Salmos 94
94
O Del si o krisari e suetoko
1¡Devla, sikado, tu kai pochine
e manusenge prema e ezgode kai cheren!
2Tu san o krisari e suetoko,
¡vazdiniao pe llene kai istardon
ta pochin lenge so si te len!
3¿Gachin ios Devla,
gachin ios ka veselinpe e bilache llene?
4Sa gola llene kai cheren o bilachipe
den orbe bi malade ta si but barikane,
¡istardon so von inai!
5¡Ioi Devla!
von zatrin che foro,
¡ta den ando lallao che llenen!
6Mundaren e phivlien
ta golen kai aven katar aver phuvia,
mundaren e minonen kai inai len dad ni dei.
7Ta phenen kai o Del ni dikhel
ta kai o Del katar o Israel ni thovel sama.#Sal 14.1; 53.1; 73.11.
8¡Mangav te acharen mange dilalen!
¿Kana ka acharen gaia ezgoda?
9¿Sar ni ka asunel
gua kai cherda e kan?
¿Ta sar ni ka dikhel
gua kai cherda e akha?
10¿O ni ka dukhavel
gua kai ortol e phuvien?
¿O ni ka llanel
gua kai sikavel e manusen te sai llanen?
11O Del llanel kai o manus mislilpe
samo ande so ni mol le niso.#1 Kor 3.20.
12¡Ioi Devla!
blagosime o manus kai tu orto le
ta kai sikave le ande cho zakono
13te na avel leke briga
kana ka avel e nuzda,
a e bilacheke lacharen leke o limori.
14O Del ni ka mukel pe foro,
ta ni ka mukel korkorre golen kai si leke.
15O chachipe pale ka avel ande krisa,
ta suako lleno chacho ka llal pala o chachipe.
16¿Ko ka ustel te arakhel man
katar e bilache llene?
¿Ko ka avel manchar
pe llene kai cheren o bilachipe?
17Te na pomozisardaia man o Del,
avilema mulo.
18Kana me phenava:
Mo sinzal,
tu ande cho volipe istardan man te na perav.
19Kana me mislura ni dena ios katar e brige,
tu dian man zor ta veselisardan man.
20Tu nasti ave amal katar iek krisari bilacho,
kai ni llal orta prema o zakono,
21kai thovenpe te cheren o bilachipe
e llenenge kai si lache ta chache,
ta chinen lenge o meripe.
22A o Del arakhel man,
vou si o barr kai gurudivav pala lete.
23O Del ka cherel te aven zatrime
e llene bilache isto pala lengo bilachipe.
¡Amaro Del ka zatril len!
Currently Selected:
Salmos 94: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
