Proverbios 5
5
E diskinia bilachi, jasarel e muruse
1Thou sama pe mo llanglipe, chaurrea,
asun mo bizaipe.
2Ta gia ka chere e ezgode bizaimaia
ta sai ka de orbe llangle.
3Soke e diskinia avereki
del orba guglimaia
ta lako avazi si kovlo sargo o zeitino,
4a cherdol mai cherko neko e feria
ta mai ostro neko iek jarni
ostro pe dui riga.
5Te lla laia lla kai o meripe,
lake korakura inllaren orta kai o limori.
6Lake ni chitilpe so cherel pe po zivoto
ta ni thovel sama kai llal bangimaia,
7Goleke chaurrea, thov mange sama,
na duriu katar mo sikadipe.
8Duriu katar e rromi avereki,
na lla ni pasa o udar katar lako cher,
9te na jasare o liubao ta cho ternipe
anda va katar e llene kai ni pinllare
ta kai si bilache,
10te na pherdon e lovenchar kai lian
che zoriaia ta che radoia e llene kai ni pinllare.
11Te na thodan sama, ka rove pala e dos
kana chi esnaga ta cho mas ka bilaol.
12Ta ka phene:
¡Soke ni thodem sama kana ortona man!
¡Soke ni kandiem kana dena pe mande!
13¡Ni kamlem te asunav me kovachen
ni thodem sama golenge kai sikavena man,
14ta sai pelema ande bari belava
angla sa e llene!
15Phag chi trus e paiea
kai likel katar cho bunari
16na chude o pai kai likel katar chi phuv,
na chude le ta na rispi le po drom.
17O bunari ta o pai si chire, ta nikake ios,
¡na de le e llenenge kai ni pinllare!
18¡Blagosime te avel
o pai kai likel katar chiri phuv!
¡Veselisao e diskiniaia katar cho ternipe,
19sukariorri sargo iek bakriorri!
¡Te ache bi te malmil tut sa o vreme!
¡Te ave ulime suako drom ande lako volipe!
20¿Soke te ami tut, chaurrea, avereke diskiniaia?
¿Soke de tut ande va katar e diskinia kai ni pinllare?
21O Del dikhel pe so cherel o murus,
ni lel pe akha katar leke korakura.
22E bilache istarel le isto leko bilachipe,
isto leko bilachipe istarel le sargo iek solo.
23Leko billanglipe ka mundarel le,
leko baro dilipe ka inllarel le kai o jasardipe.#Pr 7.6-27; 23.27.
Currently Selected:
Proverbios 5: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
