Proverbios 8
8
Orba e bizaimaki
1O llanglipe urkil bare avazea,
o bizaipe mukliarel po avazi.
2Thovelpe pe porrne upral pe burdura,
achel kote kai maladon dui droma,
3asundol pasa e udara,
kote kai delpe ando foro phenel gia:#Pr 1.20-21.
4Tumenge murusalen
llan gala alava murne.
5Ternorralen kai ni llanen ta sen dile,
¡Sikon te mislin tumen ta te aven llangle!
6Thoven sama, soke ka phenav tumenge
ezgode but glamne ta orta.
7So ka phenav tumenge si o chachipe,
inai mange drago te kojavav.
8Sa me alava si chache,
ta inai len nisavo kojaipe.
9E lleneke kai si bizai ta llanglo,
me alava si briste ta orta.
10Mai preche si te len sikadipe ta bizaipe
neko rup ta sunakai mai kuch,
11Mai mol o bizaipe neko e barrorra kuch,
¡niso inai prema le!
12Me, o llanglipe, sem e bizaimaia,
ta si man e mai lache orbe kai sikaven.
13Te blagosi e Devle
gua si te murzi po bilachipe.
Me murzui po baripe ta o istardipe,
po bilacho drom ta po kojaipe.
14Me phenav so ka cherdol, ta me cherav le,
me sem o lacho mislo ta e zor.
15Me cherav te charoin e charura
ta me cherav te krisin e krisaria.
16Ma cherav te gazdarin e kraliura
ta chinen krisa e sudura.
17Me voliu golen kai volin man,
ta malaven man gola kai roden man.
18Me dav barvalipe ta liubao,
barvalipe kai inai le son, ta chachipe.
19So me dav si mai lacho
neko o mai lacho sunakai,
so me anav tumenge si mai lacho
neko o mai lacho rup.
20Me llav po drom orta,
katar o drom e chachimako.
21Golen kai volin man
dav len so perel len:
pherav lengo cher barvalipe.
22O Del cherda man
kana iakom cherela po rado
mai anglal te cherel sa e ezgode.#Apo 3.14.
23Cherda man kana iakom llala o vreme,
mai anglal te cherel e phuv.
24Cherda man
mai anglal te avel e mora e bari,
mai anglal te avel e len
ta te likel o pai katar e phuv.
25Mai anglal te chapenil e burdura,
o Del cherdaia man.
26Nios ni cherdaia vou ni e phuv ni e umalia,
ni o prajo kai si cherdi e phuv.
27Kana thoda o miloso
upral po pai katar e mora e bari,
28kana chidia e oblakura ando miloso
ta chapenisarda pai katar e mora e bari,
29kana phanda e morake
te na likel katar po than,
kana o Del chapenisarda e phuv,#Job 38.8-11; Sal 104.6-9; Jer 5.22; Mik 6.2.
30kote sema me sema lea,
ta thovava sa pe po than.
Me sema leki dragostia sa o vreme,
ta chelava man angle le sa o vreme,
31chelava man ando sueto cherdo,
¡ta mi dragostia sea e manusa!#Job 28.23-27.
32A akana chaurralen, asunen man,
cheren so cherav me ta ka aven vesele.
33Thoven sama po sikadipe,
na den e zea po bizaipe.
34Blagosime o lleno kai asunel man,
ta kai suako llive prezol
pe udara katar mo cher.
35Soke ko malaven man malaven o zivoto
ta o Del blagosil le,
36a ko duriol mandar thovel po zivoto pe dar,
¡ko murzil pe mande volil o meripe!
Currently Selected:
Proverbios 8: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
