Yosua Uram 19
19
Simeon yala nang asi mutuk wilibdeiboka ebmai deyok
19:1-9
1Liki bitinyi dinyi ara yamin deiboka Simeon yala nang ati mutuk wiliboka ebmai. Simeon yala nang ati mutuk ebmai dikum ara Yehuda yala nang mutuk wiliba tam kuboka wilibmai. 2Sunti ebmai mutuk ara: Bersyeba ab, Syeba ab, Molada ab, 3Hazar-Sual ab, Bala ab, Ezem ab, 4Eltolad ab, Betul ab, Horma ab, 5Ziklag ab, Bet-Hamarkabot ab, Hazar-Susa ab, 6Bet-Lebaot ab, Saruhen ab ukuboka weik atei 13 baryi ab, mitik-mitik atei ab ebmai. 7Ain ab, En-Rimon ab, Eter ab, Asan ab, ukuboka weik atei dumbaryi kuboka mitik-mitik atei ab ebmai. 8A dumbaryi atei aryi kuboka Baalat-Beer ababyi nirya nukmou. Ara, me youkwetam mutuk tukwe si Rama ababyi nirya nukmou. Anda mutuk ara sun Simeon yala deibdoba nang ati nukmou ba, sun mutuk kibdobmai. 9Simeon yala nang ara mutuk sun yuk wiliboka kum ebmai. Eda, Yehuda yala nang mutuk ara mutuk weik deyok aryi Simeon yala nang ati, Yehuda yala nang mutuk akwe wiliboka ebmai. Ba, Simeon yala nang ara Yehuda yala nang mutuk dam asi ebmai ba, sun kankan dam kuramnyi.
Zebulon yala nang ati ebmai mutuk deyok
19:10-16
10Winiryi dinyi ara Zebulon yala deibdoba nang kunkwamnyi mutuk ati, yamin deiboka bokdeibmai. Ura, sun Zebulon yala nang ati ebmai mutuk wilimna ara wilibde binmai ani, Sarid mutuk sirya wilibmai. 11Kitingbantam wilimna ara weleboka Marala dam tam kuboka wilibmai. Ani, kebtaleboka Dabeset tam kuboka wilibde binmai ani, Yokneam mutuk yurbiu me kin bindoka wilibmai. 12Ani, Sarid aryi kuboka yaletam mutuk Kislot-Tabor mutuk wiliba dam bindoka wilibmai. Ani, Dobrat dam aryi weleboka Yafia mutuk dam bindoka wilibmai. 13A mutuk wilimna ara akiryi kuboka yaletam, kiting anamyangarande tam kuboka wilibde binmai ani, Gat-Hefer dam ab, Et-Kazin dam ab aryi kuboka Rimon tam wilibmai. Ani, kebdeiboka Nea mutuk tam wilibmai. 14Ani, a wilimna aryok keboka boongobmaici, Hanaton mutuk eitam kuboka wilibde binmai ani, Yiftah-El dam bindoka sirya dakdongobmai. 15Ura, Katat atei ab, Nahalal atei ab, Simron atei ab, Yidala atei ab, Betlehem atei ab ukuboka weik atei amolbaryi ab, mitik-mitik atei ab ukuboka wilibdeiboka mutuk ebmai. 16Zebulon yala deibdoba nang mutuk ara ukuboka weik atei mitik atei donung.
Isakhar yala nang ati ebmai mutuk deyok
19:17-23
17Liki dumbaryi dinyi ara Isakhar yala deibdoba nang ati, yamin deiboka mutuk bokeibmai. 18Sunti ebmai mutuk ara: Yizreel ab, Kesulot ab, Sunem ab, 19Hafaraim ab, Sion ab, Anaharat ab, 20Rabit ab, Kisyon ab, Ebes ab, 21Remet ab, En-Ganim ab, En-Hada ab ani, Bet-Pazes ab ukuboka ebmai. 22Ba, sun mutuk wilimna ara Tabor mutuk aryi kuboka Sahazima ab, Bet-Semes ab Yordan me kin dam wilibmai. Ukuboka weik atei 16 baryi ab, mitik-mitik atei ab sun mutuk kibdeibmai. 23Ba, sun Isakhar yala deibdoba nang ati, wiliboka weik atei ab, mitik atei ab ebmai.
Asyer yala nang ati ebmai mutuk deyok
19:24-31
24Liki amubaryi dinyi ababyi, yamin deiboka Asyer yala deibdoba nang ati mutuk ebmai. 25Sun Asyer yala nang ati ebmai mutuk ara: Helkat ab, Hali ab, Beten ab, Akhsaf ab 26Alamelekh ab, Amad ab, Misal ab, sun mutuk sirya wiliba sengna ara Karmel kon aryi kuboka, me Libnat kouboka kitingbantam wiliboka ebmai. 27Ani, tamuboka yaletam ababyi, Bet-Dagon aryi kuboka, Zebulon yala nang mutuk ab, Yiftah-El mutuk lu ab eitam kuboka, Bet-Emek ab, Nehiel ab dam bindoka wilibmai. Ani, a wilimna akiryok kebtaleboka Kabul mutuk tam eitam bindoka wilibmai. 28Ani, Ebron ab, Rehob ab, Hamon ab, Kana ab aryi weik atei Sidon dam bindoka wilibmai. 29Ani, a wilimna akiryok kebtaleboka Rama dam aryi kuboka, Tirus atei lika aryi doboka aknabdongoamnyi atei dam asi bindoka tubto kebtaleboka Hosa dam wilibmai. Ani, a wilimna akiryok wililibde binmai ani, weik me kwan si Noutam Me kwan dam yandoka dakdongobmai. Ani, tubto Mahalab ab, Akhzib ab, 30Uma ab, Afek ab, Rehob ab ukuboka weik atei 22 baryi kuramnyi weik atei ab, mitik-mitik atei doboka kuramnyi atei ab nirya asi Asyer yala nang ati ebmai. 31Ukuboka Asyer yala deibdoba nang ati weik atei ab, mitik-mitik atei ab ebmai ba, sun mutuk kibdobmai.
Naftali yala nang ati ebmai mutuk deyok
19:32-39
32Liki nabaryi dinyi yamin deiboka Naftali yala deibdoba nang ati mutuk ebmai. 33Sun Naftali yala deibdoba nang mutuk wilimna ara: Helef dam aryi wiliboka Zaananim mutuk co si tarbantin tikamwe dam aryi wilibde binmai ani, Adami-Nekeb ab, Yabneel ab akiryi kuboka Lakum dam wilibmai. Ani, akiryi wilibde binmai ani, me Yordan kin bindoka dakdongobmai. 34Ani, a wilimna ara tubto tamuboka kitingbantam wilibde binmai. Ara, Aznot-Tabor dam aryi kuboka Hukok dam wilibde binmai ani, Zebulon yala nang mutuk me youkwetam wilibmai. Ani, a wilimna akwe kebtaleboka Asyer yala nang mutuk tam kitingbantam kuboka wilibmai. Ani, Yehuda yala nang mutuk Yordan kouboka yaletam wilirbinmai. 35Weik-weik atei lika doboka doramnyi atei si ara: Zidim ab, Zer ab, Hamat ab, Rakat ab, Kineret ab, 36Adama ab, Rama ab, Hazor ab, 37Kedesh ab, Edrei ab, En-Hazor ab, 38Yiron ab, Migdal-El ab, Horem ab, Bet-Anat ab, Bet-Semes ab ukuboka weik ati 19 baryi ab kuboka mitik-mitik atei ab sunti ebmai. 39Sun Naftali yala deibdoba nang ara sun mutuk kibdobkwamnyi ati, ato kuboka weik atei mitik atei asi wiliboka a mutuk ebmai ba, sun mutuk kibmou.
Ninyi si Dan yala nang ati ebmai mutuk deyok
19:40-48
40Liki tabaryi dinyi ara yamin deiboka Dan yala deibdoba nang ati mutuk wiliboka ebmai. 41Ara, ato kuboka wilibmai: Zora ab, Esytaol ab, Ir-Semes ab, 42Saalabin ab, Ayalon ab, Yitla ab, 43Elon ab, Timna ab, Ekron ab, 44Elteke ab, Gibeton ab, Baalat ab, 45Yehud ab, Bene-Berak ab, Gat-Rimon ab, 46Me-Yarkon ab, Rakon ab, Yafo mutuk ab sun tikwe ebmai. 47Ara, Dan yala nang mutuk ara dukubdob aryi Lesem mutuk nang asi mar bobmaici, ninyi on ya aryi akatei nang nirya asi ya sekbukoka a mutuk nirya arabdobmai. Arabdobmai ura, a mutuk si ara sun abwe Dan si “Dan,” eboka si dobmai. 48Dan yala deibdoba nang ati weik atei ab, mitik atei ab ukuboka mutuk wilibdeiboka ebmai.
Yosua biti ebmai mutuk deyok
19:49-51
49Sun Israel yala nang kuramnyi tok nirya yuk-yuk mutuk bokdobmai ura, ninyi si Nun mi Yosua biti sun dobmai mutuk kankan dam aryi tukwe ersi ton ebmai. 50Er Iya Erebdobnyi biryi tenebmou to kuboka, er Yosua biryi atei tentok molobdobmou. Ba, er molobmou to kuboka akatei asi ebmai. A ebmai atei ara Timnat-Serah Efraim kon asi ebmai. Ba, akatei asi erci dobtabakoka weik atei kiboka akatei iya kuramwe. 51Ukuboka sun Israel yala nang nirya Iya Erebdobnyi urasin dam Silo atei bulubmai. Bulubmai ura, Imtamnyi biti dama deirinanyi imam Eleazar ab, Nun mi si Yosua ab, Israel weik nang ab, keis ol ai bisik bublan dam aryi yamin deiboka mutuk bokdobmai. Israel yala nang mutuk ara ato kuboka sirya bokdobmai.
Currently Selected:
Yosua Uram 19: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 19
19
Simeon yala nang asi mutuk wilibdeiboka ebmai deyok
19:1-9
1Liki bitinyi dinyi ara yamin deiboka Simeon yala nang ati mutuk wiliboka ebmai. Simeon yala nang ati mutuk ebmai dikum ara Yehuda yala nang mutuk wiliba tam kuboka wilibmai. 2Sunti ebmai mutuk ara: Bersyeba ab, Syeba ab, Molada ab, 3Hazar-Sual ab, Bala ab, Ezem ab, 4Eltolad ab, Betul ab, Horma ab, 5Ziklag ab, Bet-Hamarkabot ab, Hazar-Susa ab, 6Bet-Lebaot ab, Saruhen ab ukuboka weik atei 13 baryi ab, mitik-mitik atei ab ebmai. 7Ain ab, En-Rimon ab, Eter ab, Asan ab, ukuboka weik atei dumbaryi kuboka mitik-mitik atei ab ebmai. 8A dumbaryi atei aryi kuboka Baalat-Beer ababyi nirya nukmou. Ara, me youkwetam mutuk tukwe si Rama ababyi nirya nukmou. Anda mutuk ara sun Simeon yala deibdoba nang ati nukmou ba, sun mutuk kibdobmai. 9Simeon yala nang ara mutuk sun yuk wiliboka kum ebmai. Eda, Yehuda yala nang mutuk ara mutuk weik deyok aryi Simeon yala nang ati, Yehuda yala nang mutuk akwe wiliboka ebmai. Ba, Simeon yala nang ara Yehuda yala nang mutuk dam asi ebmai ba, sun kankan dam kuramnyi.
Zebulon yala nang ati ebmai mutuk deyok
19:10-16
10Winiryi dinyi ara Zebulon yala deibdoba nang kunkwamnyi mutuk ati, yamin deiboka bokdeibmai. Ura, sun Zebulon yala nang ati ebmai mutuk wilimna ara wilibde binmai ani, Sarid mutuk sirya wilibmai. 11Kitingbantam wilimna ara weleboka Marala dam tam kuboka wilibmai. Ani, kebtaleboka Dabeset tam kuboka wilibde binmai ani, Yokneam mutuk yurbiu me kin bindoka wilibmai. 12Ani, Sarid aryi kuboka yaletam mutuk Kislot-Tabor mutuk wiliba dam bindoka wilibmai. Ani, Dobrat dam aryi weleboka Yafia mutuk dam bindoka wilibmai. 13A mutuk wilimna ara akiryi kuboka yaletam, kiting anamyangarande tam kuboka wilibde binmai ani, Gat-Hefer dam ab, Et-Kazin dam ab aryi kuboka Rimon tam wilibmai. Ani, kebdeiboka Nea mutuk tam wilibmai. 14Ani, a wilimna aryok keboka boongobmaici, Hanaton mutuk eitam kuboka wilibde binmai ani, Yiftah-El dam bindoka sirya dakdongobmai. 15Ura, Katat atei ab, Nahalal atei ab, Simron atei ab, Yidala atei ab, Betlehem atei ab ukuboka weik atei amolbaryi ab, mitik-mitik atei ab ukuboka wilibdeiboka mutuk ebmai. 16Zebulon yala deibdoba nang mutuk ara ukuboka weik atei mitik atei donung.
Isakhar yala nang ati ebmai mutuk deyok
19:17-23
17Liki dumbaryi dinyi ara Isakhar yala deibdoba nang ati, yamin deiboka mutuk bokeibmai. 18Sunti ebmai mutuk ara: Yizreel ab, Kesulot ab, Sunem ab, 19Hafaraim ab, Sion ab, Anaharat ab, 20Rabit ab, Kisyon ab, Ebes ab, 21Remet ab, En-Ganim ab, En-Hada ab ani, Bet-Pazes ab ukuboka ebmai. 22Ba, sun mutuk wilimna ara Tabor mutuk aryi kuboka Sahazima ab, Bet-Semes ab Yordan me kin dam wilibmai. Ukuboka weik atei 16 baryi ab, mitik-mitik atei ab sun mutuk kibdeibmai. 23Ba, sun Isakhar yala deibdoba nang ati, wiliboka weik atei ab, mitik atei ab ebmai.
Asyer yala nang ati ebmai mutuk deyok
19:24-31
24Liki amubaryi dinyi ababyi, yamin deiboka Asyer yala deibdoba nang ati mutuk ebmai. 25Sun Asyer yala nang ati ebmai mutuk ara: Helkat ab, Hali ab, Beten ab, Akhsaf ab 26Alamelekh ab, Amad ab, Misal ab, sun mutuk sirya wiliba sengna ara Karmel kon aryi kuboka, me Libnat kouboka kitingbantam wiliboka ebmai. 27Ani, tamuboka yaletam ababyi, Bet-Dagon aryi kuboka, Zebulon yala nang mutuk ab, Yiftah-El mutuk lu ab eitam kuboka, Bet-Emek ab, Nehiel ab dam bindoka wilibmai. Ani, a wilimna akiryok kebtaleboka Kabul mutuk tam eitam bindoka wilibmai. 28Ani, Ebron ab, Rehob ab, Hamon ab, Kana ab aryi weik atei Sidon dam bindoka wilibmai. 29Ani, a wilimna akiryok kebtaleboka Rama dam aryi kuboka, Tirus atei lika aryi doboka aknabdongoamnyi atei dam asi bindoka tubto kebtaleboka Hosa dam wilibmai. Ani, a wilimna akiryok wililibde binmai ani, weik me kwan si Noutam Me kwan dam yandoka dakdongobmai. Ani, tubto Mahalab ab, Akhzib ab, 30Uma ab, Afek ab, Rehob ab ukuboka weik atei 22 baryi kuramnyi weik atei ab, mitik-mitik atei doboka kuramnyi atei ab nirya asi Asyer yala nang ati ebmai. 31Ukuboka Asyer yala deibdoba nang ati weik atei ab, mitik-mitik atei ab ebmai ba, sun mutuk kibdobmai.
Naftali yala nang ati ebmai mutuk deyok
19:32-39
32Liki nabaryi dinyi yamin deiboka Naftali yala deibdoba nang ati mutuk ebmai. 33Sun Naftali yala deibdoba nang mutuk wilimna ara: Helef dam aryi wiliboka Zaananim mutuk co si tarbantin tikamwe dam aryi wilibde binmai ani, Adami-Nekeb ab, Yabneel ab akiryi kuboka Lakum dam wilibmai. Ani, akiryi wilibde binmai ani, me Yordan kin bindoka dakdongobmai. 34Ani, a wilimna ara tubto tamuboka kitingbantam wilibde binmai. Ara, Aznot-Tabor dam aryi kuboka Hukok dam wilibde binmai ani, Zebulon yala nang mutuk me youkwetam wilibmai. Ani, a wilimna akwe kebtaleboka Asyer yala nang mutuk tam kitingbantam kuboka wilibmai. Ani, Yehuda yala nang mutuk Yordan kouboka yaletam wilirbinmai. 35Weik-weik atei lika doboka doramnyi atei si ara: Zidim ab, Zer ab, Hamat ab, Rakat ab, Kineret ab, 36Adama ab, Rama ab, Hazor ab, 37Kedesh ab, Edrei ab, En-Hazor ab, 38Yiron ab, Migdal-El ab, Horem ab, Bet-Anat ab, Bet-Semes ab ukuboka weik ati 19 baryi ab kuboka mitik-mitik atei ab sunti ebmai. 39Sun Naftali yala deibdoba nang ara sun mutuk kibdobkwamnyi ati, ato kuboka weik atei mitik atei asi wiliboka a mutuk ebmai ba, sun mutuk kibmou.
Ninyi si Dan yala nang ati ebmai mutuk deyok
19:40-48
40Liki tabaryi dinyi ara yamin deiboka Dan yala deibdoba nang ati mutuk wiliboka ebmai. 41Ara, ato kuboka wilibmai: Zora ab, Esytaol ab, Ir-Semes ab, 42Saalabin ab, Ayalon ab, Yitla ab, 43Elon ab, Timna ab, Ekron ab, 44Elteke ab, Gibeton ab, Baalat ab, 45Yehud ab, Bene-Berak ab, Gat-Rimon ab, 46Me-Yarkon ab, Rakon ab, Yafo mutuk ab sun tikwe ebmai. 47Ara, Dan yala nang mutuk ara dukubdob aryi Lesem mutuk nang asi mar bobmaici, ninyi on ya aryi akatei nang nirya asi ya sekbukoka a mutuk nirya arabdobmai. Arabdobmai ura, a mutuk si ara sun abwe Dan si “Dan,” eboka si dobmai. 48Dan yala deibdoba nang ati weik atei ab, mitik atei ab ukuboka mutuk wilibdeiboka ebmai.
Yosua biti ebmai mutuk deyok
19:49-51
49Sun Israel yala nang kuramnyi tok nirya yuk-yuk mutuk bokdobmai ura, ninyi si Nun mi Yosua biti sun dobmai mutuk kankan dam aryi tukwe ersi ton ebmai. 50Er Iya Erebdobnyi biryi tenebmou to kuboka, er Yosua biryi atei tentok molobdobmou. Ba, er molobmou to kuboka akatei asi ebmai. A ebmai atei ara Timnat-Serah Efraim kon asi ebmai. Ba, akatei asi erci dobtabakoka weik atei kiboka akatei iya kuramwe. 51Ukuboka sun Israel yala nang nirya Iya Erebdobnyi urasin dam Silo atei bulubmai. Bulubmai ura, Imtamnyi biti dama deirinanyi imam Eleazar ab, Nun mi si Yosua ab, Israel weik nang ab, keis ol ai bisik bublan dam aryi yamin deiboka mutuk bokdobmai. Israel yala nang mutuk ara ato kuboka sirya bokdobmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)