Jeremia 1
1
1Jeremia, Hilkia nuou, Benjamin kijü Anathot nu zievoko mia puo die; 2Amon nuou Josia, Juda kijü nu dikelie cie kerese cie, Jihova die puo ki vor. 3Süusü Juda kediu Josia nuou Jehoiakim teiki rei vor, mu Juda kediu Josia nuou Zedekia dikecü teicie kerepuo thela, khrü pengouu nu Jerusalem ze miadie chü voketa ketso.
Jihovae Jeremia Kekie mu Ketsekeshü
4Siro Jihova die a ki vor di sie,
5“Ae n zuo va nu n rhikelie mhodzü a n si,
tsiu n penuokelie mhodzü a n chü kemesaliete;
a n bu seyieko ki siedzekesimia puo chütuo üdi petholiete,” si.
6Sitse ae sie, “He-i Niepuu Jihova! A die pulie si mo ketho zo, a nhicumia puo zoluoe,” si. 7Derei Jihova a ki,
“A nhicumia puo zoluoe, sikecü pu hie,
kekreilamonyü noe a n ketsekeshü pete ki vo zotuo,
tsiu a n ki diekhakeshü pete no pu zotuo.
8Uko prei hie,
a n kelalieketuo la n ze tuo zocü la,
Jihovae siya.”
9Süsie Jihovae puo dzie yhapie a tie nyüshü, sidi Jihovae a ki,
“Tsie a dieko pie n tie nu shüshüte ho.
10Harie, thie a n pie seyieko mu kedirüvieko mho shüwate,
phewa mu shükhrüwa,
pekawa mu kelhouwa,
tsiu chüshü mu pelhoushüketuo la,” ita.
11Siro Jihova die a ki vor di pukecü, “Jeremia, no kedipuo ngu ba ga?” Sitse A sie, “A almond seico#1:11 Ibri Shaqed. puo ngu balie.” 12Sitse Jihova a ki, “No ngu touta zo, kekreilamonyü a a dieu chüshütuoü süu meho ba,” si. 13Süsie Jihova die va kenieu a ki la vor di sie, “No kedipuo ngu ba ga?” si. Sitse a sie, “A gali mekhrokeba puo ngu ba, süu pesotsa nu rülhi kekreitsa va ba” sishü.
14Sitse Jihova a ki: Pesotsa nu kepeka par di kijüu nu ketuo themia pete gei votuo. 15Kekreilamonyü a tsie pesotsa kedi seyieko pete kieshütuo, Jihovae siya; mu ukoe vortuo, sidi uko pete u kediba chüpie Jerusalem kharuko nu shülie di, sü khieümhoura dahouko pete, tsiu Juda nadiko pete petsoutatuo. 16Sidi a uko petsou di uko dienya kecütuo, süusü uko rügerüzhü di ukoe a khakegewatacü la, sidi uko ruosuo chüpie terhuo kekrei tsü, mu u thuo u dzie mhatho rüsuo tuote. 17Derei no we n chie phalie, sielie, sidi a n ki diekhakeshü pete se uko ki pushülie. Uko mhodzünu tetsuta hie, moliro a uko mhodzünu n pekrüshütuo. 18Kekreilamonyü a kitsa nu n bu kijü perhieketuo la n chüpie dahou baketa nadi puo, thegi pie kechü co puo, tsiu mese pie kechü sozha puo chüshüte, Juda kediko, kedinuoko, zievoko, mu kijü nu themianuoko, petsoulietuo üdi. 19Ukoe n perhietuo; derei uko n penyülie lho; kekreilamonyü n kelalieketuo la a n ze tuo zo, Jihovae siya.
Currently Selected:
Jeremia 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More