Zakarias 3
3
E poroka katar o baro popo o Josue
1Mapalal o suecho sikada mange e bare popo e Josuee, kai saia angla o suecho e Devleko. Ta pe leki chachi saia o satanas te dosarel le.#1 Kr 21.1; Esd 5.2; Job 1.6; Jag 1.1; Apo 12.10. 2Ta o Del phenda e Satanaseke:
¡Sem joliariko pe tu satanas. Me esvirisardem e Jerusaleme, ta gale llene braduisardem le katar e iag sargo iek angar phabardo. Goleke, me o Del sem joliariko pe tu!#Jud 9. 3Ta sar o Josue saia angla o suecho ta leke patave sea melale, 4o suecho phenda golenge kai radina leke:
¡Ikanen letar e patave melale! Ta e Josueke phenda:
Dik, me jaladem cho bilachipe, ta furiadem tut patavenchar barikane.#Apo 19.8. 5Mapalal phenda:
Thoven pe leko soro iek dikhlo chisto. Ta thode iek dikhlo chisto pe leko soro, ta furiade le patavenchar barikane. Ta o suecho e Devleko saia pe porrne.
6Mapalal o suecho e Devleko dia po Josue, ta phenda leke:
7Gia phenel o Del kai si le sa e zor: Te llelan pe me droma ta te chere so me phenav, i tu ka gazdari ande mo cher ta ka arakhe me bar, ta ka dav tut iek than maskar e llene kai si kate. 8Asun Josue, kai san o baro popo. Asunen che amala kai si popura, kai sa tumen si iek bari ezgoda Devlikani. Me ka cherav te avel me slugake e nevi patrin zeleni. 9Dik po barr kai thodem angla tu kai si le efta akha. Me ka pisiv ande le iek pisipe. Ta samo ande iek llive ka ikanav katar e phuv o bilachipe. 10Kana ka avel gua llive, suako iek tumendar ka ikharel pe pharnave te besel telal tala po kas drakhako, ta kas simochinengo.#Mik 4.4.
Currently Selected:
Zakarias 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
