Salmos 99
99
O Del si o mai baro charo
1¡O Del si Charo!
¡Leko trono si upral pe suechura
kai ikhardon kerubin!
Izdran e phuvia ta i sa e phuv.
2O Del si baro po burdo Sion,
o Del si upral pe sa e forura.
3Te avel blagosime leko anav,
kai si baro ta glamno.
¡O Del si santo!
4Tu san iek Charo zuralo
kai volil o chachipe,
isto tu thodan o chachipe
tu avilan chacho ta orta
e chavenchar katar o Israel.
5¡Blagosin e Gazda kai si amaro Del,
ta den changenchar angla leke porrne!
¡O Del si santo!
6O Moises ta o Aaron
si maskar leke popura,
o Samuel si maskar e llene
kai blagosisarde leko anav.
O Del dela len anglal
kana von mangena letar te pomozil len.#1 S 7.8-12; 12.19-25; Jer 15.1.
7O Del dia lenchar orba
katar o oblako,
ta von cherde so phenda lenge te cheren
ta kandie o zakono kai dia len.#Ek 33.9.
8Devla, kai san amaro Gazda,
¡tu dea len anglal!
Tu avilan lenge iek Del kai prostil,
ta i dukhadan len pala lengo bilachipe.
9Blagosin e Devle kai si amaro Gazda,
¡den changenchar angla leko burdo santo!
¡O Del amaro Gazda, si Santo!
Currently Selected:
Salmos 99: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
