Sofonias 2
2
E kris pe phuvia kai si pase
1Chidiniaon tumen
llene kai inai tumenge lallao,
2mai anglal te avel pe tumende,
sargo e char suki kai sumbilpe ande iek llive,
mai anglal te avel pe tumende e joli e Devleki,
mai anglal te avel pe tumende
o llive katar e joli e Devleki.#Sal 1.4; Jer 13.24; Os 13.3.
3Roden e Devle
e llene kai inai barikane,
e llene kai cherde so si orta.
Roden so si o lachipe,
soke sai te avel kai ka malaven
kai te gurudon ando llive katar e joli e Devleki.#Is 56.6-7; Jl 2.12-14.
E patnia kai perel pe phuvia
4Soke e Gaza ka achel chuchi,
ta o Askalon ka avel peradino,
ka choren e ezgode katar o Asdod
ando dopas e lliveseko,
ta ando Ekron ni ka achel niso.
5¡Tesko tumenge e llene kai zivin ande Kreta!
O Del del pe tumende gale alavenchar:
¡Kanaan kai si phuv katar e filisteura,
me ka zatriv tut
ta ni ka mukav ande tute ni iek lleno!
6E phuv kai si pasa e mora
ka cherdol char e bakrenge,
ta ka chidiniaon e chobanura
ta ka cherdol rindura bakrenge.
7E llene kai ka achen ande vicha e Judaeki
ka len e phuv
ta ka arakhen pe bakren.
Orachaia ka soven ande chera katar o Askalon,
soke o Del ka avel te pomozil len
ta ka ikanel len katar o phandipe.#Is 14.29-31; Jer 47.1-7; Ez 25.15-17; Jl 3.4-8; Am 1.6-8; Zak 9.5-7.
8Gia phenel o Del e Israeleko kai si le sa e zor:
Me asundem sar marela espurnia o Moab
ta sar kusena e amonitura.
Soke von kusle me foro
ta cherdile zurale ande leki phuv.
9Goleke jav sovel#Jen 19.17-29.
kai o Moab ka avel sargo e Sodoma
ta e llene katar o Amon ka achen sargo e Gomorra,
vostano karrnengo,
phuv loneki
kai ostade ka avel zatrime.
Ta e llene me foroke kai ka achen, ka len e phuv.
10Gia ka pochinen o Moab ta o Amon
soke kusle e Devleke foro,
ta soke pala le cherdile zurale.
11E joli e Devleki ka avel bari pe lende,
soke ka zatril sa e delen katar e phuv,
ta katar suako phuv
ka den tenemava angla le.#Is 16.6; 25.10-12; Jer 48; 49.1-6; Ez 21.28-32; 25.1-11; Am 1.13-15.
12¡Ta i tumen e llene katar e Etiopia
me jarniaia ka mundarav tumen!#Is 18.1-7.
13O Del ka inzarel po va po norte
te sai zatril e Asiria,
ta ni ka mukel niso ando Ninive,
ta ka cherel la iek pusto kai niso ni bariol ande lete.
14E stoke bakrenge ka inzon ande le
ta sa e zivirinie dive.
O puaucho, o kuervo ta e zivirinia karrnali ka zivin kote
ka soven upral pe direkura
ta e kuervura ka basen
ande penllerave ta pe udara.
15Gava si o foro veselo
kai ni darala katar niso,
kai leke llene phenena:
¡Inai aver foro sargo gava!
¡Sar achilo sa peradino,
ta cherdilo o than kai gurudon e zivirinie dive!
Kana ka nakhen pasa le
ka maren espurnia letar, ta e vastea ka kusen le.#Is 10.5-34; 14.24-27; Naj 1—3.
Currently Selected:
Sofonias 2: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
