Romanos 4
4
O pachape e Abraameko
1¿Akana so ka phena kai dobisarda amaro dad o Abraam? 2Te avelape kai o Abraam saia orta ta chacho pala e ezgode kai cherela, avilaia le pe so te cherel baripe, na angla o Del. 3Soke ¿So phenel o Pisipe? Llinda e Abraame orta ta chacho pala leko pachape.#Jen 15.6; Gl 3.6. 4Kana iek lleno radil ta pochinen leke, inai kai die le llabe gola love, soke vou radisarda ta trubul te pochinen leke. 5A vareko te pachala kai o Del cherel orta ta chacho e bilache, o Del thovel sama pe leko pachape ta llinel le orta ta chacho i te na cherdaia niso te llinel le orta ta chacho. 6Isto o David dia orba cheres e dragostia e manuseki kana o Del llinel orta ta chacho bi te mol leke e ezgode kai cherel. 7O David phenda:#Sal 32.1-2.
¡Blagosime gola kai o Del prostil lengo bilachipe,
ta kai lengo bilachipe si uchardo!
8Blagosime o manus kai o Gazda ni dosarel le katar o bilachipe
9¿Sai avel gava blagosipe samo e judionenge, o si i golenge kai inai judiura? Soke phendam kai o Abraam pala leko pachape saia llindo orta ta chacho. 10¿Sar saia llindo? ¿Kana saia sirkunsidime, o kana ni saia sirkunsidime? Na kana saia sirkunsidime, kana ni saia sirkunsidime. 11Ta mai angle e Abraame sirkunsidisarde, sargo iek ezgoda te dikhol kai o Del llindaia le orta ta chacho cheres leko pachape. Ta gia o Abraam avilo te cherdol o dad sa golengo kai si len pachape i te na avilea sirkunsidime, ta gia o Del llinel len chache.#Jen 17.10. 12Ta i o Abraam si o dad i golengo kai si sirkunsidime ta i llan pala gua pachape kai amaro purano saia le mai anglal te avel sirkunsidime.
O alav leke porodoke
13O Del phenda e Abraameke ta leke porodoke kai sa e phuv ka avel lengi, a o alav kai diaia le ni saia phanglo te kandela o zakono, gua avel katar o chachipe e pachamako.#Jen 17.4-6; 22.17-18; Gl 3.29. 14O alav kai o Del diaia te avilaia e llenenge kai kanden o zakono, ondaka avilaiape kai o pachape ando Del ta i leko alav ni moldaia le niso.#Gl 3.18.
15O Del dukhavel golen kai ni kanden o zakono, ta kana inai o zakono niko inai dosalo kai ni kandel. 16Goleke, o alav kai diaia e Abraame si sa leke porodoke, gua diale llabe pala o pachape. Te sai phena, o alav kai dia inai samo golenge kai pachan ando zakono, gua alav si saurrenge kai thovenpe ando pachape, sargo o Abraam. Gia vou cherdol o dad saurrengo,#Gl 3.7. 17sar phenel o pisipe, Cherdem tut dad bute suetoko. Gava si o Del kai o Abraam pachaia, o Del kai del o zivoto e mulen ta ikharel e ezgode kai inai phenea si.#Jen 17.5.
18Kana adurichare la so nasti adurichare la, o Abraam pachaia ta avilo dad bute suetoko, gia sar o Del phendaia leke, Gia de bari ka avel chi vicha.#Jen 15.5. 19O pachape e Abraameko ni kovlilo kana dikhla pe pi esnaga kai saia sargo muli ta sea leke stotina burs, ta ni pe Sara kai nasti avena la minone ta saia phuri.#Jen 17.17. 20Vou ni jasarda po pachape ta ni diape palpale katar o alav kai diaia le o Del, goleke avilale iek pachape ios mai baro. Ta blagosisarda e Devle, 21sa pe liea pachala kai o Del si le e zor te cherel so phenel. 22Goleke, o Del llinda le ta phenda kai vou si orta ta chacho. 23Ta inai samo e Abraametar si pisime kai llinda orta ta chacho, 24i cheres amendar phenda kai i amenge ka llindolpe kai sam llinde chache, kai pacha ande gua kai vazdia katar o meripe e Jesuse, amaro Gazda, 25kai vou saia dino te merel pala amaro bilachipe ta vazdinailo katar o meripe te cherel amen llinde chache.#Is 53.4-5.
Currently Selected:
Romanos 4: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
