Zakarias 10
10
1Mangen e Devletar te delpeke
ando vreme kana o milai si pase,
ta o Del kai cherel e esterliche,
ka cherel te delpeke but,
ta i te bariol e zeledina ande vostanura.
2E terafinura kojade,
e chirimatarke dikhen ezgode kojamne,
den orbe dile
ta ni blazil niso so phenen.
Goleke o foro nakhel patnia
ta phirel sargo iek bakro kai inai le chobano.#Jer 50.6-7; Ez 34.5-6; Mt 9.36; Mk 6.34.
3Me sem joliariko pe chobanura. Me ka pativ e gazden.
Ea, o Del kai si le sa e zor
ka avel kai pe bakre
kai si e vicha katar o Juda,
ta ka cherel len leko zuralo gra marimako.
4Lendar kai likel o purvo barr,
o chilo ta o arko marimako,
ta sa e gazda kai ka dukhaven.
5Von ka aven sargo e boñikura
kai ando maripe ustaven o glibo katar e droma,
ka marenpe soke o Del si lenchar
ka cheren te jan lallao gola kai llan pe gra.
6Me ka zuriarav e porodo katar o Juda
ta ka braduiv e porodo katar o Jose.
Me ka inllarav len karing lengi phuv,
soke avila mange zao lendar.
Von ka aven sargo kana nikada ni jolailem pe lende,
soke me sem lengo Del
kai asunav lengo molipe.
7O Efrain ka avel sargo boñiko.
Leko lio ka veselilpe sargo kana piel mol,
ta kana ka dikhen le leke chave ka aven vesele.
Leko lio ka veselilpe ando Del.
8Me ka ikharav len ta ka chidav len,
soke braduisardem len.
Von ka aven but llene,
sar sea omanglal.
9Makar rispisardem len maskar e phuvia
ka denpe golli mandar i te avena dur katar pi phuv,
ta iek llive pale ka aven pe chavenchar.
10Me ka cherav te irinpe katar o Ejipto,
ka anav len katar e Asiria,
ka inllarav len ando Galaad ta o Libano,
ta ka aven gachin kai ni ka resen ande phuv.
11Kana ka nakhen e mora,
me ka dav pe valura,
ta ka cherav te avel suko o pai.
Ka cherav te na istardol ios e Asiria,
ta te na avel ios e charoina katar o Ejipto.
12Isto me ka zuriarav me foro,
ta ande mo anav ka llan angle.
Me o Del phenav le.
Currently Selected:
Zakarias 10: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
