Abdias 1
1
O lallao katar o Edom
1E ezgode kai o Del cherda te dikhel o Abdias.
Amen asundam o alav e Devleko,
iek bichaldo llelo karing e phuvia te phenel lenge,
Gia phenel o Del:
¡Aide! ¡Aide te mara amen e Edomea!
2Ka cherav te ave minono maskar e phuvia
ta te ja baro lallao.
3Cho baripe kojada tut.
Tu zivi ando putardipe katar e pechine
ta cho cher si vazdino chak upre,
goleke misli
kai niko nasti peravel tut.
4I te furiaa sargo e agila
ta te thovea cho kuibo maskar e cheraia,
kotar ka cherav te pere.#Jer 49.14-16.
O Del phenel le.
5Te avena orachaia e kochkaria te choren tut,
ni ka choren tutar sa.
Te avena e llene kai chiden e drakha
ni ka len sa e krangura.
A che dusmanura zatrisarde tut sa.
6¡Sar rodie ande ezgode katar o Esau!
¡Chorde sa leko barvalipe!#Jer 49.9-10.
7E llene kai amisaile tuia kojade tut,
tradie tut katar e phuv.
Isto che pharnave
mangen marenpe tuia,
ta thoven chuke sole te pere.
¡O Edom inai bizai!
8Gia phenel o Del:
Kana ka dukhavav e Edome
ka zatriv sa leke llenen kai si bizai,
ta ka lav o bizaipe
katar e llene kai zivin pe burdura
ande phuv katar o Esau.
9E boñikura katar o Teman ka izdran daratar,
ta ande burdura katar o Esau
niko ni ka achel llundo.
E dos katar o Edom
10Ka ja baro lallao ta ka ave zatrime ostade,
soke dian orbe kojamne katar cho phlal o Jakob.#Jl 3.19.
11Kana o dusmano lia o barvalipe e foroko,
kana e boñikura katar aver phuvia
perade e udara katar o Jerusalem,
¡I tu sana sargo von!
Kana fulade peke o Jerusalem
ta lie leko barvalipe
¡I tu cherea sargo von!
12Saia te na veseli tut
kana cho phlal saia dukhado,
ta saia te na veseli tut kana perela o Juda,
ando llive katar leki zatrania.
Saia te na mare espurnia lendar
kana von sea but brigime.#Sal 137.7; Lm 4.21.
13Saia te na de ande mo foro
kana von nakhena patnia,
ta saia te na veseli tut kana perena,
ta te na le leko barvalipe
ando llive katar leki nuzda.
14Ta saia te na thove tut pe droma
te mundare e llenen kai nasena,
ta saia te na de len ande va katar lenge dusmanura
ando llive katar e patnia.#Is 34.5-17; 63.1-6; Jer 49.7-22; Ez 25.12-14; 35.1-15; Am 1.11-12; Mal 1.2-5.
15So cherdan averenge, ka cheren le i chuke.
¡Ka perel pe cho soro!
E dragostia katar o Israel
Soke o llive e Devleko si pase
sa e phuvienge.
16Gia sar tumen pilen pe mo santo burdo,
isto gia ka pien ogola phuvia,
polokorre ka pien,
ta ka ni ka dikhon ios,
sargo kana nikada sea.
17A po burdo o Sion
ka aven nesave llene kai ka nasen,
ta o porodo e Jakobeko
pale ka lel pe phuvia.
18O porodo e Jakobeko ta e Joseeko
ka aven sargo iag,
a o porodo katar o Esau ka avel sargo char suki
ta e iag ka phabarel la sa.
¡Niko katar o Esau ka achel llundo!
Me, o Del phenav le.
19E israelitura katar o Negev ka len o burdo katar o Esau, ta gola kai si ande Sefela ka len e phuv katar e filisteura, ta i ka len e umalia katar o Efrain ta e umalia katar e Samaria. Ta o Benjamin ka lel o Galaad. 20Ta e israelitura kai sea phangle, ka len e phuv katar e kananeura llik kai e Sarepta. Ta e israelitura katar o Jerusalem kai si phangle ando Sefarad, ka len e forura katar o Negev. 21Ta ka llan braduimaria po burdo katar o Sion te krisin o burdo katar o Esau, ta e charoina ka avel e Devleki.
Currently Selected:
Abdias 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
