Amos Uram 2
2
1Ura, Er Iya Erebdobnyi biryi ato ebmou:
“Sun Moab nang aryi yu dinyi liki winiryi ukubiryok, bisiboka dumbaryi dinyi tabangdongordanung.
Ara, sunci Edom mutuk taleamwe weik sienyi er yok dobtaleboka uk dabyi.
Ba, sici kibwe deyok aryi, ‘Niryi sunsi wenebkwan,’ eboka uram dobdeibse ara kum takwan.
Diba ati, Niryi sunsi wenebkwan.
2Niryi Moab atei dam asi uk dinibdongobkwan.
Ba, Keriot kurur akatei nirya uki kolom bukwande.
Moab nang ara uram doboka uram ilinto enmangnyi kankan aryi dibsekwaming.
Ordanmangiryi, buu uboka mot seboka kimangnyi kankan aryi dibsekwaming.
3Ani, Niryi sun Moab mutuk talen nang sun kankan aryi nirya oboka kum daneibkwan.
Ani, tonda akatei dam kuraming sien nang nirya oboka sun ab nirya obkiribkwan,”
eboka Er Iya Erebdobnyi biryi ato ebmou.
Sun Yehuda mutuk nang asi wenen dinyi dobdobkwamnyi ati ebmou uram deyok
2:4-5
4Er Iya Erebdobnyi biryi uram ato ebmou,
“Sun Yehuda mutuk nang aryi yu dinyi liki winiryi ukubiryok, bisiboka dumbaryi dinyi tabangdongordanung.
Ara, sunci Er Iya Erebdobnyi biryi, ‘Ukubdarur-ukuna mem,’ ebdeibmou uram asi diboka talernuruna kum kunung.
Tonda, Erci sunti yan memen uram ebdeibmou dinyi asi talernuruna kum kunung.
Eda, sunci tola-tola dinyi kwemdeina asi sun abwe yabwe moloramnyi dinyi asi eterebdandoka boboka waningminingdanung deyok aryi,
‘Niryi sunsi wenebkwan,’ eboka uram dobdeibse ara kum takwan.
Diba ati, Niryi sunsi wenebkwan.
5Niryi Yehuda atei dam asi uk dinibdongobkwan.
Ba, Yerusalem atei nirya uk kolom bukwande,” ebmou.
Sun Israel mutuk nang asi wenen dinyi dobdobkwamnyi nang ati ebmou uram deyok
2:6-16
6Er Iya Erebdobnyi biryi uram ato ebmou,
“Sun Israel nang aryi yu dinyi liki winiryi ukubiryok, bisiboka dumbaryi yu dinyi kurtabangdongordanung.
Ati, ‘Niryi sunsi wenebkwan,’ eboka dobdeibse dinyi ara kum taklobkwan. Diba ati sunsi wenebkwan.
Ara, sunci, ‘Co bok weik tabakdongoboka talebdobkwayeb,’ tenen ati, sun teleb dinyi kunuraming nang asi dobtaleboka co bok talen nang asi karenung. Ba, co bok talen nang wa irmilin nang kimnung.
Ani, sunci utotoa kum nang asi dobtaleboka yuk nang asi dengdonung.
A doronung co bok ara dengna weik kum doronung eda, yan karuk dengnaming kikib asi doronung.
7Ani, sunda mikib kum nang asi dirlina kum uca, deibloboka yan yanisitamnung.
Ani, sunci mambul kanya bon nang asi, ‘Sun yuk ur teleb kun dinyi ton ingkirikdobnung,’ tenen lordeirina ton kum kunung.
Ura, sun mabwe babyi, sun nai yabwe babyi sun ai wa irmilin ner asi borkiringnung.
Uca, Ni si teleb si ara malyi kimdongonunung.
8Ani, sunda utotoa kum nang ongon aling doamingnyi dinyi aryi, ninyi dama deirin keil dungna dam mem ai asi yangabdeiboka markirinung.
Ani, tonda sun co bok bobloamingnyi nang dinyi asi co anggur du yung uruboka deibdamingnyi bok,
ukula araboka dobmangnyi dinyi asi sun Nai Imtamnyi ai umbura dam yandoka yinung.
9Sunda ato kunung ara, Niryi sunti mar dobmiliboka sun urasin dam aryi Amori nang asi oboka kum daneibmase dinyi asi kanya teneirdena kum kunung.
Sun Amori nang nong nena cang ara co si aras kwalirande to kuboka nenung atei nang asi kum daneibmase.
Ba, sun mikib ara co tarbantin kat kurande ato kuboka bonung atei nang asi Niryi kum daneibmase.
Ara, Niryi akatei nang asi eitam kuboka co du mouanci asi du nirya kulurkweteraming to kuboka kum daneibmase.
Ani, outam kuboka yating dangdoraming ba, dokoka sangnande to kuboka kum daneibmase.
10Sunda Niryi Mesir mutuk dam aryi boyanansise.
Ba, sun yina mutuk dam kwalina 40 baryi bisik dam yangarandau talak ara Niryi menekoka boyangaransise.
Ara, sunci Amori nang mutuk nirya araboka kubkwandau ati kuransise.
11Niryi sun Israel nang kankan aryi dinatam deici nang asi Ni uram ermurun nang nabi nang erebdeibmase.
Ba, ton yuk deici nang ara wibdakoka, ‘Nira, mem-mema bol lirdena kum kubkwan,’ eanci tok talebnuruboka kunun nang deici kibdeibmase.
We Israel nang e, Niryi ato kubmase ebman dinyi ara dib ebman do, tola ebman do?”
eboka Er Iya Erebdobnyi biryi ato ebmou.
12Ura, Er Imtamnyi biryi ton ato ebmurubmou,
“Niryi ato enun bok, sunci mem-mema bol lin kum nang asi walina talen anggur du yung me yirkarendarur.
Ba, sunci uram kom eamingnyi dinyi dangbisinung.
Ani, Ni uram ermurun nang asi ato eboka bisik sengsinindarur:
‘Sunda aminda kunubkwande dinyi ati, kunurdeirirandumci uram erandum ara mem,’ eboka bisik sengminingdarur.
13A deyok aryi diba ati, Niryi sunsi yan yanibdarabkwansin.
Ba, sunda kongkong ena boyibarande bisam kuda aryi gandum du bobmaci ikin aryi utotoa ngaboka ourande to kubdeibkwansin.
14Ola cungyibaramingnyi nang ababyi cungyibindoka lemdarorbana kum kubkwaming.
Mikib kuranci nang ababyi sun mikib ara kum dankwande.
Ba, yin doun nang ara cukoka lemdarorbana kum kubkwaming.
15Yin sirik douramingnyi nang ababyi darabdongoboka tingna kum kubkwaming.
Yibana ola yibaramingnyi nang ababyi lemdarona kum kubkwaming.
Bisam kuda deici bukoka cungyibaramingnyi nang ababyi lemdarona kum kubkwaming.
16A uki tum ara ninyi mar bona ilil kum asa aryi mar kaibkaboka ibaranci yin don nang ababyi
sun ilil aryi nong baning dem cungdorbinkwaming,”
eboka Er Iya Erebdobnyi biryi ato ebdeibmou.
Currently Selected:
Amos Uram 2: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Amos Uram 2
2
1Ura, Er Iya Erebdobnyi biryi ato ebmou:
“Sun Moab nang aryi yu dinyi liki winiryi ukubiryok, bisiboka dumbaryi dinyi tabangdongordanung.
Ara, sunci Edom mutuk taleamwe weik sienyi er yok dobtaleboka uk dabyi.
Ba, sici kibwe deyok aryi, ‘Niryi sunsi wenebkwan,’ eboka uram dobdeibse ara kum takwan.
Diba ati, Niryi sunsi wenebkwan.
2Niryi Moab atei dam asi uk dinibdongobkwan.
Ba, Keriot kurur akatei nirya uki kolom bukwande.
Moab nang ara uram doboka uram ilinto enmangnyi kankan aryi dibsekwaming.
Ordanmangiryi, buu uboka mot seboka kimangnyi kankan aryi dibsekwaming.
3Ani, Niryi sun Moab mutuk talen nang sun kankan aryi nirya oboka kum daneibkwan.
Ani, tonda akatei dam kuraming sien nang nirya oboka sun ab nirya obkiribkwan,”
eboka Er Iya Erebdobnyi biryi ato ebmou.
Sun Yehuda mutuk nang asi wenen dinyi dobdobkwamnyi ati ebmou uram deyok
2:4-5
4Er Iya Erebdobnyi biryi uram ato ebmou,
“Sun Yehuda mutuk nang aryi yu dinyi liki winiryi ukubiryok, bisiboka dumbaryi dinyi tabangdongordanung.
Ara, sunci Er Iya Erebdobnyi biryi, ‘Ukubdarur-ukuna mem,’ ebdeibmou uram asi diboka talernuruna kum kunung.
Tonda, Erci sunti yan memen uram ebdeibmou dinyi asi talernuruna kum kunung.
Eda, sunci tola-tola dinyi kwemdeina asi sun abwe yabwe moloramnyi dinyi asi eterebdandoka boboka waningminingdanung deyok aryi,
‘Niryi sunsi wenebkwan,’ eboka uram dobdeibse ara kum takwan.
Diba ati, Niryi sunsi wenebkwan.
5Niryi Yehuda atei dam asi uk dinibdongobkwan.
Ba, Yerusalem atei nirya uk kolom bukwande,” ebmou.
Sun Israel mutuk nang asi wenen dinyi dobdobkwamnyi nang ati ebmou uram deyok
2:6-16
6Er Iya Erebdobnyi biryi uram ato ebmou,
“Sun Israel nang aryi yu dinyi liki winiryi ukubiryok, bisiboka dumbaryi yu dinyi kurtabangdongordanung.
Ati, ‘Niryi sunsi wenebkwan,’ eboka dobdeibse dinyi ara kum taklobkwan. Diba ati sunsi wenebkwan.
Ara, sunci, ‘Co bok weik tabakdongoboka talebdobkwayeb,’ tenen ati, sun teleb dinyi kunuraming nang asi dobtaleboka co bok talen nang asi karenung. Ba, co bok talen nang wa irmilin nang kimnung.
Ani, sunci utotoa kum nang asi dobtaleboka yuk nang asi dengdonung.
A doronung co bok ara dengna weik kum doronung eda, yan karuk dengnaming kikib asi doronung.
7Ani, sunda mikib kum nang asi dirlina kum uca, deibloboka yan yanisitamnung.
Ani, sunci mambul kanya bon nang asi, ‘Sun yuk ur teleb kun dinyi ton ingkirikdobnung,’ tenen lordeirina ton kum kunung.
Ura, sun mabwe babyi, sun nai yabwe babyi sun ai wa irmilin ner asi borkiringnung.
Uca, Ni si teleb si ara malyi kimdongonunung.
8Ani, sunda utotoa kum nang ongon aling doamingnyi dinyi aryi, ninyi dama deirin keil dungna dam mem ai asi yangabdeiboka markirinung.
Ani, tonda sun co bok bobloamingnyi nang dinyi asi co anggur du yung uruboka deibdamingnyi bok,
ukula araboka dobmangnyi dinyi asi sun Nai Imtamnyi ai umbura dam yandoka yinung.
9Sunda ato kunung ara, Niryi sunti mar dobmiliboka sun urasin dam aryi Amori nang asi oboka kum daneibmase dinyi asi kanya teneirdena kum kunung.
Sun Amori nang nong nena cang ara co si aras kwalirande to kuboka nenung atei nang asi kum daneibmase.
Ba, sun mikib ara co tarbantin kat kurande ato kuboka bonung atei nang asi Niryi kum daneibmase.
Ara, Niryi akatei nang asi eitam kuboka co du mouanci asi du nirya kulurkweteraming to kuboka kum daneibmase.
Ani, outam kuboka yating dangdoraming ba, dokoka sangnande to kuboka kum daneibmase.
10Sunda Niryi Mesir mutuk dam aryi boyanansise.
Ba, sun yina mutuk dam kwalina 40 baryi bisik dam yangarandau talak ara Niryi menekoka boyangaransise.
Ara, sunci Amori nang mutuk nirya araboka kubkwandau ati kuransise.
11Niryi sun Israel nang kankan aryi dinatam deici nang asi Ni uram ermurun nang nabi nang erebdeibmase.
Ba, ton yuk deici nang ara wibdakoka, ‘Nira, mem-mema bol lirdena kum kubkwan,’ eanci tok talebnuruboka kunun nang deici kibdeibmase.
We Israel nang e, Niryi ato kubmase ebman dinyi ara dib ebman do, tola ebman do?”
eboka Er Iya Erebdobnyi biryi ato ebmou.
12Ura, Er Imtamnyi biryi ton ato ebmurubmou,
“Niryi ato enun bok, sunci mem-mema bol lin kum nang asi walina talen anggur du yung me yirkarendarur.
Ba, sunci uram kom eamingnyi dinyi dangbisinung.
Ani, Ni uram ermurun nang asi ato eboka bisik sengsinindarur:
‘Sunda aminda kunubkwande dinyi ati, kunurdeirirandumci uram erandum ara mem,’ eboka bisik sengminingdarur.
13A deyok aryi diba ati, Niryi sunsi yan yanibdarabkwansin.
Ba, sunda kongkong ena boyibarande bisam kuda aryi gandum du bobmaci ikin aryi utotoa ngaboka ourande to kubdeibkwansin.
14Ola cungyibaramingnyi nang ababyi cungyibindoka lemdarorbana kum kubkwaming.
Mikib kuranci nang ababyi sun mikib ara kum dankwande.
Ba, yin doun nang ara cukoka lemdarorbana kum kubkwaming.
15Yin sirik douramingnyi nang ababyi darabdongoboka tingna kum kubkwaming.
Yibana ola yibaramingnyi nang ababyi lemdarona kum kubkwaming.
Bisam kuda deici bukoka cungyibaramingnyi nang ababyi lemdarona kum kubkwaming.
16A uki tum ara ninyi mar bona ilil kum asa aryi mar kaibkaboka ibaranci yin don nang ababyi
sun ilil aryi nong baning dem cungdorbinkwaming,”
eboka Er Iya Erebdobnyi biryi ato ebdeibmou.
@LAI 2007 (New Testament), @LAI2022 (Old and New Testament)