2Tesalonika Uram 1
1
Paulus biryi sun Tesalonika atei nang asi, “Teleb ni kwit yabwe,” eboka kibmou uram
1:1-2
1Nun kwit yabwe Tesalonika atei kurandum dib tenen nang, “Teleb,” ebmasib. Ni Paulus ab Silwanus ab Timotius ab aryi sun nun Nai Imtamnyi ab nun Du Yesus Kristus ab dam kundarur nang ati, “Teleb,” ebmasib.
2Nun Nai Imtamnyi ab nun Du Yesus Kristus ab aryi sunsi teleb kubdeiboka antanirdeirin dinyi karesina teleb.
Paulus biryi, “Sun Tesalonika nang ara tanglona kum uca dib tenerandum ati, nunci nun Nai Imtamnyi bisi, ‘Ei nun Nai,’ ena kikib,” ebmou uram
1:3-12
3Nun kwit yabwe, nunci tanglona kum uca nun Nai Imtamnyi si weik eboka, “Ei nun Nai,” ena ara kikib. Sun Tesalonika nang ara dib tenerandumci, tabakdongoboka-tabakdongoboka dib tenerandum ati, nunci nun Nai Imtamnyi bisi, “Ei nun Nai,” ena kikib. Tonda, sunci sun mamun asi boukwe weik kimdarandumci, tabakdongoboka-tabakdongoboka boukwe weik kimdarandum. A deyok aryi, nunci, “Ei nun Nai,” ena kikib. 4Sunci ato kurandum ati, nunci sun yuk atei-yuk atei nang aryi nun Nai Imtamnyi bisi dib tenenung nang ab ebdandoka sun Tesalonika nang asi kisal dangsibiryi, nunci nun kwit yabwe dib tenen nang asi sun kurandum to nungnamib. Ara, nunci sunsi ato eboka nungkarenub, “Sun Tesalonika nang ara tanglona kum uca dib teneraming. Ara, ninyi aryi, ‘Obkwayeb,’ tenen tuba-tuba domkiringmangnyi uca, mambul dinyi ilinto kurdeirinung bok, sun Tesalonika nang aryi tanglona kum uca dib tenenung.” Ato eboka nungkarenub.
5A dinyi nirya asi eibmabibiryok, nunci ato tenen bingnub. “Nun Nai Imtamnyi bira ninyi kanya nirya asi diboka lilirdeirisururnyi bira kikib tenen dinyi akwe karesurur. A dinyi ara laktoto kurur.” A deyok aryi, sirya kobdob uki tum berekci ura, nun Nai Imtamnyi biryi sun Tesalonika nang asi ato ebkwansir. “Ninyi aryi sunsi malyi kurdeiriransei bok, sunci tanglona kum uca Nisi dib teneranindau ara Ni bikman. Malyi kurdeiriransei bok, sunci tanglona kum uca dib tenerandau. Dib tenerandauci, sunci Nira Imtamnyi biti, ‘Erebdeibsici ura, Er Imtamnyi amwetam kun nang kibkwayeb,’ tenerandau ati Ni bikman. A deyok aryi, Niryi sunsi erebdeiboka Ni amwetam kun nang kibdeibkwansin.” Nun Nai Imtamnyi bira kikib tenen dinyi akwe karesururnyi biryi ato ebkwansir. 6Nun Nai Imtamnyi bira kikib tenen dinyi akwe karesurur. A deyok aryi, Erci sun malyi kurdeiriransing nang asi weneboka malyi kurdeirin dinyi tamubkarebkwande. 7Tonda, ninyi aryi malyi kurdeiriransingnyi nang asi Erci lebkwansir. Ara, nun Du Yesus imtam aryi kuboka Er mikib ab uk buk milil ato kankan aryi yuryangaci ura, Er uram eryuryangan nang mikib nang ilinto Ersi milibmangnyi ba, tamuryankwande tum aryi Erci sun ab nun ab tonkwa lebkwansir. 8Milil uk ato kankan yuryangaci ura, nun Du Yesus biryi sun Er Imtamnyi biti, “Nun li,” tenen nang asi bita wenebkwande. Tonda, sun nun Du Yesus biryi karebsou Teleb Uram kum kunuramingnyi nang asi Erci wenebkwande. 9Sun ato kuramingnyi nang ara nun Du Yesus biryi iya mambul dinyi takubdeiboka wenebkwande. Nun Du bira a nang asi yakdonokokabdiryi, sunsi ato ebkwande. “Nira Iya Mikibnyi ton Iya Leknyi urasintam kubmunyei bindobdarur.” Ato eboka Erci sunsi iya yakdonokwande. 10Nun Du tamuryankwande uki tum berekci ura, Erci ato kubkwande ati ebman. A uki tum berekmaci ura, nun Du Yesus biryi, “Er Imtamnyi biryi wibmou uca, teleb kun nang kankan aryi tiknyi ba, ninyi nirya aryi Ni si weik ebnunung,” tenen tamuryankwande. Tonda, “ ‘Nai e, nong e, nun Du Yesus sirya lemyanmasir,’ ebkwanunung,” tenen nun Du Yesus nun dam yuryankwande. Sunda Tesalonika nang ababyi nunci ebmurubmasoubwe uram dib tenerandau ati, nun Du Yesus biryi sunbabyi lebkwansir ati ebman.
11Ato teneibibiryok, nunci sunti tuba-tuba molormiliransib. Ati, “Nun Nai Imtamnyi biryi sunti, ‘Ni mabwe nermabwe,’ tenen nabmasou to, sunci Er Uram asi diboka kunubting,” tenen nunci sunti molormiliransib. Tonda, “Nun Nai Imtamnyi biryi Er mikib biriman aryi karebci uca, sunci dib tenen kanya boboka, ‘Teleb dinyi akwe ukubkwayeb,’ tenen kubkwaming.” Ato tenenubci, nunci sunti molormiliransib. 12Molormiliransibiryok, nunci, “Nun Du biryi karebmou uca, nun kwit yabwe tanglona kum uca dib tenenung ati, ninyi aryi nun Du Yesus si weik ena teleb,” tenenub. Tonda, nunci sunti, “Nun Du Yesus dam kun nang kunung ati, ninyi aryi sunsi kisal dangna teleb,” teneransib. Ara, ninyi aryi, “Nun Nai Imtamnyi ab nun Du Yesus Kristus ab aryi sun Tesalonika nang asi tanglona kum uca teleb kurdeiriransing,” tenen nun Nai Imtamnyi si ab nun Du Yesus Kristus si weik ena teleb.
Currently Selected:
2Tesalonika Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
2Tesalonika Uram 1
1
Paulus biryi sun Tesalonika atei nang asi, “Teleb ni kwit yabwe,” eboka kibmou uram
1:1-2
1Nun kwit yabwe Tesalonika atei kurandum dib tenen nang, “Teleb,” ebmasib. Ni Paulus ab Silwanus ab Timotius ab aryi sun nun Nai Imtamnyi ab nun Du Yesus Kristus ab dam kundarur nang ati, “Teleb,” ebmasib.
2Nun Nai Imtamnyi ab nun Du Yesus Kristus ab aryi sunsi teleb kubdeiboka antanirdeirin dinyi karesina teleb.
Paulus biryi, “Sun Tesalonika nang ara tanglona kum uca dib tenerandum ati, nunci nun Nai Imtamnyi bisi, ‘Ei nun Nai,’ ena kikib,” ebmou uram
1:3-12
3Nun kwit yabwe, nunci tanglona kum uca nun Nai Imtamnyi si weik eboka, “Ei nun Nai,” ena ara kikib. Sun Tesalonika nang ara dib tenerandumci, tabakdongoboka-tabakdongoboka dib tenerandum ati, nunci nun Nai Imtamnyi bisi, “Ei nun Nai,” ena kikib. Tonda, sunci sun mamun asi boukwe weik kimdarandumci, tabakdongoboka-tabakdongoboka boukwe weik kimdarandum. A deyok aryi, nunci, “Ei nun Nai,” ena kikib. 4Sunci ato kurandum ati, nunci sun yuk atei-yuk atei nang aryi nun Nai Imtamnyi bisi dib tenenung nang ab ebdandoka sun Tesalonika nang asi kisal dangsibiryi, nunci nun kwit yabwe dib tenen nang asi sun kurandum to nungnamib. Ara, nunci sunsi ato eboka nungkarenub, “Sun Tesalonika nang ara tanglona kum uca dib teneraming. Ara, ninyi aryi, ‘Obkwayeb,’ tenen tuba-tuba domkiringmangnyi uca, mambul dinyi ilinto kurdeirinung bok, sun Tesalonika nang aryi tanglona kum uca dib tenenung.” Ato eboka nungkarenub.
5A dinyi nirya asi eibmabibiryok, nunci ato tenen bingnub. “Nun Nai Imtamnyi bira ninyi kanya nirya asi diboka lilirdeirisururnyi bira kikib tenen dinyi akwe karesurur. A dinyi ara laktoto kurur.” A deyok aryi, sirya kobdob uki tum berekci ura, nun Nai Imtamnyi biryi sun Tesalonika nang asi ato ebkwansir. “Ninyi aryi sunsi malyi kurdeiriransei bok, sunci tanglona kum uca Nisi dib teneranindau ara Ni bikman. Malyi kurdeiriransei bok, sunci tanglona kum uca dib tenerandau. Dib tenerandauci, sunci Nira Imtamnyi biti, ‘Erebdeibsici ura, Er Imtamnyi amwetam kun nang kibkwayeb,’ tenerandau ati Ni bikman. A deyok aryi, Niryi sunsi erebdeiboka Ni amwetam kun nang kibdeibkwansin.” Nun Nai Imtamnyi bira kikib tenen dinyi akwe karesururnyi biryi ato ebkwansir. 6Nun Nai Imtamnyi bira kikib tenen dinyi akwe karesurur. A deyok aryi, Erci sun malyi kurdeiriransing nang asi weneboka malyi kurdeirin dinyi tamubkarebkwande. 7Tonda, ninyi aryi malyi kurdeiriransingnyi nang asi Erci lebkwansir. Ara, nun Du Yesus imtam aryi kuboka Er mikib ab uk buk milil ato kankan aryi yuryangaci ura, Er uram eryuryangan nang mikib nang ilinto Ersi milibmangnyi ba, tamuryankwande tum aryi Erci sun ab nun ab tonkwa lebkwansir. 8Milil uk ato kankan yuryangaci ura, nun Du Yesus biryi sun Er Imtamnyi biti, “Nun li,” tenen nang asi bita wenebkwande. Tonda, sun nun Du Yesus biryi karebsou Teleb Uram kum kunuramingnyi nang asi Erci wenebkwande. 9Sun ato kuramingnyi nang ara nun Du Yesus biryi iya mambul dinyi takubdeiboka wenebkwande. Nun Du bira a nang asi yakdonokokabdiryi, sunsi ato ebkwande. “Nira Iya Mikibnyi ton Iya Leknyi urasintam kubmunyei bindobdarur.” Ato eboka Erci sunsi iya yakdonokwande. 10Nun Du tamuryankwande uki tum berekci ura, Erci ato kubkwande ati ebman. A uki tum berekmaci ura, nun Du Yesus biryi, “Er Imtamnyi biryi wibmou uca, teleb kun nang kankan aryi tiknyi ba, ninyi nirya aryi Ni si weik ebnunung,” tenen tamuryankwande. Tonda, “ ‘Nai e, nong e, nun Du Yesus sirya lemyanmasir,’ ebkwanunung,” tenen nun Du Yesus nun dam yuryankwande. Sunda Tesalonika nang ababyi nunci ebmurubmasoubwe uram dib tenerandau ati, nun Du Yesus biryi sunbabyi lebkwansir ati ebman.
11Ato teneibibiryok, nunci sunti tuba-tuba molormiliransib. Ati, “Nun Nai Imtamnyi biryi sunti, ‘Ni mabwe nermabwe,’ tenen nabmasou to, sunci Er Uram asi diboka kunubting,” tenen nunci sunti molormiliransib. Tonda, “Nun Nai Imtamnyi biryi Er mikib biriman aryi karebci uca, sunci dib tenen kanya boboka, ‘Teleb dinyi akwe ukubkwayeb,’ tenen kubkwaming.” Ato tenenubci, nunci sunti molormiliransib. 12Molormiliransibiryok, nunci, “Nun Du biryi karebmou uca, nun kwit yabwe tanglona kum uca dib tenenung ati, ninyi aryi nun Du Yesus si weik ena teleb,” tenenub. Tonda, nunci sunti, “Nun Du Yesus dam kun nang kunung ati, ninyi aryi sunsi kisal dangna teleb,” teneransib. Ara, ninyi aryi, “Nun Nai Imtamnyi ab nun Du Yesus Kristus ab aryi sun Tesalonika nang asi tanglona kum uca teleb kurdeiriransing,” tenen nun Nai Imtamnyi si ab nun Du Yesus Kristus si weik ena teleb.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)