Zakarias 12
12
O Jerusalem braduime
1O Del kai buliarda o miloso ta zuriada e phuv, ta kai dia zivoto e manuse, phenel gaia poroka katar o Israel: 2Dikhen kai truial katar o Jerusalem ta katar o Juda si boñikura. A me ka cherav te avel o Jerusalem iek taso kai ka cherel te izdran sa e phuvia kai truisarde le.
3Gua llive sa e phuvia ka achen po alav te den po Jerusalem, a me ka cherav letar iek pechina gia phari kai sa e phuvia kai ka vazden la, ka achen sa pe kotora. 4Gua llive ka cherav te daran e gra ta te diliaon e boñikura kai llan pe lende. Me ka cherav te korraon sa e gra katar e phuvia, a ka arakhav e vicha katar o Juda. Me o Del phenav le. 5E kapitanura katar o Juda ka phenen:
E llene katar o Jerusalem si len zor ando Del kai si le sa e zor.
6Gua llive me ka cherav te aven e kapitanura katar o Jerusalem sargo brasero phabardo maskar e kasta, ¡sargo iag maskar o lliu! ta ka phabaren pe chachi ta po stingo sa e phuvien kai si pase, ta o Jerusalem pale ka avel pe po than, ando Jerusalem. 7Ta mai anglal o Del ka braduil e chare katar o Juda, te na istardon po Juda e chave katar o David ta e llene katar o Jerusalem. 8Gua llive o Del ka arakhel e llene kai zivil ando Jerusalem. Ande gua vreme o lleno kai inai le zor ka avel sargo o David, ta e chave katar o David ka aven sargo Del, sargo o suecho e Devleko angla lende.
9Ande gua llive me ka zatriv sa e phuvien kai ka aven te den po Jerusalem. 10Ta me ka thovav duo volimako ta molimako pe chave katar o David ta pe llene kai zivin ando Jerusalem. Ta ka dikhen gole kai jirade, ta ka roven sargo kana roven pala o chavo mai purano.#Jn 19.37; Apo 1.7. 11Ondaka ka roven ando Jerusalem baro roipe, sargo o roipe kai saia ando Adad rimon, ande bari umal katar o Megido. 12Suako familia katar e phuv ka aven zalosno, e chave katar o David ta lenge diskinie, e chave katar o Natan te lenge diskinie. 13E chave katar o Levi ta lenge diskinie, ka zelin. E chave katar o Simei ta lenge diskinie, ka zelin, 14ta sa e chave katar ogola famile ta lenge diskinie, ka aven zalosno.
Currently Selected:
Zakarias 12: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
