Salmos 42
42
Me aduricharav e Devletar
Katar o lleno kai sikavel te llilaben. Sukar alava katar e chave katar o Kore.
1Sargo o siervo kai basel kana rodel te piel pai,
isto gia trusalo sem tutar, Devla.
2Si mange trus e Devletar, katar o Del o llundo.
¿Kana ka llav te dikhav tut Devla?#Sal 63.1; 143.6.
3Sorro llive ta sorro riat me ausa sea mo jape,
ta phenen mange sorro llive:
¿Kaitalo cho Del?
4Dav man golli katar gala ezgode,
ta rovav andral,
dav man golli sar llava e llenenchar,
ta inllarava len kai o cher e Devleko
ta urkia veselimatar ta daia le fala.
¡Gia bari veselia saia ondaka!
5¿Soke ka jasarav e zor?
¿Soke ka avav brigime?
Ka aduricharav letar,
ta ka blagosiv le ios.
¡Vou si mo Del ta mo braduipe!
6Inai man zor.
Goleke ka dav man golli tutar
katar e phuv katar o Jordan,
katar e burdura Jermon ta Mizar.
7Asundol maskar e jar
sar girmil o pai kai perel zurale,
e bare valura katar cho pai
nakhle upral pe mande.
8Ollivesea o Del bichalel mange po volipe,
a orachaia ni achel mo llilabipe,
vou si o Del katar mo zivoto ta ni ka achav te moliv man leke.
9Me phenav e Devleke kai arakhel man:
¿Soke bristrailan mandar?
¿Soke si te llav ando tangipe
pala me dusmanura?
10Llik me kokala dukhan man
pala e bilache alava katar me dusmanura
kai puchen man suako llive:
¿Kaitalo cho Del?
11¿Soke ka jasarav e zor?
¿Soke ka avav brigime?
Katar o Del me aduricharav,
ta ka blagosiv le ios
¡Vou si mo Del ta mo braduipe!
Currently Selected:
Salmos 42: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
