Keluaran Uram 2
2
Musa deiboka, “Obingnyei,” tenen inibdeibmai deyok
2:1-10
1A mambul doramnyi talak aryi Israelnyi sal tentok Lewi yalanyi si Amram biryi neik yalanyi nebnyi si Yohebet doamwe. 2Mabwe winiryi deibdandei. Dunyi bira Harun. Ba, a dam ner ara Miryam deibdandei. Ani, mi ton deibdobmarei. A mi deibmou ura, diramwe uca, iya mi teleb eibmou ura, wala winiryi inibdeiamwe. 3Bok, a mi ara uki weik inibdeibman kum kubmou. Ura, a mi er kwin biryi tower aling wibmou ura, “Me wekcei,” tenen kinkin bisik ara co iya aryi tablakoka denebdongobmou. Ura, a mi ara akaling umbura tomobkibdongoboka me si Nil ayun deici asi me nunia kankan bindoka deibdongobmou. 4Ba, a mi er du ner bira yuk inibdob ai tikoka er weit deibmou dikum asi, “Una kubkwamar do?” tenen diblilibokmou. 5A diblilibokmou talak aryi, Mesir weik sienyi si Firaun nebnyi, “Me kekwan,” tenen me Nil kin yuryanganmou. Yuryanganmouci, diramwe uca, tower aling kuna wiamnyi dinyi asi me nunia kankan me ayun deici borkengmou asi asing eibmou. Ura, er wa irmilin nerabwe ara me kubkub yibarkiringmai bok, Mesir sienyi nebnyi aryi ner tentok asi, “O keica doboka boyanurum!” ebmou. 6Doboka boyanmou ura, Firaun nebnyi aryi aling wiraming to wiamnyi keica asi kuktaleboka diramwe uca, mi alok engebde manmou asi eibmou. Ura, a ner aryi a mi diramwe uca, boukwe weik kubmou ura, ato ebmou, “A mi ara Israel nang mi aca,” ebmou.
7Ura, a mi er du ner biryi Firaun nebnyi dam tingyandoka ersi ato eboka asibdenmou, “Nong, Mesir weik sienyi nebnyi, niryi a mi moum dinibdeibkwankir ner, Israel nerabwe asi ner tentok iniboka boyatinyi do? Mem do?” eboka asibdenmou. 8Uca, Mesir weik sienyi nebnyi aryi, “Yo teleb, ur,” ebmou. Ura, a mi er du ner sun kwin kobdoba asi inirbinmou. 9Ura, Mesir Firaun nebnyi biryi a iniyanmou ner si Yokhebet bisi ato ebmou, “Aminda dekwankin ati, a mi boboka moum dinirdeirirbinurum,” ebmou. Ba, a Israel ner biryi a mi boboka moum dinirbinmou. 10Moum diniramwe ani, sirya kanya kibmou ura, er kwin biryi Firaun nebnyi asi karerbinmou. Ba, Firaun nebnyi biryi a mi ara er mi kobdoba ato kibdobmou. Ura, ato ebmou, “A mi ara me deici aryi doanwe ati, ‘Er si Musa,’ eboka dobne,” ebmou.
Musa biryi er atei nang Ibrani nang lebmouci, ninyi obmou ura, Midian mutuk inirdarorbinmou uram
2:11-22
11Kuramnyi ani, Musa sirya nebdobmou talak aryi, “Ni atei Israel nang kununga dirbinkwan,” teneboka dirbanmou uca, mambul weik wa dimnamnyi ba, iramnyi asi asing eibmou. A dirbinmou uca, Mesirnyi biryi Musa ateinyi, Israelnyi bisi onmou asi asing eibmou. 12Ura, Musa biryi dinatam dibde-dinatam dibde kimdiu uca, ninyi ton kum dinmai. Ura, erci Mesirnyi bisi obmouci, iniboka me wininga umbura alibokaburyi, dongobmou.
13Ambutum toa berekmou ura, tubto Musa biryi bindoka diramwe uca, Israel nang bitinyi sun mamun obdanin yibarei asi eibmou. Ura, er kwit deyok koubmonyi bisi ato ebmou, “Kan kwit bisi unatoa ati onmarim do?” ebmou. 14Ato ebmou uca, anyi biryi Musa bisi ato ebmou, “Kanda, unanyi biryi nunsi, ‘Ato kubdarur-ato kubdarur,’ eboka ninyi wenenanyi tikeibmakir do? Kanda ambutum aryi Mesirnyi bisi obmoumwe to kuboka, nibabyi obkwamanirim ati kunmanirim do?” ebmou. Ba, Musa er ilil aryi, “Nai e, ambutum ninyi obmonwe ara ninyi nirya sirya bikmaning,” tenebmou. 15Ninyi obmou deyok ara Mesir mutuk weik sienyi sirya bikmou ura, “Una kubokabniryi Musa erbabyi obkwan do?” tenebmou.
Ato tenebmou bok, Musa biryi, “Mesir weik sienyi obnicei,” tenebmou ura, Midian mutuk inirdarorbinmou. 16Midian mutuk ara Er Imtamnyi biti ninyi dama deirinanyi imam si Yitro#2:16 Yitro yuk si ara Rehuel. bira er nermabwe ara tabaryi deiamwe. Uki tentok tum ara Musa bira tukwe ukoka me kwebde yina kikniamnyi dam asi bindoka bukmou. Ura, a tabaryi kam nerabwe, Yitro nermabwe ara sun nai bisam kambing ab, domba ab yin me kweryanganmaici, a me yin dam yanmai. 17Ato me kweryanganmai bok, bisam domba kalingna nang yu nang mikbaryi aryi a kam nerabwe mer asi yakdonokmai. Ura, Musa biryi yandoka a nermabwe lebdeibmouci, sun bisam kambing domba yin me kwebminikmou. 18Ato kubdeibmou ura, a tabaryi nermabwe sun nai bisi atei binmai ura, sun nai biryi ato eboka asibdenmou, “Arub ara unatoa ati ola yanandum do?” eboka asibdenmou. 19Uca, sunci ato ebmai, “Nunda bisam kalingna nang yu nang aryi yangdonongmasing asi, Mesirnyi tentok aryi nunsi lebdeibmasirci, nun yin me babyi, bisam kambing domba yin me ababyi a nirya ercok kwebminikmasir,” eboka nukmai. 20Ato ebmai ura, sun nai Yitro biryi ato eboka asibdenmou, “Ura, anyi bira dantam takloboka yanandum do? Yina tonkwa yibkwayeb ati, minola iniboka yandarur!” ebmou. 21Iniboka binmai ura, sun tonkwa yina yibmai. Kuramnyi ani, Musa biryi, “Akatei iya kunkwan,” ebmou ura, akatei kuramwe. Ba, Yitro biryi Musa bisi er nebnyi si Zipora kaibmou. 22Kaibmou ura, kurandei ani, Zipora biryi mi tentok deibmou. Ba, Musa biryi, “Akatei ara nira tingyangananyi kunun,” tenebmouci, a mi si, “Gersom,” eboka dobmou.
Er Iya Erebdobnyi biryi Musa bisi, “Kan atei nang lebdeibdum,” eboka bokdonokmou uram
2:23-25
23Kwalina o kwali-o kwali baramnyi ani, Mesir mutuk weik sienyi dibmou. Sirya dibmou bok, Israel nang ara mambul weik wa asi tuba iramnyi deyok aryi, “Se, una kuboka lebdandobkwayeb do?” eboka Er Imtamnyi bisi ngolokoka moloramnyi. 24Ba, sun moloramnyi dinyi ara Er Imtamnyi biryi sirya kekebmou. Er Imtamnyi biryi sirya kekebmou ura, Erci Israel nang sun abwe yabwe Abraham ab Ishak ab Yakub ab asi ebdeiamwe dinyi kanya teneibmou. 25Kanya teneibdenmou ara ato teneibmou, “Israel nang asi mambul weik wa arungnung ba, mambul asa il donung ara lebdeibkwan,” tenebmou.
Currently Selected:
Keluaran Uram 2: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 2
2
Musa deiboka, “Obingnyei,” tenen inibdeibmai deyok
2:1-10
1A mambul doramnyi talak aryi Israelnyi sal tentok Lewi yalanyi si Amram biryi neik yalanyi nebnyi si Yohebet doamwe. 2Mabwe winiryi deibdandei. Dunyi bira Harun. Ba, a dam ner ara Miryam deibdandei. Ani, mi ton deibdobmarei. A mi deibmou ura, diramwe uca, iya mi teleb eibmou ura, wala winiryi inibdeiamwe. 3Bok, a mi ara uki weik inibdeibman kum kubmou. Ura, a mi er kwin biryi tower aling wibmou ura, “Me wekcei,” tenen kinkin bisik ara co iya aryi tablakoka denebdongobmou. Ura, a mi ara akaling umbura tomobkibdongoboka me si Nil ayun deici asi me nunia kankan bindoka deibdongobmou. 4Ba, a mi er du ner bira yuk inibdob ai tikoka er weit deibmou dikum asi, “Una kubkwamar do?” tenen diblilibokmou. 5A diblilibokmou talak aryi, Mesir weik sienyi si Firaun nebnyi, “Me kekwan,” tenen me Nil kin yuryanganmou. Yuryanganmouci, diramwe uca, tower aling kuna wiamnyi dinyi asi me nunia kankan me ayun deici borkengmou asi asing eibmou. Ura, er wa irmilin nerabwe ara me kubkub yibarkiringmai bok, Mesir sienyi nebnyi aryi ner tentok asi, “O keica doboka boyanurum!” ebmou. 6Doboka boyanmou ura, Firaun nebnyi aryi aling wiraming to wiamnyi keica asi kuktaleboka diramwe uca, mi alok engebde manmou asi eibmou. Ura, a ner aryi a mi diramwe uca, boukwe weik kubmou ura, ato ebmou, “A mi ara Israel nang mi aca,” ebmou.
7Ura, a mi er du ner biryi Firaun nebnyi dam tingyandoka ersi ato eboka asibdenmou, “Nong, Mesir weik sienyi nebnyi, niryi a mi moum dinibdeibkwankir ner, Israel nerabwe asi ner tentok iniboka boyatinyi do? Mem do?” eboka asibdenmou. 8Uca, Mesir weik sienyi nebnyi aryi, “Yo teleb, ur,” ebmou. Ura, a mi er du ner sun kwin kobdoba asi inirbinmou. 9Ura, Mesir Firaun nebnyi biryi a iniyanmou ner si Yokhebet bisi ato ebmou, “Aminda dekwankin ati, a mi boboka moum dinirdeirirbinurum,” ebmou. Ba, a Israel ner biryi a mi boboka moum dinirbinmou. 10Moum diniramwe ani, sirya kanya kibmou ura, er kwin biryi Firaun nebnyi asi karerbinmou. Ba, Firaun nebnyi biryi a mi ara er mi kobdoba ato kibdobmou. Ura, ato ebmou, “A mi ara me deici aryi doanwe ati, ‘Er si Musa,’ eboka dobne,” ebmou.
Musa biryi er atei nang Ibrani nang lebmouci, ninyi obmou ura, Midian mutuk inirdarorbinmou uram
2:11-22
11Kuramnyi ani, Musa sirya nebdobmou talak aryi, “Ni atei Israel nang kununga dirbinkwan,” teneboka dirbanmou uca, mambul weik wa dimnamnyi ba, iramnyi asi asing eibmou. A dirbinmou uca, Mesirnyi biryi Musa ateinyi, Israelnyi bisi onmou asi asing eibmou. 12Ura, Musa biryi dinatam dibde-dinatam dibde kimdiu uca, ninyi ton kum dinmai. Ura, erci Mesirnyi bisi obmouci, iniboka me wininga umbura alibokaburyi, dongobmou.
13Ambutum toa berekmou ura, tubto Musa biryi bindoka diramwe uca, Israel nang bitinyi sun mamun obdanin yibarei asi eibmou. Ura, er kwit deyok koubmonyi bisi ato ebmou, “Kan kwit bisi unatoa ati onmarim do?” ebmou. 14Ato ebmou uca, anyi biryi Musa bisi ato ebmou, “Kanda, unanyi biryi nunsi, ‘Ato kubdarur-ato kubdarur,’ eboka ninyi wenenanyi tikeibmakir do? Kanda ambutum aryi Mesirnyi bisi obmoumwe to kuboka, nibabyi obkwamanirim ati kunmanirim do?” ebmou. Ba, Musa er ilil aryi, “Nai e, ambutum ninyi obmonwe ara ninyi nirya sirya bikmaning,” tenebmou. 15Ninyi obmou deyok ara Mesir mutuk weik sienyi sirya bikmou ura, “Una kubokabniryi Musa erbabyi obkwan do?” tenebmou.
Ato tenebmou bok, Musa biryi, “Mesir weik sienyi obnicei,” tenebmou ura, Midian mutuk inirdarorbinmou. 16Midian mutuk ara Er Imtamnyi biti ninyi dama deirinanyi imam si Yitro#2:16 Yitro yuk si ara Rehuel. bira er nermabwe ara tabaryi deiamwe. Uki tentok tum ara Musa bira tukwe ukoka me kwebde yina kikniamnyi dam asi bindoka bukmou. Ura, a tabaryi kam nerabwe, Yitro nermabwe ara sun nai bisam kambing ab, domba ab yin me kweryanganmaici, a me yin dam yanmai. 17Ato me kweryanganmai bok, bisam domba kalingna nang yu nang mikbaryi aryi a kam nerabwe mer asi yakdonokmai. Ura, Musa biryi yandoka a nermabwe lebdeibmouci, sun bisam kambing domba yin me kwebminikmou. 18Ato kubdeibmou ura, a tabaryi nermabwe sun nai bisi atei binmai ura, sun nai biryi ato eboka asibdenmou, “Arub ara unatoa ati ola yanandum do?” eboka asibdenmou. 19Uca, sunci ato ebmai, “Nunda bisam kalingna nang yu nang aryi yangdonongmasing asi, Mesirnyi tentok aryi nunsi lebdeibmasirci, nun yin me babyi, bisam kambing domba yin me ababyi a nirya ercok kwebminikmasir,” eboka nukmai. 20Ato ebmai ura, sun nai Yitro biryi ato eboka asibdenmou, “Ura, anyi bira dantam takloboka yanandum do? Yina tonkwa yibkwayeb ati, minola iniboka yandarur!” ebmou. 21Iniboka binmai ura, sun tonkwa yina yibmai. Kuramnyi ani, Musa biryi, “Akatei iya kunkwan,” ebmou ura, akatei kuramwe. Ba, Yitro biryi Musa bisi er nebnyi si Zipora kaibmou. 22Kaibmou ura, kurandei ani, Zipora biryi mi tentok deibmou. Ba, Musa biryi, “Akatei ara nira tingyangananyi kunun,” tenebmouci, a mi si, “Gersom,” eboka dobmou.
Er Iya Erebdobnyi biryi Musa bisi, “Kan atei nang lebdeibdum,” eboka bokdonokmou uram
2:23-25
23Kwalina o kwali-o kwali baramnyi ani, Mesir mutuk weik sienyi dibmou. Sirya dibmou bok, Israel nang ara mambul weik wa asi tuba iramnyi deyok aryi, “Se, una kuboka lebdandobkwayeb do?” eboka Er Imtamnyi bisi ngolokoka moloramnyi. 24Ba, sun moloramnyi dinyi ara Er Imtamnyi biryi sirya kekebmou. Er Imtamnyi biryi sirya kekebmou ura, Erci Israel nang sun abwe yabwe Abraham ab Ishak ab Yakub ab asi ebdeiamwe dinyi kanya teneibmou. 25Kanya teneibdenmou ara ato teneibmou, “Israel nang asi mambul weik wa arungnung ba, mambul asa il donung ara lebdeibkwan,” tenebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)