Tito 1
1
Salami
1Me o Pablo, sluga e Devleko ta apostol e Jesukristoko, bichaldo letar te resen e llene kai si esvirime e Devletar kai o pachape ta kai o chachipe kai si ande so amen pacha, 2ta adurichara o zivoto ostade, soke o Del ni kojavel ta dia po alav omanglal ta phenda kai ka del amen gua zivoto, 3ta akana kai si orta o vreme, sikada pe alava e orbaia kai mukla mange o Del kai braduil amen. 4E Titoke, kai si sargo mo chaurro chachimaia ando pachape kai si amen. O Del amaro Dad, ta o Jesukristo kai braduil amen te den tut po volipe ta pi pas.#2 Kor 8.23; Gl 2.3; 2 Ti 4.10.
O rado e Titoko ande Kreta
5Kana muklem tut ande Kreta, cherdem le te lachare so muklana bi lachardo ta ande suako foro te thove phuren ande khanlliri, gia sar phendem chuke. 6Iekhe phure morabi te na dosarel le niko sar zivil. Morabi te avel le samo iek rromi, ta leke chaurre morabi te pachan ta te na phenen lendar kai cheren o bilachipe o kai ni kanden. 7Soke gua kai inllarel angle e khanlliri leko rado si ande Devleke ezgode, ta goleke leko zivoto morabi te na avel dosardo nikatar, morabi te na istardon ta te na joliaol; te na aven matarne, ta te na marenpe, ta te na lel chari pe bilache ezgode. 8Morabi te avel pachivalo e llenenchar kai aven te racharen ande leko cher, ta morabi te avel lacho, chacho, santo ta te llanel so cherel. 9Morabi te pachal ande orba chachuni kai sikilo, te del zor i averen ando sasto sikadipe, ta te cherel te pachan e llene kai ni pachan ande so vou phenel.#1 Ti 3.2-7.
E poraukura kojamne
10Soke si but llene kai ni pachan, ta mai but gola kai cheren e sirkunsision kai phenen samo ezgode dile ta kojaven e llenen. 11Gole llenengo mui morabi te phanden le, soke diliaren sa e llenen katar iek familia, ta sikaven so ni trubul, ta cheren le te len chari bilachimaia.
12Isto ande Kreta iek profeta lengo phenda gia:
E llene kai zivin ande Kreta si kojamne, dive, jan but ta ni radin. 13Ta phenda o chachipe, goleke de pe lende zurale te sastol lengo pachape 14ta te na pachan ande paramiche kai cheren e judiura, ta ni ande llene kai den e zea karing o chachipe. 15E llene kai si chache sa e ezgode si lenge chache, a e llene kai inai chache ta ni pachan, niso inai lenge chacho, soke lengi golli ta lenge mislura si melale. 16Phenen kai pinllaren e Devle, a prema e ezgode kai cheren phenen kai iok, den joli ta ni kanden ta nasti cheren ni iek lachipe.
Currently Selected:
Tito 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
