Timothi Kerieu 2
2
Kecha kechü Dze Tarhokeshü
1A therie nu tarhoshü kenyüu ro mia pete la cha di u mezhie pu rükhruo mu meheimelo, siro kethezie sashülienuya, 2kediko mu kezhako pete la rei, silie ro we tshüimhiei di ketho chü Ukepenuopfü khrüprei nu lhoulietuo. 3Hauha u Kelakelieu Ukepenuopfü mhodzüki zivi mu lielie sü, 4puo medoe themia pete bu kelalie mu ketho mhasiu nu vorlieketuou zo. 5Kekreilamonyü Ukepenuopfüe puo rübei zo;
Ukepenuopfü mu themia donu ketha rei puo zo,
süu themia chüketa, Khrista Jisu zo,
6mia pete rhalieketuo la puo thuo puo phou khashü,
puotei tou ki hau zhapu chüshü. 7Hau la a kedapie zhapumia mu apostel chülie (A ketho-u puya,#2:7 Leshü kewe huo nu Khrista nu icü sa. a meda mo zo) kepele mu ketho-u la Judakemomia kepethau zo.
8Siro a thepfumia bu kehourapuorei noupfhünouyie se mo mu keprülita mo di kemesa dzie yhapie chakecü a nei; 9sütuoi thenumia bu rei u keseu se tou tsiu u nou mesamezhü di u tsütha chie doneiü chüpfü mu suna morei cü puoma kerepfüko morei pfhemenei puoma kerethoko se monyü puotou se u ketso menuo tuocü a medo zo, 10sirei Ukepenuopfü khrieürhukezhamiapfü we mhatho keviko chücü u vazhü. 11Thenumia bu menenuoi mia khrükhro ba tsei di mhasilie. 12A thenumia#2:12 Moro kimianuo. bu mia petha morei thepfumia#2:12 Moro nupfu. mho kekuo sekecü a kele mo; derei u bu kemekrie balie. 13Kekreilamonyü Adam chü rie di Iv chülie; 14sizomonyü Adam sewa mo, derei thenupfü sewa di kejo chüwata zo. 15Sirei thenumia u nou kemezhü se di kepele tsiu kekhrie mu kemesa nu ba zolie ro nuo kepenuoki rei u kelalietuo.
Currently Selected:
Timothi Kerieu 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More