Jeremia DIETHERIE
DIETHERIE
Jeremia siedzekesiue teicie krie thenie thela ki mu krie sorou B.C. therieki lhou. Puo mhakechü teiki Ukepenuopfü themiako gei siazha vorketuo puoe pesishü, kekreilamonyü ukoe terhuorhi rüsuo mu phoumakecü la. Jerusalem-e Babilon kediu Nebukadnezar bu pekawa, nadiu mu Rüsuokiu sa di, siro Juda kediu mu themia kekra teze Babilon nu voketa geinu pedzüperie puo thuo pukeshüko chü vorketa puo mhipie ngu touwa. Puo miadie chü voketako la vorlieketuo mu seyieu pie lasielieketuo rei sa pedzü pushü.
Jeremia leshüu hakemhie di kezashü: (1) Jeremia kekie. (2) Ukepenuopfü die Juda seyieu mu puo kezhako, Josia, Jehoiakim mu Zedekia kedi kechü teiki kevorko. (3) Jeremia kekhruohi, Baruk mha thupie ketuoko ngukelie huo nunu mu siedzedieko mu Jeremia gei mhachüketa kemeyieko. (4) Seyie kekreiko la Jihova die kevor. (5) Jerusalem tetsuketa mu Babilonmia die chü voketa dzeüseko.
Jeremia puo themiako khriethorcü puo, süla puo themiako gei siazha khashüketuo rei pu mecü se. Thuthe kekra nu puo noukesuo pfü kemezhie se, Kepenuopfü puo kiepie siedzekesimia puo chükeshü rei Jihova die puo melou nu mi kemhie puo süu khase balie kenjü zo.
Leshüdau nu die kezhatho huo sü Jeremia mezhie teiu nunu vo dietseidiekho kesa lakelie nhie ketso, Kepenuopfü themiakoe u kepethamia bu u tarho la sa motatuo, kekreilamonyü sükoe uko melou nu thupie tuowatuo (31:31-34).
Ngulieketuo
Jeremia kekie 1:1-19
Josia, Jehoiakim, Jehoiakin mu Zedekia kedi teiki siedzedieko 2:1—25:38
Jeremia kelhou nu mhachüketa 26:1—45:5
Seyieko kepetsou siedzedie 46:1—51:64
Jerusalem tetsuketa 52:1-34
Currently Selected:
Jeremia DIETHERIE: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More