Romanos 1
1
1Me o Pablo, esluga katar o Kristo Jesus, ikhardo letar te avav apostol esvirime te phenav e lachi viasta e Devleki.
2Soke katar pe poraukura o Del phendaia ando santo Pisipe. 3E orba katar po chaurro o Jesukristo, amaro Gazda kai biandilo sargo manus, katar e vicha e Davideki,#Mt 1.1; 12.23. 4kai phende kai vou si o chavo e Devleko bare zoriaia, soke vou ustilo katar o meripe pala o Santo Duo.
5Ta katar o Jesukristo liem e dragostia te avav apostol ta te avav leko esluga, te sai aven ande sa e phuvia llene te pachan ande lete ta te kanden le. 6Ta kai maskar lende sen i tumen, kai sen ikharde te aven e Jesukristoke, 7ta te aven katar o santo foro e Devleko saurre kai sen ande Roma. O Del amaro Dad ta o Gazda o Jesukristo te del tumen po volipe ta pi pas.
O Pablo mangel te dikhel pe phlalen ando pachape
8Mai anglal dav fala e Devle pala suako lleno tumendar ando anav e Jesukristoko. Soke pe suako rig den orba katar tumaro pachape.
9Soke o Del llanel kai me sem leko esluga ta kai radiu leke sa me liea, ta kai phenav e lachi viasta leke chaveki, vou llanel kai suako drom kana moliv man dav man golli tumendar, 10ta mangav e Devletar te si leki volia, te del man e dragostia te llau te dikhav tumen. 11Soke zelno sem te dikhav tumen ta te pomoziu tumen ande ezgode Devlikane te sai aven ios mai zurale, 12ta gia ka da amen zor iek avere gale pachamaia kai si tumen ta i man.
13Mangav te llanen phlalalen, kai but droma mislisailem te llau te dikhav tumen, ta nasti llelem. So me mangav si te phenav e lachi viasta maskar tumende, gia sar phendemla e llenenge kai inai judiura, te sai pachan mai but llene ando Jesukristo.#Ech 19.21. 14A morabi te phenav e lachi viasta saurrenge, avena o ni avena griegura, avena llangle o ni avena llangle, 15goleke ni llanav kana te phenav e lachi viasta i tumenge kai zivin ande Roma.
E lachi viasta si la zor e Devleki
16Ni lallau katar e lachi viasta, soke si zor e Devleki te braduil sa golen kai pachan, mai anglal e judionen, ta i golen kai inai judiura.#Mk 8.38; 1 Kor 1.18. 17Soke ande lachi viasta o chachipe e Devleko sikadol pala o pachape ta cheres o pachape, soke gia phenel o Pisipe:#Jab 2.4.
O chacho pala o pachape ka zivil.
E dos e manuseki
18Soke o Del sikavel pi joli ta dukhavel katar o miloso sa e llenen kai si bilache ta ni llan orta, ta pe bilachimaia achaven o chachipe, 19soke so llanen katar o Del von sikilele sukar soke isto o Del sikada len, 20Soke so nasti dikhola e Devletar, akana sai pinllardol te thovaia amen te misli so vou cherda. Sar kana cherda e phuv, dikhol bristomaia kai vou si o Del ta kai leki zor si ostade. Goleke e bilache inai len so te phenen. 21Soke pinllarde e Devle, ta ni blagosisarde le sar Del ta ni die le fala. Ta achile ande pe mislura dile, ta lengi golli dili achili ando truniariko.#Ef 4.17-18. 22Von phenena kai si bizai, a cherdile dile. 23Soke pharrude o baripe e Devleko kai si ostade pala e dela kai si sargo manusa kai meren, ta i llik pala dela kai si sargo chiriklia, ta sargo zivirinie kai si len star porrne ta i pala e dela kai si sargo sapa.#Dt 4.16-18; Sal 106.20; Jer 2.11.
24Goleke o Del mukla len ande lenge mislura bilache, ta cheren iek averea ezgode lallaimake pe esnagenchar. 25Soke pharrude o chachipe e Devleko pala o kojaipe, ta die liubao ta blagosisarde e zivirinien a na e Devle kai cherda len, soke le morabi te blagosin ostade. Gia te avelpe.
26Goleke o Del muklalen te cheren ezgode bilache lallaimake. Llik lenge rromia pharrude so si orta e diskinienge pe gola ezgode kai ni trubul te cheren. 27Ta isto gia e murusa, mukle ezgode kai sea sikade te cheren e diskinienchar ta phabon ande po bilache iek averea. Murus murusea cheren ezgode lallaimake, goleke lie e duk isto ande pi esnaga soke isto von rodiela.
28Soke ni thode sama e Devleke o Del mukla len ande pe mislura bilache te cheren ezgode kai ni trubul te cheren. 29Von si pherde bilachipe, kurvaluko, kojaipe mundaripe, si lenge joli pe aver, drago lenge te marenpe, si kojamne ta inllaren e bune. 30Den orbe bilache averenge, si dusmanura e Devleke, llan barimaia, ta istardon ta mislinpe kai von si e mai bare, ta zumaven sar ka cheren aver bilachipe, ni kanden pe dade ta ni pe da. 31Ni kamen te acharen, kana den po alav pe vareso ni cheren le, ni volin nika, ta inai len zao. 32Von llanen kai o Del phenda kai e llene kai cheren gala ezgode si te meren, ta isto gia pale cheren len ta veselinpe kana i aver cheren len.
Currently Selected:
Romanos 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
