Efesako 1
1
Kelukeshü
1Ukepenuopfü medo la, Jisu Khrista apostel chükelie Paul-e thupie Efesa nu kemesako mu Khrista Jisu nu dietho kebako ki keshü:
2Ukepenuopfü u Puou tsiu Niepuu Khrista Jisu bu ngukemezhie mu noune khapie nieko tsücie.
Khrista nu Ruopfü Thejako
3Khrista nunu teigei ruopfü theja neiüko pie u ketsüu Ukepenuopfü u Niepu Jisu Khrista-nuo Puou bu thejapfükelieu chüliecie, 4puoe u khrie di u bu puo mhodzüki mesa mu kejo jülieketuo la kijü hau chükelie mhodzü Khrista nunu u kedaliete. 5Puo thuo puo medo kevi ki ze Jisu Khrista geinu u peviepie puo nuonuo chüliete, 6puo ngukemezhie zayie la, thetshe se puo Khrieu geinu mha methuo kha u ketsüu tsülie khe. 7Puo u ngumezhiethorkecüu nunu puo zie pie u rhalie di u kejokemouko vashü, 8sidi puoe süu pie u ketshukelhuo chüshüte. Siro mhasi mu kesikele neiüko geinu, 9puo mharhü keviepieketuo Khrista geinu keba puo nei puo medo keviko thashü u kie, 10süusü puotei tsokelie ki chütuo üdi rhüpie ketuo, puo geinu mha pete teigei ketuoko rei mu kijü ketuoko rei teshü kesapie puo chülieketuo la zo; 11Khrista geinu we theka rei ngulie, sietsenu rhüpie ketuo tuoi puo thuo puo mharhü mu keleu medzi di mha pete chü tseishü. 12Sidi we, Khrista gei kemerü baketa keriemiako bu, puo zayieu tshe di lhou tuolieketuo la. 13Süla nie rei puo geinu, nie ketho dieu rünyülieketako, süu nie kelakelie dieliekeviu mu puo pelelieketako phrapie kezhü Kemesa Ruopfüu nie gei zasi vüliete; 14süusü u rhapie Ukepenuopfü themia chükelie lhiteu zo, puo zayieu tshelieketuo la.
Paul Kecha
15Niepuu Jisu gei nie kepele bakecü mu nieko kemesako pete khrieyakecü a sishüte, mu hau la 16a kechako nu nieko rükrakecü ki a nieko la kethezie khashü motaya mo. 17Nie puo sikelie ze di u Niepu Jisu Khrista-nuo Puou, zapuzayie kechü Puou bu mhasi mu sikelie ruopfü kha nie tsükelieu sü a kecha zo, 18sitse nie melou mhiko chü pezielietuo, sidi nieko bu nie kiekelie kemerüu, puo kayie vi zapuzayie kechü kezha kemesako donu keba kikecüpuo shicü silietuo, 19mu we puo pelekecüko gei puo kekuo kidepuo zha di mhachü baya shikecü silietuo. 20Ukepenuopfüe kekuo hau se kesia nunu Khrista chü perheilie di puo bu teigei puo zatsa bate, 21sidi puo bu mha kekhayakezha siro kekuo kenyi tsiu kekuo mu kedi kechü pete mho shü, mu theza peteko mho zhakuokecü theza puo se tsiedo kelhouko rübei zomonyü thiesie kelhou teiu nu rei sa. 22Siro puo mha pete pie puo phi khro shüwate mu puo bu kehouu la mha pete mho bate, 23süusü puo mo-u, puo tshukepfü süu thuo mha pete tshupfü bate.
Currently Selected:
Efesako 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More