi kisal dakmai. 34Ato kubmai ura, “Ukubdarur-ukuna mem,” en uram kerek sekamwe to nirya malyi dinyi babyi, teleb dinyi babyi Yosua biryi sun Israel nang asi nukoka eterebmou. 35“Ukubdarur-ukuna mem,” en uram nirya teleb dinyi kununa ababyi, malyi dinyi kununa ati wenen dinyi ababyi, Musa biryi kerek sekamwe tok nirya Yosua biryi sun Israel ner sal ab, mitik mabwe ab, tingyangan ner sal ab, a tonkwa wekmai ninyi nirya ati nukoka eterebmou.
Currently Selected:
Yosua Uram 8: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 8
8
Ai atei nang asi obkiribmai deyok
8:1-29
1Er Iya Erebdobnyi biryi Yosua bisi ato ebmou, “Kan ilil aryi sulbalyi kanya bona mem. Yin doun nang bobuluboka kiknibminikminyi ura, Ai atei nang asi tubto ibindarur! Ai atei sienyi ab, akatei nang ab, akatei ab, a mutuk ab asi kan taruk dam karebkinyi ba, obkiribkwandim ati bikandum. 2Ani, Yerikho atei ab, a sienyi ab asi ukuamoumwe to, Ai atei ababyi ukubkwandim. Ukubkwandim bok, bona ab bisam ab ara ur dalubdobkwandarur! Ninyi ton arukmimba, minob Ai atei dongtam iniboka marbinung,” ebmou. 3Ato ebmou ura, Yosua ab, yin doun nang nirya ab Ai atei ibinkwamai ati kiknibminikmai. Sirya kiknibminikmai ura, yin doun nang mar ordana bikdob nang yubwa 30.000 baryi nang minob lukunda bokdonokmou. 4Bokdonokmou ura, ato ebmou, “Binmamunyi ani, atei deici tam dam kobdob bindoka iniboka kiknibdobmunyi ura, mar bobkwandarur! 5Ba, ni ab, ni milibmaningnyi nang ab ara atei dam kobdob binabibyi ba, Ai atei aryi iyangasingnyi ura, cungdoryankwayeb. Ba, ‘Minob kubmoubwe to kubkuba,’ tenen domyankwansing. 6Domyangasingnyi ura, nunda neneboka sunsi era boyankwayeb. Nunci teneboka cungdoryabyi ura, sunci ato ebkwansing, ‘Minob yuma tum aryi kwarakoka banmai to kwarakoka banmang,’ Ai atei nang aryi ebkwansing. 7Ba, sunda Er Iya Erebdobnyi nun molonubnyi sunti karebsici ura, sun inibmamunyi nang aryi anaboka Ai atei arabdobkwandarur. 8Minob bindoka arabdobmunyi ura, Er Iya Erebdobnyi ebwe to nirya kuboka akatei uk dabkwandarur. Ara, niryi sunsi arukmasin,” Yosua biryi ato ebmou. 9Yosua biryi ato eboka sunsi bokdonokmou ba, Betel atei kan, Ai atei kan kitingbantam iniboka binmabmai. A lukunda ara Yosua bira taklobinmai nang ab sun atei Gilgal tonkwa mabmai.
10Mabmai berekwe ura, Yosua belekuna bukoka a taklobinmai Israel nang yin doun nang asi buluboka lilibdeibmou. Sirya lilibdeibmou ura, Yosua ab, sun Israel nang sien nang ab aryi yin doun nang boboka Ai atei dam ibinmai. 11Yosua ab, a yin doun nang ab tonkwa anaboka Ai atei dumdam bublan tam kuboka ibinmai. Ibinmai ura, sun kuramnyi tam eitam bindoka ai dobmai. Ba, a dobmai ai kan Ai atei kan ara noutam bakan lo kubmou bok, dobmai. 12Min talak ara Yosua biryi ninyi yubwa 5.000 baryi dikum wibmouci, minob, “Betel kan Ai atei kan kiting ban bisik tam irbindarur,” eboka bokdonokmou. 13Yosua biryi Israel yin doun nang asi ato lilibdeibmou. Ara, yin doun nang ilinto ara eitam kuboka kalikmai ba, ton nang ara kitingbantam iniboka kalikmai. Ba, lukunda ara Yosua biryi a mutuk bakan bisik binmou. 14Belekuna kobdob ara Ai sienyi biryi eitam kalikmai Israel yin doun nang asi sirya eibmou ura, Ai ninyi nirya yin doboka anabmaici, sun Israel nang asi a mutuk bakan aryi dobde binmai ani, mutuk as welena binmai. Ba, Ai sienyi bira ninyi iniboka kalikmai ara kum bikmou. 15Ba, Yosua ab, Israel nang ab ara kwarakoka baroninto kuboka yini mutuk tam baronmai. 16Sun Israel nang ab, Yosua ab aryi teneboka nenebmaici, baronmai ba, Ai ninyi a kuramnyi tok nirya anaboka dombinmai. Uca, sun atei takloboka mutuk lulubmai. 17Betel atei ab, Ai atei ab ara ninyi tentok ababyi tanglona kum uca lika bublan kuklobokabiryi, atei yok dem takloboka Israel nang dombinmai.
18Dombinmai ura, Er Iya Erebdobnyi biryi Yosua bisi ato ebmou. “Akatei kansi karebkwinkin ati, kan doubmarim balang ara Ai atei tam asi uklobdum,” ebmou. Ura, Yosua biryi a doubmou balang asi Ai atei tam uklobmou. 19Yosua kunuboka er doubmou balang uklobmou talak aryi akatei dam inibmai nang ara ola anabmai. Anabokabiryi, Ai atei wengbindoka arabdobmaici, minob uk dongobmai. 20Uk dongobmai ba, Ai atei nang dirtamurdenmai uca, sun atei uk dongobmaia tulum ara im sukunmou asi asing eibmai. Sun dombanmai nang Israel nang aryi tamuboka iyanganmai deyok aryi, sun yuk bisik bindoka lebdandobman kum kubmou. 21Ura, Yosua ab, er atei Israel nang nirya ab a tulum asing eibmai ura, tamuboka sun dombanmai nang Ai atei nang asi obkiribmai. 22Ura, Ai atei uk danmai nang ababyi, aminda tam domyanmai. Ba, Ai atei nang ara noutam dongobmaici, nirya obkiribmai. Ninyi tentok ababyi ton kum bindobmou. 23Bok, Ai atei sienyi bira kam kibmaning boboka Yosua bisi bobinmai.
24Sun Israel nang aryi mutuk bakan dam ninyi on ya aryi Ai atei yin doun nang asi nirya obkiribmai. Ura, tamuboka Ai atei bindoka ninyi on ya taici aryi atei keta bindoka akatei kuramnyi nerabwe, mabwe nirya obukmai. 25Ai atei nang obukmaia yubwa ara 12.000 baryi. Ara, nerabwe babyi, sal babyi, mabwe babyi, nermabwe babyi nirya obmai. 26Yosua biryi Ai atei asi balang iya ukdabokmou akiryok Ai atei ninyi nirya obsekmou ura, taruk murukdobmou. 27Ura, Er Iya Erebdobnyi biryi Yosua bisi ato ebmou, “Bona talena ab, bisam ab ara ur dalubdobkwandarur,” ebmou. Ba, ebdeibmou to kunuboka dalubdobmai. 28Dalubdobmai ura, Yosua biryi Ai atei nirya uk dabmou ba, tukwe yok dem uk kwamingca dem kubmou. A uk kwamingca kubmou ara ukubabyi tuba kubwe. 29Ba, Ai atei sienyi bira tabwe deboka co ikamnya dub biribkwetebmai ba, dibmou. Ba, sintam danmou ura, kiting wekmou. Ani, Yosua biryi, “Lobkwetebdarur,” ebmou. Ebmou ba, anyi tukwi asi lobkweteboka Ai atei bisik bublan dam kiliboka takmaici, ilila keil aryi tabde welebmai. A keil tabmai keil ara ukubabyi tuba kubwe.
Mutuk kon si Ebal aryi Imtamnyi biti dama obde yalin keil dungna kiknibmouci, “Ukubdarur-ukuna mem,” en uram nukmou deyok
8:30-35
30A talak aryi Yosua biryi Ebal mutuk kon dam aryi Israel nang sun Nai Er Iya Erebdobnyi bisi dama obde yalin keil dungna kiknibmou. 31Ura, Er Iya Erebdobnyi wa irmilinanyi si Musa biryi Israel nang asi, “Ukubdarur-ukuna mem,” en uram aryi ato eboka kerek sekamwe. “Er Iya Erebdobnyi biti dama obde yalin keil dungna ara kat dinyi aryi teleamingnyi keil aryi kiknina mem, erda ukubmaning keil akwe kiknibkwandarur,” eamwe to kunuboka kiknibmai. Kiknibmai ura, sunci ninyi dama deirina ati bisam kambing domba oboka nong nirya uk dan dinyi ab, Er Iya Erebdobnyi biti kanya teleb kimdeirin dinyi ati bisam kambing domba dama deirin dinyi ab oboka yalibmai. 32Yalibmai ura, Yosua biryi, “Ukubdarur-ukuna mem,” en uram Musa biryi sekamwe to dibdeboka keil kerek sun Israel nang dinmai bok, sekmou. 33Sun Israel nang yoka ab, tingyangana nang ab, sun sien nang ab, sun yin doun nang sien nang ab, sun lilirdein nang ab nirya, “Ukubdarur-ukuna mem,” en uram deirin co sangkol dina-dina tikmai. Ba, sunci nirya Er Imtamnyi biti ninyi dama deirin ai wa in nang imam nang ab, imam irmilin nang Lewi yala nang a co sangkol bon nang ab ara sun urasin ara wanwanubdandoka tikmai. Ba, ton nang ara Ebal mutuk kon kubkub dong deibmai. Ba, ton nang ara Gerizim mutuk kon kubkub dong deibmai. Er Iya Erebdobnyi Er wa irmilinanyi Musa bisi Israel nang kisal dangna ati, “Ato kubkwandarur,” ebdeiamwe to kuboka imam nang aryi sunsi kisal dakmai. 34Ato kubmai ura, “Ukubdarur-ukuna mem,” en uram kerek sekamwe to nirya malyi dinyi babyi, teleb dinyi babyi Yosua biryi sun Israel nang asi nukoka eterebmou. 35“Ukubdarur-ukuna mem,” en uram nirya teleb dinyi kununa ababyi, malyi dinyi kununa ati wenen dinyi ababyi, Musa biryi kerek sekamwe tok nirya Yosua biryi sun Israel ner sal ab, mitik mabwe ab, tingyangan ner sal ab, a tonkwa wekmai ninyi nirya ati nukoka eterebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)