Salmos 83
83
O molipe te cherel vareso o Del
Llilabipe ta llili katar o Asaf.
1¡Ioi Devla! ¡Na achi bi te phene vareso!
¡Na achi esmiro bi te de orba!
2Dik pe che dusmanura kai murzin pe tute:
burkania cheren ta vazdiniaon pe tute.
3Diepe orba bizaimaia ta po chorial
te cheren o bilachipe che foroke,
¡golenge kai tu arakhe!
4Von phenen gia:
Aven te zatri len
te na aven ios iek foro,
te sai bristardol o anav katar o Israel.
5Die po alav te cheren chuke o bilachipe,
mislisaile te cheren o bilachipe
sargo kana sea iek lleno:#Sal 2.2.
6E chare katar e edomitura
ta katar e ismaelitura,
e moabitura ta e agarenura,
7katar o Gebal, o Amon, o Amalek,
e filisteura ta gola kai zivin ando Tiro,
8llik e asiriura si lenchar,
ta von den e zor e chaven katar o Lot.
9Cher lenchar gia sar cherdan e Madianea
gia sar cherdan e Sisaraia,
gia sar cherdan e Jabinea
pasa o paiorro katar o Kison,#Jue 4.6-22; 7.1-22.
10kai avile zatrime ando Endor,
¡kai cherdile pogastia e phuviake!
11Cher lenge mai glamne llenenchar
gia sar cherdan e Orebea ta e Zeebea,
cher sa lenge sudonenchar
gia sar cherdan e Zebajea ta e Zalmunaea,
12kai mangena te len peke e Devleki umal zeleni.#Jue 7.25; 8.1-21.
13Murno Del, cher te inllarel len e balav sargo karrne,
sargo patra suke kai inllarel e balav,
14ta gia sar e iag phabarel o vos
ta phabarel e burdura e plamekoia,
15isto gia lla pala lende e bursindea
ta darav len che baliavenchar
16¡Muk len ando lallao Devla,
te sai roden tut!
17Te aven ando lallao ostade,
¡te aven ando lallao ta te meren!
18Te llanen kai samo tu san o Gazda,
kai samo tu san o Del e milosoko
pe sa e phuv.
Currently Selected:
Salmos 83: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
