Yosua Uram 20
20
Ninyi obmarinyi bira bai bukoka baron atei deyok
20:1-9
1Er Iya Erebdobnyi biryi Yosua bisi ato ebmou. 2“Sun Israel nang asi ato ebdum! Ni Iya Erebdobnyi biryi Musa deici liknibdongoboka ato ebdeianse, ‘Sun dan atei asi teleb kubmasir do?’ eboka asibnyi ura, sunci, ‘Nun akatei asi bai bukoka inirorbinkwayeb,’ eboka wibdobkwaming. Ati, ukura anda atei sienyi ura, wimdondarur! 3Unanyi biryi ninyi ton teneboka kum uca, talyitam obci ura, yuk nang aryi, ‘Erbabyi kisok dakwan,’ tenen kubci ura, cukaboka a wibdobmamunyi atei bindobkwandur. 4Anyi bai bukoka baronmaci ani, weik atei bisik bublan dam bindoka, a akatei weik sien nang asi bindoka ato ebkwandur. ‘Nira sun ninyi ton obman ba, obmanto kunmaning ati yangaronman,’ ebkwandur. Ato ebci ura, sunci, ‘A kurorandum,’ eboka ai ebingnyi ura, sun kankan dam a kuronkwandur. 5Anyi bira akatei bindoka kuranci asi, er obdongoanci tam nang aryi, ‘Erbabyi oboka kisok dakwan,’ tenen ingkirikde binmaci ani, akatei dam bici ura, akatei nang aryi minob binandinyi bisi, ‘Akatei yandoka kukurur,’ eboka anyi bisi lak ena mem. Ara, teneboka kum oanci deyok aryi lak kum ebkwanung. 6Eda, anyi bisi sun akatei weik nang aryi, er deyok lilinmangnyi uca, ‘Diba ati erci ninyi teneboka kum obdeibwe,’ ebkwanung. Ato eboka sirya liliamingnyi ababyi akatei kuranci tok asi, Er Imtamnyi ai wa ina deyoknyi imam besar sirya dibci ura, er atei tamuboka yandobkwandur,” ebmou.
7Ura, sun Israel nang aryi aminda sangkuna sun ninyi obingiryi, bai bukoka ninyi atei bindoka kuron atei wibdobmai atei si ara: Yordan kouboka kitingbantam weik atei-weik atei wibdobmai atei si ara Galilea mutuk Naftali nang mutuk asi, mutuk kon dam doramnyi atei si Kedesh wibdobmai. Tonda, Efraim yala nang mutuk Sikhem atei ton, Yehuda yala nang mutuk asi mutuk kon dam doramnyi atei si Kiryat-Arba ebok, Hebron ebok kimnung atei ton wibdobmai. 8Ani, Yerikho atei yaletam ara Yordan kouboka mutuk kon dam wibdobmai. A wibdobmai atei si ara Ruben yala nang mutuk si Bezer atei erebdob tam atei asi wibdobmai. Tonda, Gad yala nang mutuk si Gilead mutuk dam Ramot atei ton wibdobmai. Ani, Manasye yala nang mutuk si Basan dam Golan atei ton wibdobmai. 9Sun Israel nang yoka ab, a mutuk tingyangan nang ab ati, atei tentok kiknibdeibmou. A kiknibdeibmou atei ara sun bintentoknyi biryi teneboka kum kurongci uca, ninyi tentoknyi bisi obdeibkwamarur ura, a obdeibmamunyi tam nang aryi, “Erbabyi kisok dakwayeb,” engnyi ura, akatei inirorbinkwandarur. Ani, a ninyi obsinibmarinyi biryi ninyi nirya keken ai asi, “Ato kuboka obdeibse,” eboka lak kum ebmar bok, ara sunci, “Ersi ona mem,” ebmou.
Currently Selected:
Yosua Uram 20: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 20
20
Ninyi obmarinyi bira bai bukoka baron atei deyok
20:1-9
1Er Iya Erebdobnyi biryi Yosua bisi ato ebmou. 2“Sun Israel nang asi ato ebdum! Ni Iya Erebdobnyi biryi Musa deici liknibdongoboka ato ebdeianse, ‘Sun dan atei asi teleb kubmasir do?’ eboka asibnyi ura, sunci, ‘Nun akatei asi bai bukoka inirorbinkwayeb,’ eboka wibdobkwaming. Ati, ukura anda atei sienyi ura, wimdondarur! 3Unanyi biryi ninyi ton teneboka kum uca, talyitam obci ura, yuk nang aryi, ‘Erbabyi kisok dakwan,’ tenen kubci ura, cukaboka a wibdobmamunyi atei bindobkwandur. 4Anyi bai bukoka baronmaci ani, weik atei bisik bublan dam bindoka, a akatei weik sien nang asi bindoka ato ebkwandur. ‘Nira sun ninyi ton obman ba, obmanto kunmaning ati yangaronman,’ ebkwandur. Ato ebci ura, sunci, ‘A kurorandum,’ eboka ai ebingnyi ura, sun kankan dam a kuronkwandur. 5Anyi bira akatei bindoka kuranci asi, er obdongoanci tam nang aryi, ‘Erbabyi oboka kisok dakwan,’ tenen ingkirikde binmaci ani, akatei dam bici ura, akatei nang aryi minob binandinyi bisi, ‘Akatei yandoka kukurur,’ eboka anyi bisi lak ena mem. Ara, teneboka kum oanci deyok aryi lak kum ebkwanung. 6Eda, anyi bisi sun akatei weik nang aryi, er deyok lilinmangnyi uca, ‘Diba ati erci ninyi teneboka kum obdeibwe,’ ebkwanung. Ato eboka sirya liliamingnyi ababyi akatei kuranci tok asi, Er Imtamnyi ai wa ina deyoknyi imam besar sirya dibci ura, er atei tamuboka yandobkwandur,” ebmou.
7Ura, sun Israel nang aryi aminda sangkuna sun ninyi obingiryi, bai bukoka ninyi atei bindoka kuron atei wibdobmai atei si ara: Yordan kouboka kitingbantam weik atei-weik atei wibdobmai atei si ara Galilea mutuk Naftali nang mutuk asi, mutuk kon dam doramnyi atei si Kedesh wibdobmai. Tonda, Efraim yala nang mutuk Sikhem atei ton, Yehuda yala nang mutuk asi mutuk kon dam doramnyi atei si Kiryat-Arba ebok, Hebron ebok kimnung atei ton wibdobmai. 8Ani, Yerikho atei yaletam ara Yordan kouboka mutuk kon dam wibdobmai. A wibdobmai atei si ara Ruben yala nang mutuk si Bezer atei erebdob tam atei asi wibdobmai. Tonda, Gad yala nang mutuk si Gilead mutuk dam Ramot atei ton wibdobmai. Ani, Manasye yala nang mutuk si Basan dam Golan atei ton wibdobmai. 9Sun Israel nang yoka ab, a mutuk tingyangan nang ab ati, atei tentok kiknibdeibmou. A kiknibdeibmou atei ara sun bintentoknyi biryi teneboka kum kurongci uca, ninyi tentoknyi bisi obdeibkwamarur ura, a obdeibmamunyi tam nang aryi, “Erbabyi kisok dakwayeb,” engnyi ura, akatei inirorbinkwandarur. Ani, a ninyi obsinibmarinyi biryi ninyi nirya keken ai asi, “Ato kuboka obdeibse,” eboka lak kum ebmar bok, ara sunci, “Ersi ona mem,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)