Amos Uram 3
3
Nabi nang ara Er Imtamnyi uram ermurun nang kunung uram deyok
3:1-8
1Amos biryi Er Imtamnyi biryi ebdeibmou to asi ato ebmou, “We, sun Israel nang yala a, Er Iya Erebdobnyi biryi sun deyok ati ato ebdeibmasir ati sun kekebdarur. Sunda, Er Iya Erebdobnyi biryi Mesir mutuk aryi boyanansou nang ati, ato ebdeibmasir.
2‘Nira, im dangna nang tukwe dangna nang kunung kankan nirya ara
sun Israel nang tentok asi Niryi wiboka teleb kimdeirisunun.
Bok, sunci Nisi kum dirnilinindarurci, sunda malyi kundarur deyok aryi Niryi sunsi wenebkwansin.
3Ninyi bitinyi aryi sun uram tonkwa kum sisikdobmaringiryok, tonkwa ton yibarurung do?
Kum, eda, tonkwa bukoka uram sisikdobmaringnyi uca, tonkwa neik mutuk yibaroranding.
4Bai kam si singa ara er lena ingkiringmaci talak ara uram eboka kamuboka ton kimdur do?
Kum, eda er lena sirya obmaci asi uram erur.
5Maka tentok ara ninyi aryi eboka youna kum kubmating ura, er yuk eboka youbdandokabturyi, tukwe ai sakoka maryurbinkwamote do?
Maka ebmatinga ara utotoa aryi lulungdongona kum kubmote ura, er yuk aryi sorokaboka tikwamote do? Ara, ukubman kum.
6Ba, weik atei dorantinga dam asi mar ordana lak kimna ati buu ena si sangkakala unmating ura,
akatei dam kuranting nang ara sun ilil aryi sirim kum talebte do?
Ba, atei tentok dorantinga dam asi Er Iya Erebdobnyi biryi mambul weik dinyi kum kareante bok, mambul dobkwamating do?
7Diba ati, Er Iya Erebdobnyi, nun molonubnyi bira Erci uram sekweteanci dinyi aminda kunubdeibkwanci ura,
Er wa irmilin nang, Er uram ermurun nang nabi nang dam asi minob lak ebdeianci tok kuboka kunurdeirirande.
8Bai kam singa uram kamunmote ura, ninyi unanyi bisi iya ilil weik ton kum kubkwamote do?
Er Iya Erebdobnyi, nun molonubnyi biryi uram ebdeibmote bok,
unanyi biryi, “Nira Er uram ara kum ebmurubkwan,” ton ebkwamote do?’ Kum. Eda, Er uram sunsi ebmurubkwande.” Ato eboka Amos biryi sun Israel yala nang ebdeibmou.
Israel nang atei dakwamnyi deyok ati lak ebmou uram deyok
3:9-15
9Ura, ton ato ebmou,
“A ebdeibkun uram asi ebdanin ani, Asdod atei lika umbura dam ebdongobdarur.
Ani, Mesir mutuk lika umbura dam doramingnyi atei ababyi ebdongobdanin yibindarur.
Ara, ato, ‘Samaria mutuk dam burdarur mutuk kon dub ai asi buluboka wekwayeb,’ ebdandarur.
‘Sirya buluboka wengyamunyi ura, akatei dam asi dalubsinibdandoka wamlirsinirdanung dinyi asi dibdendarur.
Ani, ukula araboka dordanung asi dibnilibkwandarur,’ ebdandarur.
10Er Iya Erebdobnyi biryi ato ebmasir, ‘Sun Samaria atei nang ara u dikum dinyi kununa ara sun kum bingnung.
Eda, sun atei bobde dongonung dinyi nirya ara yu deici aryi leboka donung bona talena akwe bobde dongonung.
11A deyok aryi Er Iya Erebdobnyi nun molonubnyi biryi ato ebmasir: Sun atei doronung ara sun mar ordana nang aryi iyanmangiryi aknabdongoboka dakabokwaming.
Ba, sun dei deiboka mikib yariroramingnyi ai ara dalubsinibkwaming.
Ba, sun weik sien nang kun atei doramingnyi ai wengbindoka sun yuk nang bona asi araboka dobde deiriramunyi dinyi nirya arabdobkwaming,’ ebmasir,” ebmou.
12Ura, ton ato ebmou, “Er Iya Erebdobnyi biryi ato ebdeibmasir,
‘Sun Israel nang Samaria mutuk dam kuramingnyi nang ara Niryi bisam domba kambing kalingnanyi biryi kurande to kubdeibkwansin.
Ara, ato kurande bai kam singa aryi oboka yinmaci bisam asi
yan biryok sekdoba kum, amol sekdoba kum lebtaleboka boyangarande to kubdeibkwansin.
Niryi ato kuboka sun Israel nang Samaria mutuk dam kuramunyi nang asi weneboka kum daneibkwansin bok ninyi mitikanun ton lebdeibkwansin.
Ton deici nang ara yangabdeiboka maroramingnyi amsuna dakdoba dordeiraming ato kuboka lebdeibkwansin.
Ba, ton deici nang ara bun sokon dinatam yan dakdanci asi dordeiraming ato kuboka lebdeibkwansin,’ ebmasir.
13Tonda, Er Iya Erebdobnyi, nun molonubnyi bira imtam yin doun nang sienyi biryi ato ebmasir,
‘A uram kekebminyi ura, sun Yakub deibdoba nang asi durukoka wenebdum,’ ebmasir.
14‘Ani, sun Israel nang aryi iya yu dinyi asi kunundarur deyok ati, Niryi sun wenebkwansin.
A uki tum aryi muruboka Betel atei ninyi dama deirin keil dungna ababyi daluboka kum daneibkwan.
Ba, a keil dungna dub ai asi kisok yang ato dinyi taci belerdeiriraming ara bulakoka tukwe ai maryurbinkwande.
15Ba, Niryi, mourya li dobci talak uk sekdeiboka burban ai doramunyi ab,
co keta li kiting tin ati, kumwe lingling ena ati, doramunyi ai ara daksinibkwan.
Ai kweirya bisam gajah yang aryi doramunyi ai ara dakminikwan.
Ani, ilila ai-ilila ai dukdandoka doramunyi ai ababyi nirya dakminikwansin.’
Er Iya Erebdobnyi biryi ato ebmasir,” ebmou.
Currently Selected:
Amos Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Amos Uram 3
3
Nabi nang ara Er Imtamnyi uram ermurun nang kunung uram deyok
3:1-8
1Amos biryi Er Imtamnyi biryi ebdeibmou to asi ato ebmou, “We, sun Israel nang yala a, Er Iya Erebdobnyi biryi sun deyok ati ato ebdeibmasir ati sun kekebdarur. Sunda, Er Iya Erebdobnyi biryi Mesir mutuk aryi boyanansou nang ati, ato ebdeibmasir.
2‘Nira, im dangna nang tukwe dangna nang kunung kankan nirya ara
sun Israel nang tentok asi Niryi wiboka teleb kimdeirisunun.
Bok, sunci Nisi kum dirnilinindarurci, sunda malyi kundarur deyok aryi Niryi sunsi wenebkwansin.
3Ninyi bitinyi aryi sun uram tonkwa kum sisikdobmaringiryok, tonkwa ton yibarurung do?
Kum, eda, tonkwa bukoka uram sisikdobmaringnyi uca, tonkwa neik mutuk yibaroranding.
4Bai kam si singa ara er lena ingkiringmaci talak ara uram eboka kamuboka ton kimdur do?
Kum, eda er lena sirya obmaci asi uram erur.
5Maka tentok ara ninyi aryi eboka youna kum kubmating ura, er yuk eboka youbdandokabturyi, tukwe ai sakoka maryurbinkwamote do?
Maka ebmatinga ara utotoa aryi lulungdongona kum kubmote ura, er yuk aryi sorokaboka tikwamote do? Ara, ukubman kum.
6Ba, weik atei dorantinga dam asi mar ordana lak kimna ati buu ena si sangkakala unmating ura,
akatei dam kuranting nang ara sun ilil aryi sirim kum talebte do?
Ba, atei tentok dorantinga dam asi Er Iya Erebdobnyi biryi mambul weik dinyi kum kareante bok, mambul dobkwamating do?
7Diba ati, Er Iya Erebdobnyi, nun molonubnyi bira Erci uram sekweteanci dinyi aminda kunubdeibkwanci ura,
Er wa irmilin nang, Er uram ermurun nang nabi nang dam asi minob lak ebdeianci tok kuboka kunurdeirirande.
8Bai kam singa uram kamunmote ura, ninyi unanyi bisi iya ilil weik ton kum kubkwamote do?
Er Iya Erebdobnyi, nun molonubnyi biryi uram ebdeibmote bok,
unanyi biryi, “Nira Er uram ara kum ebmurubkwan,” ton ebkwamote do?’ Kum. Eda, Er uram sunsi ebmurubkwande.” Ato eboka Amos biryi sun Israel yala nang ebdeibmou.
Israel nang atei dakwamnyi deyok ati lak ebmou uram deyok
3:9-15
9Ura, ton ato ebmou,
“A ebdeibkun uram asi ebdanin ani, Asdod atei lika umbura dam ebdongobdarur.
Ani, Mesir mutuk lika umbura dam doramingnyi atei ababyi ebdongobdanin yibindarur.
Ara, ato, ‘Samaria mutuk dam burdarur mutuk kon dub ai asi buluboka wekwayeb,’ ebdandarur.
‘Sirya buluboka wengyamunyi ura, akatei dam asi dalubsinibdandoka wamlirsinirdanung dinyi asi dibdendarur.
Ani, ukula araboka dordanung asi dibnilibkwandarur,’ ebdandarur.
10Er Iya Erebdobnyi biryi ato ebmasir, ‘Sun Samaria atei nang ara u dikum dinyi kununa ara sun kum bingnung.
Eda, sun atei bobde dongonung dinyi nirya ara yu deici aryi leboka donung bona talena akwe bobde dongonung.
11A deyok aryi Er Iya Erebdobnyi nun molonubnyi biryi ato ebmasir: Sun atei doronung ara sun mar ordana nang aryi iyanmangiryi aknabdongoboka dakabokwaming.
Ba, sun dei deiboka mikib yariroramingnyi ai ara dalubsinibkwaming.
Ba, sun weik sien nang kun atei doramingnyi ai wengbindoka sun yuk nang bona asi araboka dobde deiriramunyi dinyi nirya arabdobkwaming,’ ebmasir,” ebmou.
12Ura, ton ato ebmou, “Er Iya Erebdobnyi biryi ato ebdeibmasir,
‘Sun Israel nang Samaria mutuk dam kuramingnyi nang ara Niryi bisam domba kambing kalingnanyi biryi kurande to kubdeibkwansin.
Ara, ato kurande bai kam singa aryi oboka yinmaci bisam asi
yan biryok sekdoba kum, amol sekdoba kum lebtaleboka boyangarande to kubdeibkwansin.
Niryi ato kuboka sun Israel nang Samaria mutuk dam kuramunyi nang asi weneboka kum daneibkwansin bok ninyi mitikanun ton lebdeibkwansin.
Ton deici nang ara yangabdeiboka maroramingnyi amsuna dakdoba dordeiraming ato kuboka lebdeibkwansin.
Ba, ton deici nang ara bun sokon dinatam yan dakdanci asi dordeiraming ato kuboka lebdeibkwansin,’ ebmasir.
13Tonda, Er Iya Erebdobnyi, nun molonubnyi bira imtam yin doun nang sienyi biryi ato ebmasir,
‘A uram kekebminyi ura, sun Yakub deibdoba nang asi durukoka wenebdum,’ ebmasir.
14‘Ani, sun Israel nang aryi iya yu dinyi asi kunundarur deyok ati, Niryi sun wenebkwansin.
A uki tum aryi muruboka Betel atei ninyi dama deirin keil dungna ababyi daluboka kum daneibkwan.
Ba, a keil dungna dub ai asi kisok yang ato dinyi taci belerdeiriraming ara bulakoka tukwe ai maryurbinkwande.
15Ba, Niryi, mourya li dobci talak uk sekdeiboka burban ai doramunyi ab,
co keta li kiting tin ati, kumwe lingling ena ati, doramunyi ai ara daksinibkwan.
Ai kweirya bisam gajah yang aryi doramunyi ai ara dakminikwan.
Ani, ilila ai-ilila ai dukdandoka doramunyi ai ababyi nirya dakminikwansin.’
Er Iya Erebdobnyi biryi ato ebmasir,” ebmou.
@LAI 2007 (New Testament), @LAI2022 (Old and New Testament)