Nugana 33
33
‘UPWA 33.
1Ta Iakobo i ‘ita tu‘e, ta ‘i dune, ta, wa ‘ita, Esau ‘i mema, ta ma‘enao tai ‘e poa anaredi. Ta gogama ‘i wearidi Lea ‘enaia, ta Rakela ‘enaia, ta toguinua mewainedi ‘e rua ‘edia. 2Ta toguinua mewainedi ‘e rua manatudiao ‘i sa‘u nuganedi, ga Lea ta natunao, ta Rakela ta Iosepa murinaia. 3Ta tauna ‘i ataona nuganidia, ta ‘i bwagobwago bare‘uia ‘e sebeni, ga tasina ‘ena ‘i apwesa serabenaia. 4Ta Esau ‘i pili sabi lobena, ta ‘i ‘atubwailina, ta otona ‘ena ‘i be‘u, ta i ‘awamuina: ta si ededoi. 5Ta i ‘itatu‘e, ta iine be gogama i ‘itedi; ta ‘i ona, Iaisigei getedi ma‘emuao? Ta ‘i ona, Gogama taudi Eaubada ma‘ina nua‘ole‘ole ‘imu toguinua I ‘ebwaena. 6Ga toguinua mewainedi si mai serabenaia, taudi ta natudiao, ta si bwagobwago. 7Ta Lea wate ta natunao si mai serabenaia, ta si bwagobwago: ta muriega Iosepa ‘i mai serabenaia ta Rakela, ta si bwagobwago. 8Ta ‘i ona, To‘ase ‘imu bubuna boda gete maibo‘ana ia lobena ‘enega? Ta ‘i ona, Sabi loba nua‘ole‘ole ‘igu ‘inapwana matanaia. 9Ta Esau ‘i ona, ‘Igu iage ‘i sawesaweguia; tasigu, ‘imu iage tua tuga ‘imu iage. 10Ta Iakobo ‘i gwae, Nigea, ia sideio, ‘abo gete tuga nua‘ole‘ole ni‘atu ia lobena matamuia, ga ‘igu ‘ebwaeadaita ‘u da ‘ewena nimaguiega; ni‘atu maniniio ia ‘itena ta ‘enega, ‘atua ‘e bweu Eaubada maninina i ‘itena, ta nuaio ‘i bobo‘ana manugu. 11Ia sideio, ‘igu ‘ebeoboboma ia me‘ena ‘emuia ‘u da ‘ewa; Eaubada ‘i bubuna nua‘ole‘ole ‘eguia ta ‘enega, ta ‘igu maibo‘ana ta ‘enega. Ta ‘ena ‘i gewanina, ga i ‘ewena. 12Ta ‘i ona, Ta da logara, be ta da tauia, ta ‘abo‘agu ia da nugana ‘emuia. 13Ta ‘ena ‘i ona, ‘Igu ‘inapwana ‘i mwaratonina gogama tabadi, ta sipi iau be bulomakau iau esusudi: ta ‘abo asiata ‘e bweuna si tauia didigedi, iau maibo‘ana si da mwawasa. 14Ia sideio, ‘igu ‘inapwana ‘i da ataona ‘ina toguinua matanaia: ta ia da muria manuaegu, lagolagowa nuganiguia ‘idi tauia nadigega ta gogama ‘idi tauia nadigega, ga ia da wai ‘igu ‘inapwana ‘ena Seira ‘enaia. 15Ta Esau ‘i ona, Aina tomota ‘eguia si miamiana ia da pilisinedi ‘emuia. Ta ‘i ona, To‘ase manuna? nua‘ole‘ole ia da loba ‘igu ‘inapwana ‘enaia. 16Ta ‘enega Esau ‘asiata gote i ‘ila Seira ‘ana ‘eda ‘enega. 17Ta Iakobo ‘i tauia Sukota ‘enaia, ta anua i ‘abina, ta ioeioe i ‘abidi ‘ina lagolagowa manudi: ta ‘enega esena nina si eesena Sukota.
18Ta Iakobo ‘asa Sekema ‘ena ‘i mai guguiega, tauna esena Kanania ‘ena ‘i miami, ‘ena ‘i mai Padanaramega; ta ‘asa matanaia i ‘abi anua. 19Ta bwa‘a tomwana nina, ‘ena i ‘abi‘abi anua, ‘i lagwena, Sekema tamana, Amora natunao nimadiega, mani tomwana ‘e anaredi manuna. 20Ta nada ‘ebetaria i ‘abina, ta ‘i eesena Eleloe Iseraela.
Currently Selected:
Nugana 33: DOBOT
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1919
