Salmos 97
97
¡O Del si Charo!
1¡Veselisao phuv!
¡Veselin tumen e phuvia kai si truial katar e mora!
¡O Del si Charo!
2Truial letar si oblakura ta tufina,
leko trono si upral pe kris ta po chachipe,
3e iag llal angle le
ta phabarel truial petar e dusmanonen.
4Leke esterliche den villelo pe phuv,
¡ta e phuv izdral kana dikhel len!
5E burdura bilaon
sargo memeli angla o Del,
soke vou si o gazda katar sa e phuv.#Sal 68.2; Mik 1.4; Naj 1.5; Jab 3.6.
6O miloso phenel katar leko chachipe,
sa e phuvia dikhen leko baripe.#Sal 50.6; Is 35.2; 40.5.
7E llene kai pachan ande aver dela
ta cheren baripe ande lende,
achen ando lallao,
¡Sa e dela bangon angla Del!
8¡Ioi Devla!
O Sion ta e forura katar o Juda
veselinpe but pala che zakonura,
9soke tu kai san o Del katar o miloso,
san upral pe sa o sueto
ta san mai upre katar sa e dela.
10O Del volil golen kai murzin po bilachipe,
ta arakhel o zivoto
katar gola kai volin e Devle,
vou ni mukel len te peren ande va katar e bilache.
11O villelo klichil e lache lleneke,
e veselia si e llenenge kai lengo lio si lacho.
12¡Veselin tumen ando Del e llene lache,
ta blagosin leko santo anav!
Currently Selected:
Salmos 97: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
