Mathi 22
22
Nuyie He pie Kedievikeshü
(Luk 14:15-24)
1Süsie Jisu dieviko pie themiako ki pu la di sie, 2“Teigei kedi-e kedimia puo puo nuou la nuyie he puo kesekelie mhie zo. 3Siro puoe puo kituoko ketsepie theheu nu vornu di kiepie kebako kie, derei süko vor nyü mota. 4Süsie puo kituo kekreiko ketse la di sie, ‘Kiepie kebako ki hakemhie pushülie; a theheu kesepie bate, a thudo mu a ri puo phou kevithoko bieliete; mha peteko kesepie bate; nuyie heu nu vorcie,’ sishü. 5Derei uko die süu le kemedza di u mhathoko nu vo phreta, mia puoe puo lie nu tsuta, kekreiu puo lhithotsa vota, 6siro kekreiko puo kituoko telie di süko bie kezhase, mu süko dukhriwa. 7Sitse kediu puo nou meyie phita. Süla puoe puo rüpfhünuoko ketsepie mia kedukhri süko dukhriwa mu uko nadiu thewa. 8Süsie puo kituoko ki, ‘Nuyie he kesepie bate, derei kiepie kebako vorlie sü mote. 9Süla nieko chapfüchaüko nu vo di themia ngukelie khe kiepie nuyie he nu vorliecie,’ sishü. 10Süla kituoko chapfüchaüko nu vo themia ngukelie khe, kevi rei kesuo rei, ze vor kengulie; sidi u phreimia bu vor nuyie kiu ketshu chülie.
11“Derei kediu puo phreiko mehotuoü le tse mia puo nuyie pfhenei se mo di vor keba ngulie. 12Sitse puo süu ki, ‘Kezeu, no kidi nuyie pfhenei se mo di hanu ler ba ga?’ Sitse themiau die pulie kenjüta. 13Süki kediue chalieko ki, ‘Nieko puo phi puo dzie phalie di kelhoupie chazou kezei nu shüwacie; sünu kra mu u hu thegeipie batuo.’ 14Kiepie keba we kra, derei kedakelie we tsacü la.”
Khezhanuo Kekhruo Dze Ketsokecü
(Mark 12:13-17; Luk 20:20-26)
15Süsie Farisiko keze vo di puo die nunu puo tekelie rhü di kerüchü. 16Sidi süko Herodmiako sa di ukoe pethakelieko ketsepie puo ki shü di sie, “Kepethau, no ketho nunu Ukepenuopfü zho pie pethaya, mu no miapuorei rhu pekreiya mokecü hie si; kekreilamonyü no mia puo gei rei n nei si kreiya mokecü la. 17Süla no kedipuo le shi, se hieko ki puthie. Khezhanuo khruopie Kaisar tsükecü puotou mo mo ga?” 18Sirei Jisu uko noudo kesuo silie di sie, “Ketherakezhako, nieko kiüdi a kedoya ga? 19Khezhanuo priesa puo pie a pekiecie!” Sitse uko denari puo se vorshü. 20Ru puo sie uko ki, “Hau supuo miarhi mu supuo za ga?” 21Uko sie, “Kaisar zo.” Sitse puo uko ki, “Kaisar vieko pie Kaisar tsüwalie, mu Ukepenuopfü vieko pie Ukepenuopfü tsüwalie.” 22Uko die hau sikeshü ki uko ngota; mu uko puo khawa di tuota.
Rheilakesie Dze Ketsokecü
(Mark 12:18-27; Luk 20:27-40)
23Sünhie Sadukiko mia huo kesiamia rheilasielie kelho#22:23 Leshü kewe huo nu ro rheilakesie jüüyakezhako. pu di vor puo ketso di sie, 24“Kepethau, Mosa hie ki, ‘Mia puoe puo nuo jü di siata ro, puo siezeu bu puo kimia lie di puo dzürieu yie pelhoucie,’ isi. 25Siro hie donu siezedzürie kechü thenie tuoya ru therieu thenu lie, mu puo nuo jü di siata, sidi puo kimia bu puo siezeu ze lhou. 26Siro mia kenieu sükemhie chüta mu seu rei, si zo vo thenieu tso. 27Sidi thela nu thenupfü rei siata. 28Di siro, kesiamia rheilakesie nhie, süpfü mia thenieko supuo kimia chü ta? Uko pete puo lie phre zeru.”
29Jisu uko die kela di sie, “Nieko kekrü, kekreilamonyü nieko kethodieko mu Ukepenuopfü kekuou rei siya kemo la. 30Kekreilamonyü rheilakesie ki thenu lie morei nyhü reiya mo, derei teigeidieliemia mhietaya. 31Siro kesiamia rheilakesietsatie zowe, thiedzü Ukepenuopfü nie ki, 32‘A Abraham Kepenuopfü, Isak Kepenuopfü, mu Jakob Kepenuopfü,’ isi pie kezhü nie phrü mo zo me? Puo kesiako monyü kerheiko Kepenuopfü zo.” 33Themia krodiu hau sishü tse, puo kepetha die la u ngota.
Diekhakeshü Kezhatho-u
(Mark 12:28-34; Luk 10:25-28)
34Siro Farisiko puoe Sadukiko die va pejükewa silie di vo kengulie, 35sidi süko donu thezhokesimia puoe puo kedotuoü mha ketso di sie; 36“Kepethau, thezho-u nu diekhakeshü kiu kezhatho ga?” 37Sitse Jisu sie puo ki, “ ‘No n melou pete se, mu n kerheiro pete se, mu n nou pete se Niepuu n Kepenuopfü khrietuo.’ 38Hauha diekhakeshü kezhatho-u mu kerietho-u zo. 39Siro kenieu ro: ‘N siezanuomia khriepie n thuo n kekhrie mhietuo,’ isikecüu zo. 40Thezho-u pete mu siedzekesiko rei diekhakeshü hanie geinu khepfü phre ba zo.”
Khrista Dze Ketsokecü
(Mark 12:35-37; Luk 20:41-44)
41Siro Farisiko vor kengu ketha nu, Jisu sie, 42“Nieko Khrista dze kedipuo le ga? Puo supuo nuo ga?” idi uko ketso. Sitse uko sie, “David nuou zo.” 43Sitse puo la sie, “Siüro, kimhie di David-e Ruopfüu nunu puo üse, Niepuu üdi kie di sie,
44“ ‘Niepuu sie a Niepuu ki,
“A n ngumvümiako khapie n phi khro shüwa kemochie no a zatsa ba zocie,” ’
isi ga? 45David süki puo üse Niepuu üdi kie liro, siro kimhie di puo nuoü lalie vituo ga?” 46Sitse miapuorei puo die kelalie kenjüta, mu sünhie yawinu miapuorei mhapuorei pie puo ketso sa michieta.
Currently Selected:
Mathi 22: ANBRBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
