Romanos 6
6
Mule e bilachimake
1¿So ka phena akana? ¿Ka chera ios mai bilachipe te sai o Del sikadol amenge ios mai lacho? 2¡Iok! Soke amen mulam e bilachimake, ¿sar akana ka zivi ando bilachipe? 3¿Ni llanen tumen kai kana sam kristime sam kristime lea ande leko meripe? 4Kana sam kristime mera ta sam prajome lea. Ta mera te sai usta katar o meripe ta te zivi iek zivoto nevo, gia sar o Jesus ustilo katar o meripe pala e bari zor e Dadeki.#Kol 2.12.
5Te reslam te ava lea ande iek meripe sargo leko, i amen ka usta katar o meripe sargo vou. 6Llana kai so sama omanglal krustome achila e Jesusea, ta e zor katar o bilachipe kai si ande amende te achel zatrime ta te na ava ios sluge e bilachimake.#Gl 2.20. 7Soke kana o manus merel, achel braduime katar o bilachipe. 8Soke amen te mulam e Jesusea, pacha kai i ka zivi lea. 9Llana kai o Kristo, kana ustilo katar o meripe ni ustilo te merel pale. O meripe ni avila le zor pe lete. 10Soke o Kristo, samo iek drom mulo pala o bilachipe, ta akana kai zivil, zivil e Devleke. 11Isto gia tumen llinen tumen mule e bilachimake, ta llunde e Devleke pala o Kristo Jesus. 12Goleke, tumen na muken o bilachipe te gazdaril pe tumari esnaga merimaki, ta te cherel tumen pe zor te kanden la. 13Na den tumari esnaga e bilachimake te cheren o bilachipe. Mai sukar den tumen kai o Del, sargo llene kai mule ta pale zivisarde, den tumari esnaga te cherel so si chachipe angla o Del. 14Gia o bilachipe ni ka avel le zor pe tumende, soke tumen ni sen sluge e zakonoke. Akana sen po volipe e Devleko.
Esluge e Devleke
15¿Akana so? ¿Ka chera o bilache soke ni sam phangle po zakono soke sam po volipe e Devleko? ¡Bristo si kai iok! 16Tumen llanen kai ko thovelape te kandel iekhe llene suako llive, cherdol leko esluga. Amen sai kanda o bilachipe ta sai mera, o sai kanda e Devle ta te la leko prostipe. 17Omanglal tumen sena sluge e bilachimake. A fala e Devleke kai tumen kandien sa tumare liea e alava kai die tumen. 18A kana tumen sen braduime katar o bilachipe, ta sen sluge e chachimake. 19Dau orba sar den e manusa, soke tumen sar sen kovle, nasti acharen sukar gala alava. Goleke gia sar omanglal dena tumari esnaga te cheren ezgode melale ta te cheren suako ezgoda bilachi, goleke akana den tumari esnaga te avel esluga e chachimaki, te sai inllaren iek zivoto santo.
20Kana tumen sena sluge e bilachimake, cherena so tumen mangena bi krisako, 21¿Ta savi faidava lien? Akana lallao si tumenge katar gola ezgode, soke gola ezgode inllaren kai o meripe. 22Akana, sen braduime te na aven sluge e bilachimake, akana sen sluge e Devleke. Ta orta gava si e faidava tumenge ta so tumen ka len si iek zivoto santo ta o zivoto ostade.#Pr 12.28. 23So pochinel o bilachipe si o meripe, a so del o Del si zivoto ostade ando Kristo Jesus, amaro Gazda.
Currently Selected:
Romanos 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
