Rommiako 16
16
Kelukeshü
1A nie ki u üpfü Foibe, Kenkria nu dikon#16:1 Moro liethopfü. chüyakezhapfü zhapu chüshüya, 2nieko puo üse Niepuu kitsa ketuomia üdi puo zeliecie; kemesako sikecü mese, mu nieko puo tsopfhü ki mhakehoupuo nu rei puo khruohiliecie, kekreilamonyü puo themia kekra mu a zorei vaphi seyakezhapfü puo zo.
3A ze kedziese di Khrista Jisu lietho chüyakezha Priskila mu Akila nie kelushü ho, 4unie a la unie phou rei khashütuo üsie zo, a rübei monyü Judakemoko kehou pete rei unie pezieya ho. 5Siro unie ki nu kehouyakezhako rei kelushü ho. Mu a khrieu Epaineto rei kelushücie, puoe Asia nu Khrista pelelie kerietho-u.#16:5 Gk Puosi kerieu. 6Maria rei kelushücie, puoe nieko la thehiechü phi. 7A seyiemia mu a ze kedie kechü Adronika siro Junia unie kelushücie, unie apostelko donu rei therhukepfümia, mu unie a mhodzü rei Khristamia chüketamia. 8Ampliata rei kelushücie, u Niepuu kitsatie a khrieu zo. 9Khrista kitsa kere lietho chüyakezha Urbano mu a khrieu Staki rei kelushücie. 10Khrista kitsa va kethoketau Apele rei kelushücie. Aristabulo kikruu rei kelushü ho. 11A seyiemia#16:11 Moro a ramia. Herodion rei kelushücie. Niepuu kitsa tuoketa Narkiso mu puo kinuko kelushücie. 12Niepuu kitsa lietho chüyakezha Trifena mu Trifosa unie kelushücie. Thekhriekepfü Persi rei kelushü ho, puo Niepuu la thehiechü phi zo. 13Niepuu la kedakelieu Rufu rei, mu puo zuo rei, puo a zuo rei sa zo, unie kelushücie. 14Asinkrito, Flego, Hermes, Patroba, Herma mu süko ze keba u zeko rei kelu phreshücie. 15Filologu mu Julia, Nerio siro puo üpfü, mu Olimpa, siro süko ze keba kemesako pete kelu phreshücie. 16Kemesako kemebokecü zho se nieko huoniehuo kelushücie. Khrista kehouko pete nie kelushü ho.
Tarhokeshü Die
17A siezedzürieko,#16:17 Gk Siezedzürieko. nie pfükho mu thephi kemesü chüyakezhako, tsiu nie pethapfülieketau petsouyakezhako la balie mu therhie zolienu nie tarhoshüya. 18Kekreilamonyü siyakezhamia u Niepu Khrista lie chü monyü u thuo u va lietho chükezha zo, mu süko die pu pesikhuoi mu mha kese die pu di miamoko nou se ketsiwaya. 19Nieko dieze chüyakezha, mia pete site, a rei nieko la a nei ba, a nieko bu mha kevitsa la mhasilie nyü, derei mha kesuotsa we si kemopfü chü zo nyü. 20Noune Kepenuopfüe pecha mo di Satan penyüpie nie phikhroshüwatuo. U Niepu Jisu ngukemezhieu bu nieko ze baliecie.
21Timothi, a dzieseu nieko kelushü ho, siro sütuoi a seyiemia#16:21 Moro a ramia. Lukia, Jason mu Sosipater rei sishü ho.
22Leshü hau thukeshüu, a Tertio, rei Niepuu za nu nieko kelushü ho.
23A puo so chü keba Gaya mu puo kinu kehouyakezha kehouu rei nieko kelushü ho; Erasta, rüna kinyikeseu, siro u zeu Kouarto rei nieko kelushü ho. 24Niepuu Jisu Khrista ngukemezhieu bu nieko ze baliecie. Amen.
Ketshe mu Kecha Thelau
25Ukepenuopfü nie chüpie nie kepele nu, a dieliekeviu mu Jisu Khrista dze pukeshü, thiedzü keviepieketuo die kesou pie u pekiekeshüu nunu nie bu metei thalietuo, 26derei tsie we kechachie Kepenuopfü diekhakeshüu la siedzekesiko leshüko geinu süu si kemecielie di mia bu kepele dieze chülieketuo la pupie Judakemomia peteko pesishüwate, 27puo rübei mhakesi Ukepenuopfü, bu Jisu Khrista geinu kechachie zayie chücie. Amen.
Currently Selected:
Rommiako 16: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More