Salmos 45
45
Sukar alava katar o biav e charoko
Katar o lleno kai sikavel te llilaben, prema e llili katar e lulunlla. Sukar alava katar e chave katar o Kore.
1Mo lio del avrial katar e sukar alava,
e charoke si mo llilabipe.
Mi chib si sargo o bal kai pisil lea o lleno kai llanel.
¡Ka phenav e sukar alava angla o charo!
2Tu san sukar, o mai sukar katar chave e manuseke,
o sukaripe si truial katar che us.
Goleke o Del blagosisarda tut ostade.
3¡Thou pe cho maskar o jarni, tu kai san tromano!
¡Tu san glamno ta klichi!
4Ande chi zor san blagosime,
lla upral po alav chachuno sargo po gra
tu lla pala e zalba, ta pala o chachipe,
cho va o chacho ka sikavel chuke bare ezgode.
5E llide pusamne kai ka chude,
ka cheren te peren e forura angla che porrne
ta e llide ka den ande lie katar e dusmanura e charoke.
6Chi charoina Devla si ostade,
ta gazdari chachimaia,
7tu voli o chachipe ta murzi po kojaipe.
Goleke o Del esvirisarda tut, cho Del,
ta pherda tut veselia
mai but neko e llenen kai si tuia.#Ebr 1.8-9.
8Sa che patave si meriso katar e mirra, aloe ta kanela,
e llilienchar ande basalde kai si len kuerde
veselin tut ande chi charoina cherdi katar o marfil.
9Maskar che diskinie kai si tut,
si chea katar e charura,
pe rig e chachi si e chei kai ka avel chi rromi,
furiadi ando sunakai o mai kuch.
10Asun chorrie,
thov sama so ka phenav chuke:
Bristar tut katar chi familia ta katar cho foro,
11soke o charo si zelno pe cho sukaripe,
vou si cho gazda, ta morabi te kande le.
12E chea katar o Tiro,
ta e llene mai barvale,
den tut ezgode te sai von achen lache tuia.
13¡Etali, e charoki chei del andre, glamni ta sukar!
¡Lake patave si cherde katar e thava sunakune!
14But sukar si furiadi ta inllaren la kai o charo,
ta e chea llan pala late,
e llea kai si lake amal ka aven kai o charo.
15Phiren veselimaia,
vesele den ande charoko cher.
16Che chave ka charoin po trono katar che purane,
ta ka chere te charoin ande sa e phuv.
17Me ka cherav te denpe golli tutar
ande suako porodo,
ta te blagosin tut e forura ostade.
Currently Selected:
Salmos 45: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
