Mika 2
2
Krotho Kesuo Meliekewa
1Themia u zhü geinu kerüzhü le
mha kesuo chüyakezhamia we ce, chülietie!
Teisotie vorlie ro, uko süu chüya,
kekreilamonyü süue uko kekuo nu bakecü la.
2Ukoe lieko mehouya, sidi süko telieya;
ki rei, sidi süko chüsetaya;
ukoe ki niepumia mu ki,
themia tsiu süko kayieko rei pesetaya.
3Süla Jihovae puya:
Tsie, a kikru hau petsou di mha kesuo rhüzhie,
sünunu niekoe nie vo kereilie kenjütatuo;
tsiu kerüzha di tuolie motatuo;
kekreilamonyü süu teisozha kesuo puotatuo.
4Teisozha sünhie uko n pehekecü tsali chütuo,
tsiu thekrü chü di kra phituo,
sidi sie, “Hie pekaperuowate;
Jihovae a themiako kayieu kediwate;
kimhie di puo a kinu süu chü kediwa shi!
Hie tekelieko donunu#2:4 Cn: Ibri Mha kepetsouu. hie lieko kezawate.
5Süla Jihova kehou nu miapuorei bu n la dape di therieu rhie lhote.
6“Petha hie,” idi ukoe pethaya,
“Mha sikecü uko bu pu hie;
thengau u gei vorlie lho,” iya.
7He-i Jakob kiu, mha hau pulie vi me?
Jihova shügeshühiekecüu tseita üme?
Mha hako puo mhatho me?
A dieko kemezhü cha nu ketuomia gei mha kevi chüshüya mo üme?
8Derei nieko ngumvümia tuoi sier a themia#2:8 Cn: Ibri Derei ndu a themiako sie. petsoute;
noe kezevi bakecü donunu,#2:8 Cn: Ibri Pfhemenei mhodzünu.
terhü vorketuo pele moto tuokecüko donunu uko pfhenei lhewa.
9A themia thenupfüko u neisieikecü kiko nunu nieko uko whuowate;
uko nuonuoko geinu a zapuzayieu kechachie la chüsete.
10Sielie di tuotalie;
kekreilamonyü haue rüleichü mo,
chü perhuwakecüue kemeriekecü kepeka se pekawate.
11Mhanuü mia puoe meda di kemethuo die pu tuota,
sidi sie, “A nieko ki khubezu mu zu kekuo dze pushütuo,”
siliro süue themia hako la kepethamia puota zotuo!
Israel Lhiepie Kebako la Phrakeshüu
12He-i Jakob, a nieko pete ze la vorshü zotuo,
a Israel lhiepie kebako kengu lashü beituo;
a nieko kengupie tekuokro tuoi,
thukro nha kepejo nu ketuo tuoi lashütuo;
uko themiako ze mhapfhe chüshütuo.
13Themia mha bietshebietshashüyakezhau uko mhodzü khotuo;
uko pfüpha pratuo sidi kharu nu pratatuo,
süu ze pratatuo.
Uko kediu uko mhodzünu tuotuo,
Jihova uko mho batuo.
Currently Selected:
Mika 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More