Thesaloniako Kerieu 3
3
1Süla hie ge salie kenjüta tse, hie rübei Athen nu bataketuo medolie; 2sidi hie siezeu mu Khrista dieliekeviu la Ukepenuopfü lietho-u Timothi ketseshü, puo bu nie kepele nu nie chü kemetei mu chü kethepfushütuoü, 3di nie pechüpenyü keba hako nunu mia puo bu rei tsiesieta molieketuo la. Siro u bu situo ükecü la rhüpie tuoketa nieko thuo rei si tou ba ze. 4Siro hie nie ze keba ki, we kepechü ze keseketuo pedzüperie nie ki pushü ze; mu sümhieketa nie rei si batuo. 5Mhaca hau la a ge sa balie lho di nieko kepele dze si nyücü la mia ketseshü; mha huo nu kedokecüu bu nie kedowa di hie mezhieu bu thedo chüketa keprei la.
6Derei tsie Timothi nieko kinu hie ki la vorliete, sidi nie kepele mu kekhrie dze keviko se vor hie petsoshü. Puo hie ki pu sacü nieko hie rüli rükra sei di hie nie ngushü nyü keba tuoi nie rei hie ngu nyü bakecü die keviko se vor pushü. 7Haha la hie siezedzürieko, nie kepele la hie nou kemezhie mu kepechü ze kesekecü tei pete nu zorei hie chü kethepfuliewe. 8Siro nie Niepuu kitsa metei thata üro hie sü rhei bata zo. 9Hie bu nie la Ukepenuopfü mhodzünu hie neikelie pete la kedipuo mhie di Ukepenuopfü tshe kekralie ta? 10Hie nie zie ngushü mu nie kepele nu tso mo kebako rei chü pevishü nyü di teisoteizei cha hie rhiechü baya zo.
11Siro Ukepenuopfü u Puou mu u Niepuu Jisu bu nie ki volieketuo hie cha keseshü üthienyü. 12Sizomonyü, hie nie gei chüyakezha tuoi Niepuu bu nie nou chüpie huoniehuo khrie mu mia pete rei khrie kechü miemiekelieu chücie. 13Siro puo bu nie nou chü kemeteipie Ukepenuopfü u Puou mhodzünu nie bu mesa di pejolie kelho chü zo tha, u Niepuu Jisu puo kemesako ze ketsur tsocie.
Currently Selected:
Thesaloniako Kerieu 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More