Mika 1
1
1Jihova die Juda kediko Jotham, Ahaz mu Hezekia teiki Moreshet-u Mika ki kevor, sünu puoe Samaria mu Jerusalem la mha ngu.
Samaria Kepetsou Pesikeshü
2Rünyüliecie, nie themia peteko;
rünyüliecie, he-i kijüu, tsiu sünu keba pete;
sidi Niepuu Jihova bu nie petsoukecü zhapu chüshülie,
Niepuu puo kemesa rüsuoki nunu pushü.
3Kekreilamonyü, harie Jihova puo chüu nunu vorzhie,
sidi tsur kijü nu thechü kerükrieko kedewatuo.
4Puo khronu kijüthouko zetatuo,
mu razhako mepfhibuoe mi khieki kevo tuoi zhatatuo,
tsiu puo he geinu dzü pekrukeshü tuoitatuo.
5Hako pete Jakob kejokemou la,
siro Israel kikru kephoumako late.
Jakob kejokemoue kikecüpuo ga?
Süu Samaria mo üme?
Siro Juda thechü kerükrieu#1:5 Ibri Thechü kerükrieko kiko. kicüpuo ga?
Süu Jerusalem mo üme?
6Süla ae Samaria chüpie phouyo nu mha kepupie,
khube pelhouketuo lie chüwatuo,
a puo ketsieko lapie razha nu shüwatuo,
sidi puo mvüdzeko hielashütuo.
7Puo terhuorhi chükelie pete vütshie phawatuo,
puo zhakhrükelie pete mi nunu thewatuo,
mu puo rhuomiarhi pete ae pekawatuo;
kekreilamonyü puo thethenumia zhakhrükelie mhie uko pfhü kengukelie la,
mu thethenumia mhakra mhie uko se sükemhie chü latuo.
Juda Nadiu Kepeka
8Hau la a thekrü chü tsiu kratuo;
a phithuo mu methuo di tuotuo;
a meseruko tuoi ruotuo,
tsiu ostrik tuoi ruo tuotatuo.
9Kekreilamonyü puo rüzapfüu#1:9 Gk Syr Vg: Ibri Rüzapfüko. chü kemenelie kenjüte,
süu Juda nu vorte;
süu a themiako kharu nu Jerusalem ketso rei vorte.
10Süu pie Gath nu pu hie,
kra hie zocie;
Bet-leafra nu nyophe nu rütoucie.
11Nie cha nu volie,
Shafir nu kelhouko,
methuo mu menga di;
Zanan nu kelhouko tuo parlie mote.
Beth-ezel krazhie,
sidi puoe n yapie kethau n ki nunu khawatuo.
12Kekreilamonyü Marot nu kelhouko mha keviu merüsiei vor,
sirei Jihova kinu kepekau Jerusalem kharu nu tsurte.
13Lakish nu kelhouko;
kier se vo kierbagei gei phaliecie,
süu Zion nuopfüko gei keshü kephouma kerieuta zo.
Kekreilamonyü Israel kephouma n geinu ngulieketa la.
14Süla noe kekhoketa nunu mha methuo khapie Moreshet-gat tsütuo;
Israel kediko mhodzüki Akzib kinukoe mia se kedakecü puota zotuo.
15Maresha nu kelhouko:
kuolieyakezha puo a se la vor nie tsütuo;
Israel zayie Adulam nu vortuo.
16No tsüpie chütalie mu n tsütha bewaliecie,
no khrieyakecü nhicuko la,
tsüü tuoi n tsü bu pie tseitalie,
kekreilamonyü ukoe n ki nunu miadie chü votakecü la.
Currently Selected:
Mika 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More