Zakarias 8
8
O Del achel po alav te vazdel pale o Jerusalem
1O alav e Devleko kai si le sa e zor avilo mande, ta phenda mange gia: 2Gia phenel o Del kai si le sa e zor:
Me gachin voliv e Sione, kai pherdivav joli. 3Gia phenel o Del:
Me vazdiem pale e Sione, ta ka ziviv ando Jerusalem. Ta ka ikharen e Jerusaleme:
Foro katar o Chachipe, ta e burdo e Devleko ka ikharen le:
Burdo Santo.#Is 1.26. 4Gia phenel o Del kai si le sa e zor: Pe droma katar o Jerusalem pale ka phiren phurorre ta phuriorra, ta suako iek ka inllarel pi rovli soke ka aven phure bute bursenge. 5Ta pale ka pherdon minone e droma kai ka chelenpe pe gola droma. 6Gia phenel o Del kai si le sa e zor:
Kana ka avel gua llive, e llene kai ka achen ande gava foro ka avel lenge baro chudo, a ¿i mange ka avel chudo? 7Gia phenel o Del kai si le sa e zor: ¡Dikhen! Me ka braduiv me foro katar e phuv kai si pe rig kai likel o kham ta katar e phuv kai si pe rig kai perel o kham, 8me ka anav len ando Jerusalem te sai zivin kote. Von ka aven mo foro, ta me ka avav lengo Del ando chachipe ta ande so si orta.
9Gia phenel o Del kai si le sa e zor: Sa tumen kai sar kana thode e barra te vazden o cher e Devleko, ta kai ande gala llivesa asunen e alava katar e poraukura, ¡len tumenge zor!#Jag 1.6-11; Jag 2.4-9. 10Soke llik akana pala e dos katar e dusmanura, ni pochinena e llenenge kai radina, ta ni dena te jan e zivirinien. Ni saia e pas golenge kai llana ta avena, soke me cherdem te avel dusmano iek avereke. 11A e llenenge kai achile ande gava foro ni cherdem lenchar sar cherdem le omanglal. Me o Del phenav le. 12Soke e pas ka avel maskar lende sargo e simicha thodi pe phuv, ta e vostanura drakhake ka den e septelie, e phuv ka del so si te chiden ta e oblakura ka cheren te pechalpeke. Me ka cherav te achel sa gava e llenege kai ka achen katar gava foro. 13Goleke tumen e vicha e Judaeki ta e vicha e Israeleki, na daran nisotar, samo den tumen zor. Soke isto gia sar sena proketime maskar e phuvia, isto gia me ka braduiv tumen ta ka aven blagosime.
14Gia phenel o Del kai si le sa e zor:
Isto gia kana mislisaile te zatriv tumen kana tumare purane joliarde man, ta ni diem man palpale, me o Del kai si man sa e zor phenav tumenge:
15Akana me mangav te cherav o lachipe e Jerusalemeke ta e vichake katar o Juda. Goleke na daran. 16So si te cheren si te den orba chachimaia suako drom, te chinen e kris orta ta te cheren e pas. 17Niko te na mislil te cherel o bilachipe pe phlalenge, ta te na jan sovel bange, soke sa gala ezgode inai mange drago.#Ef 4.25-32.
18O alav e Devleko avilo mande ta phenda mange: 19O alluno katar o starto chon, katar o panchto chon, ta katar o eftato ta o desto, ka aven e vichake katar o Juda bari veselia ta glamni slava. Goleke volisaren o chachipe ta e pas.
20Gia phenel o Del kai si le sa e zor:
Ka aven llene katar aver phuvia ta katar aver forura, 21kai ka llan foro forote ta ka vacharen:
Aide te moli amen e Devleke. Aide te roda e Devle kai si le sa e zor. I me ka llav. 22Ta but llene katar bare phuvia bare ka aven ando Jerusalem te roden man ta i te molinpe man. Me o Del phenav le. 23Gia phenel o Del kai si le sa e zor: Kana ka aven gola llivesa, des llene katar aver phuvia ta aver chibia ka istaren o gertachi katar iek judio, ta ka phenen leke gia: ¡Muk amen te lla tumenchar, soke amen llana kai o Del si tumenchar!#Zak 14.16; Is 2.2-4; Mik 4.1-3.
Currently Selected:
Zakarias 8: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
