Salmos 132
132
O alav kai dia o Del e Davide
Llili katar e droma pe burdura.
1Devla, de tut golli katar o David
ta katar sa o bilachipe kai nakhla,
2de tut golli katar e bare sovel
kai jala chuke Devla,
kai san o zuralo katar o Jakob:#2 S 7.1-3; 1 R 8.17.
3Ni ka dav ande chara
ta ni ka inzivav
te lelpe mandar o chiñipe,
4ni ka phandav me akha
ta ni ka sovav niso,
5lligo ni ka malavav iek than e Devleke,
o zuralo katar o Jakob.
6Ando Efrata asundam kai dena orba
katar e arka katar o alav e Devleko
ta maladam la ande umalia katar o vos.
7¡Aven kai e chara e Devleki!
¡Da changenchar angla leke porrne!
8Uste Devla, ta an chi arka, chi zor,
ta aide kai o burdo kote kai ka ache te bese.
9Che popura te furiadon ando chachipe,
ta te veselinpe gola kai si chuke chache.
10Pala o David cho sluga kai voli le,
na de e zea kai o charo kai esvirisardan.#2 Kr 6.41-42.
11Bare sovel jala o Del e Davideke
ta ni ka phagel gola sovel:
Ka thovav pe cho trono
iekhe katar cho porodo.#2 S 7.12-16; 1 Kr 17.11-14; Sal 89.3-4; Ech 2.30.
12Te cherde che chaurre
prema o alav kai diem,
ta prema e zakonura kai ka dav len,
i lenge chaurre ka aven pe cho trono ostade.
13¡O Del esvirisarda o burdo o Sion!
¡Ta mangla te zivil kote!
14Gava si o burdo
kai mangav te ziviu ostade,
kote ka ziviu soke gia manglem le.
15Ka blagosiv but leko jape,
ta e llenen chorre kai si kote
ka avel len marrno te jan.
16Ka furiavav ando braduipe leke poponen
ta o foro e Devleko ka urkil veselimatar.
17Ta kote ka cherav te avel pale
e zor katar o David.
Lachardem iek lampara
e charoke kai esvirisardem.#1 R 11.36.
18Ka mukav ando lallao leke dusmanonen,
a leke ka cherav te klichil leki korona.
Currently Selected:
Salmos 132: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
