Salmos 86
86
Samo tu san o Del
O molipe katar o David.
1Devla, asun man,
soke sem but tristome ta chorro.
2Arak man soke sem chuke chacho,
tu san mo Del,
¡braduisar che sluga kai uzdilpe ande tu!
3Devla, te avel chuke zalba mandar,
soke chuke moliv man suako llive.
4Devla, veselisar gale sluga chiro,
soke chuke moliv man.
5Soke tu Devla san lacho ta prosti,
tu voli but golen kai molinpe chuke.#Ek 34.6; Nm 14.18.
6Devla, asun mo molipe,
¡thov sama kai mangav tutar!
7Ande mi nuzda ikhardem tut,
soke tu de anglal.
8¡Inai ni iek del sargo tu, Devla!
¡Inai niso sargo e ezgode kai cherdan!#Ek 15.11; Dt 3.24; Is 45.21; Jer 10.6.
9¡Ioi Devla!
tu cherdan sa e phuvia,
ta von ka aven tute te blagosin tut
ta te blagosin cho anav.#Is 24.15; Apo 15.4.
10Soke samo tu san o Del,
¡tu san baro, ta chere glamne ezgode!#Sal 72.18; 77.14.
11¡Ioi Devla! sikav mange cho drom,
te phirav ande cho chachipe.
Cher te avel ande mo lio
o liubao katar cho anav.#Sal 25.4; 27.11.
12Mo Gazda ta mo Del,
ka blagosiv tut sa me liea
ta ka blagosiv cho anav suako llive.
13¡Soke baro si cho volipe pala ma!
¡Braduisardan man te na perav ando limori!#Sal 16.10.
14¡Ioi Devla!
llene barikane ta silne,
kai ni thoven chuke sama,
vazdinaile pe mande
ta mangen te mundaren man.#Sal 54.3.
15A tu Devla,
san iek Del kai voli ta si chuke zalba,
kai terpi ta san pherdo volipe ta chachipe.#Ek 34.6; Sal 103.8.
16Dik pe mande, ¡te avel chuke zalba mandar!
¡Braduisar che sluga! ¡De le chi zor!
17Cher te dikhav kai san lacho manchar,
te dikhen gola kai murzin pe mande
ta te achen ando lallao.
¡Soke tu Devla, pomozi man ta de man zor!
Currently Selected:
Salmos 86: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
