Keluaran Uram 1
1
Sun Israel nang asi Mesir mutuk nang aryi il dimnamnyi deyok
1:1-22
1Yakub er si yuk si ara Israel. Yakub er mabwe ab, sun mabwe silib nirya Mesir mutuk dam yanmai. Yakub er mabwe si ara ato: 2Ruben ab, Simeon ab, Lewi ab, Yehuda ab, 3Isakhar ab, Zebulon ab, Benyamin ab, 4Dan ab, Naftali ab, Gad ab, Asyer ab ukuboka yanmai. 5Yakub ab, er mabwe silib ab ara yubwa 70 baryi deiamnyi. Yakub mi Yusuf bira er du yabwe aryi Mesir nang asi co bok dekdamyi. Ba, Yusuf bira Mesir ninyi aryi bobde binamiryi minob bindoka kuramwe. Ba, Yakub mabwe silib aminda aryi binmai. 6Sun nirya Mesir dam kuramnyi ani, Yusuf sirya dibmou ura, er kwit yabwe ab, er kikib nang ababyi nirya dibmai. 7Sun Israel nang mabwe yubwa-yubwa yaldakde baramnyi. Ba, nukiribman kumto kuboka a mutuk dam nirya oblibmou.
8Ukubmou ura, ukuryok weik sienyi Mesir mutuk talebkwamunyi tentok Firaun#1:8 Firaun bira ninyi si kuma, eda er wa si. Kiklin dinyi ara presiden, bupati eraming ato. tikeibmai. Anyi Firaun bira Yusuf kum eiriramunyi bisi tikeibmai. 9A sienyi biryi er taleamwe nang asi ato ebmou, “Sun Israel nang ara yubwa mitik kum kibde barande aryi, nun yubwa ara mitik kibdeibnin baransing. 10Ati, nunci sunsi diboka lilibdeibibiryi kalikwayeb ba, sunci mabwe odei-odei bingnyei. Ba, sun atei nang weik kibdiryi nun mar ordan nang ab antanibdobingiryi, nunsi mar bobsingnyei. Mar bobsingiryi, a mutuk dam aryi anaboka bindobingnyei,” ebmou. 11A deyok aryi il dimnamiryi kalingdamnyi nang aryi sun Israel nang asi il dimnamnyi ba, sunci il doramnyi. Ba, Israel nang aryi Mesir weik sienyi biti yina kiboka miningna atei si Pitom ab, Raamses ab dam asi dobmai. 12Ukuboka il dimna weikto deibtabakdongobnin baramnyi uca, sun mabwe tuba deibtabakde baramnyi ba, weik kibnin baramwe. Ato kubde baramnyi deyok aryi sun Israel nang ati, Mesir nang aryi ilil mitik kum kuramwe. 13Ba, Mesir mutuk nang yu asa aryi sun Israel nang asi il weikto dimnamnyi ba, il weik doramnyi. 14Ani, ukuboka il dimnamnyi deici aryi mambul kanya bordeiriramnyi. Ara, ngat tukwe aryi uk daboka, “Ai dobkwayeb,” tenen kikniraming keil ab yuk wa-yuk wa ab ilinto a mutuk dam wa iramnyi. Ani, Mesir nang yu asa aryi sun Israel nang asi il weik wa dimnamnyi.
15Tonda Mesir sienyi Firaun biryi Ibrani nerabwe#1:15 Israel ninyi ara yuk si ara Ibrani yala ninyi kuramnyi deyok aryi, “Ibrani nerabwe-Ibrani nang,” eramnyi. bitinyi, mi deirmilin nerabwe bitinyi si Sifra ab, Pua ab asi ato ebdeibmou, 16“Sun Ibrani nerabwe mi deyok donmangnyi ura, deinmangnyi ba, deirmilinmarurumnyi ura, diblilibokwamarurum. Ara, sun Israel ninyi weik kiboka nunsi mar bobsingnyei. Ati, sal deibingnyi ura, oubkabkwandurum. Ba, ner deibingnyi ura, taklobkwandurum,” ebmou. 17Ato ebmou bok, a mi deirmilin nerabwe bitinyi ara Imtamnyi bisi sun ilil aryi Mesir sienyi ebmou to kum kunubmarei. Ura, sunci a mabwe kum obkabmarei. 18Ura, er Mesir sienyi Firaun biryi a mi deirmilin nerabwe bitinyi nabmou ura, ato eboka asibmou, “Sun unato ati a mabwe kum orurumci tanglorurum ba, kam tuba kunung do?” eboka asibmou. 19Ba, a mi deirmilin nerabwe aryi Firaun bisi ato ebmarei, “Nun kum onunum ara Ibrani nerabwe mi deiraminga ara yukto. Ba, Mesir nerabwe mi deiraminga ara yukto. Uca, sunda mikib mitik kum kurur. Ara, ato ati ebmanim. Mi deirmilin nerabwe kum binabingnyi talak aryi minob deiroraming aryi nun kum orkanunum ati ebmanim,” ebmarei. 20Ba, Er Imtamnyi biryi a mi deirmilin nerabwe asi kisal dangdamwe ba, sun Israel nang mabwe yubwa yaldaktabakde baramnyi. 21Ara, ato deyok aryi a mi deirmilin nerabwe aryi Imtamnyi bisi ilil kurandei ati, Er Imtamnyi biryi sunsi ninyi doboka mi deibde ban dinyi karebmou. 22Ura, Mesir sienyi Firaun biryi er taleamwe nang, Mesir nang nirya asi ato eboka arukmou, “Ibrani nang aryi sal deibingnyi ura, oboka me Nil dongobdarur. Ba, ner deibingnyi ura, ona kum uca, taklobkwandarur,” eboka arukmou.
Currently Selected:
Keluaran Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 1
1
Sun Israel nang asi Mesir mutuk nang aryi il dimnamnyi deyok
1:1-22
1Yakub er si yuk si ara Israel. Yakub er mabwe ab, sun mabwe silib nirya Mesir mutuk dam yanmai. Yakub er mabwe si ara ato: 2Ruben ab, Simeon ab, Lewi ab, Yehuda ab, 3Isakhar ab, Zebulon ab, Benyamin ab, 4Dan ab, Naftali ab, Gad ab, Asyer ab ukuboka yanmai. 5Yakub ab, er mabwe silib ab ara yubwa 70 baryi deiamnyi. Yakub mi Yusuf bira er du yabwe aryi Mesir nang asi co bok dekdamyi. Ba, Yusuf bira Mesir ninyi aryi bobde binamiryi minob bindoka kuramwe. Ba, Yakub mabwe silib aminda aryi binmai. 6Sun nirya Mesir dam kuramnyi ani, Yusuf sirya dibmou ura, er kwit yabwe ab, er kikib nang ababyi nirya dibmai. 7Sun Israel nang mabwe yubwa-yubwa yaldakde baramnyi. Ba, nukiribman kumto kuboka a mutuk dam nirya oblibmou.
8Ukubmou ura, ukuryok weik sienyi Mesir mutuk talebkwamunyi tentok Firaun#1:8 Firaun bira ninyi si kuma, eda er wa si. Kiklin dinyi ara presiden, bupati eraming ato. tikeibmai. Anyi Firaun bira Yusuf kum eiriramunyi bisi tikeibmai. 9A sienyi biryi er taleamwe nang asi ato ebmou, “Sun Israel nang ara yubwa mitik kum kibde barande aryi, nun yubwa ara mitik kibdeibnin baransing. 10Ati, nunci sunsi diboka lilibdeibibiryi kalikwayeb ba, sunci mabwe odei-odei bingnyei. Ba, sun atei nang weik kibdiryi nun mar ordan nang ab antanibdobingiryi, nunsi mar bobsingnyei. Mar bobsingiryi, a mutuk dam aryi anaboka bindobingnyei,” ebmou. 11A deyok aryi il dimnamiryi kalingdamnyi nang aryi sun Israel nang asi il dimnamnyi ba, sunci il doramnyi. Ba, Israel nang aryi Mesir weik sienyi biti yina kiboka miningna atei si Pitom ab, Raamses ab dam asi dobmai. 12Ukuboka il dimna weikto deibtabakdongobnin baramnyi uca, sun mabwe tuba deibtabakde baramnyi ba, weik kibnin baramwe. Ato kubde baramnyi deyok aryi sun Israel nang ati, Mesir nang aryi ilil mitik kum kuramwe. 13Ba, Mesir mutuk nang yu asa aryi sun Israel nang asi il weikto dimnamnyi ba, il weik doramnyi. 14Ani, ukuboka il dimnamnyi deici aryi mambul kanya bordeiriramnyi. Ara, ngat tukwe aryi uk daboka, “Ai dobkwayeb,” tenen kikniraming keil ab yuk wa-yuk wa ab ilinto a mutuk dam wa iramnyi. Ani, Mesir nang yu asa aryi sun Israel nang asi il weik wa dimnamnyi.
15Tonda Mesir sienyi Firaun biryi Ibrani nerabwe#1:15 Israel ninyi ara yuk si ara Ibrani yala ninyi kuramnyi deyok aryi, “Ibrani nerabwe-Ibrani nang,” eramnyi. bitinyi, mi deirmilin nerabwe bitinyi si Sifra ab, Pua ab asi ato ebdeibmou, 16“Sun Ibrani nerabwe mi deyok donmangnyi ura, deinmangnyi ba, deirmilinmarurumnyi ura, diblilibokwamarurum. Ara, sun Israel ninyi weik kiboka nunsi mar bobsingnyei. Ati, sal deibingnyi ura, oubkabkwandurum. Ba, ner deibingnyi ura, taklobkwandurum,” ebmou. 17Ato ebmou bok, a mi deirmilin nerabwe bitinyi ara Imtamnyi bisi sun ilil aryi Mesir sienyi ebmou to kum kunubmarei. Ura, sunci a mabwe kum obkabmarei. 18Ura, er Mesir sienyi Firaun biryi a mi deirmilin nerabwe bitinyi nabmou ura, ato eboka asibmou, “Sun unato ati a mabwe kum orurumci tanglorurum ba, kam tuba kunung do?” eboka asibmou. 19Ba, a mi deirmilin nerabwe aryi Firaun bisi ato ebmarei, “Nun kum onunum ara Ibrani nerabwe mi deiraminga ara yukto. Ba, Mesir nerabwe mi deiraminga ara yukto. Uca, sunda mikib mitik kum kurur. Ara, ato ati ebmanim. Mi deirmilin nerabwe kum binabingnyi talak aryi minob deiroraming aryi nun kum orkanunum ati ebmanim,” ebmarei. 20Ba, Er Imtamnyi biryi a mi deirmilin nerabwe asi kisal dangdamwe ba, sun Israel nang mabwe yubwa yaldaktabakde baramnyi. 21Ara, ato deyok aryi a mi deirmilin nerabwe aryi Imtamnyi bisi ilil kurandei ati, Er Imtamnyi biryi sunsi ninyi doboka mi deibde ban dinyi karebmou. 22Ura, Mesir sienyi Firaun biryi er taleamwe nang, Mesir nang nirya asi ato eboka arukmou, “Ibrani nang aryi sal deibingnyi ura, oboka me Nil dongobdarur. Ba, ner deibingnyi ura, ona kum uca, taklobkwandarur,” eboka arukmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)