Efesako DIETHERIE
DIETHERIE
Paul leshü thupie Efesako ki keshü nounyütho-u sü “Ukepenuopfü mharhüu: Mhachükelie pete, teigei ketuo mu kijü ketuoko pete rei, Khrista bu puo tsü chü di keze puo chüketuo la zo” (1:10). Mharhü kezha hau la themia pete bu keze puo chü lhou mu Khrista ze puo chü balienu di Ukepenuopfü themiako ki chakeshü puo. Efesa leshüu therietsa thupie ketuo Ukepenuopfüe puo themiako kedapie keze puo chükecüu pie diebo chü mu kimhie di Niepuu Jisu Khrista geinu themiako kejo vapie tsüshü mu uko kephoumako nunu u pha phreishü shikecü tsiu Ukepenuopfüe puo Kemesa Ruopfüu geinu pukeshü hau chü kemeteishüwatakecü dzeko thushü. Leshüu thelatsa kephrümiako bu Khrista geinu keze puo chü di lhoulieketuo hau uko kelhouu keze puochü kethokecü nunu thashünu cha.
Puorhi keniekese se thakie chü di Ukepenuopfü kepeleko Khrista ze puo chü keba pushü: Kehouu themo puo kemhie mu Khristae puo tsüu, morei ki puo kemhie Khristae puoke nu tsieu chü; morei mianupfunuo puo kemhie, Khrista bu puo nupfu chü di kemejüshü. Leshü hau kethuue Khrista geinu Ukepenuopfü ngukemezhieu lekeshü geinu puoe puo hükelie ki ze thu pevikuo vota. Mha pete rei Khrista kekhrieu, ruosuo kechü, vapie tsükecü, ngukemezhie mu kemesa geinu ngu di thushü.
Ngulieketuo
Kelukeshü 1:1-2
Khrista mu Kehouu 1:3—3:21
Khrista geinu kelhou kesa 4:1—6:20
Theladie 6:21-24
Currently Selected:
Efesako DIETHERIE: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More